محاورة بين مفرج السيد وعواد الزليباني

محاورة بين مفرج السيد وعواد الزليباني

عواد

ليه الهوى قافل ابوابه		على الذي يشتكي ويون
لجل ايش ما يكسر حسابه		يعطف على المبتلى ويحن

مفرج

لا بد للود أسبابه		اللي لها في الفؤاد يكن
ولو كان لمس الهوى صابه		يسخي بعطفه جبا ما يمن

عواد

مستأسر الروح أدرابه		فاهم لحاله الذي يحزن
رمى له الخيط ما جابه		عنه ادرق في سرايا كن

مفرج

خيط الهوى الطعم ما شابه		اللي يجيب العرب والجن
ما هو بمجموعة أحبابه		ولا شاف عد الريال يرن

عواد

حط الطعم بس ما ثابه		صنارته تنقطع يا هن
لي عام انا في تعذابه		وش رأيكم فيه ياكبتن

مفرج

هذا الذي مالي ثيابه		ما تجيبه الا كبيرة سن
الهرج تعرف تهندابه		واصبر على اللي عليك تفن

عواد

اخاف لا ينكسر نابه		سلامة البيه من يضمن
ابغاه ديدوب واحظى به		واراطنه زي ما يرطن

مفرج

بعد العصر عند اقرابه		براد شاهي وطبخة بن
راقب إذا زاور اترابه		بلكن يصير اللقا بلكن

عواد

من جهدنا ما قصرنا به		في سعينا في حدود القن
وبالأبجديات قلنا به		ما فاد حطي ولا كلمن

مفرج

هذا الذي تقول واضرابه		من ناس أهل المكايد هن
ليه اتعلق بأهدابه		ما دام ما سال عنك من

عواد

ان ما فؤادي تخلوى به		يزيد سقمي ثلاثه طن
لا تزيد همي على مابه		وانت الذي بالأمور ازكن

مفرج

اصبر على الحب واوصابه		عسى ليالي الفرج يأتن
اما الزمن دار دولابه		والا جروح الفؤاد تصن

عواد

انا مع الصبر واتعابه		صابر على الغلب ومكنكن
وما في أمل واترجى به		ولا اقول بكره يجي احسن

****