كسرات رمضانية

 

 

للصائم فرحتان

 

 

 

الصوم به فرحتين وكاد=حديث عن سيد الأكوان

ساعة يبل الروى الأكباد=ولما تلاقي عظيم الشان

 

***

 

 

مبروك

 

 

مبروك مبروك بهذا الشهر=صوام قوام للأسحار

وبالآخره تنعمون بنهر=من كوثر المصطفى المختار

 

 

***

 

يارب ساعدنا

 

بصوم يارب ساعدنا=حتى نوفي لحقك فيه

بأعمالنا أو سواعدنا=مهما عملنا فما نوفيه

 

 

***

 

باي باي

 

 

بالصوم قال الهوى باي باي=وقلت بوداعة الرحمن

الصوم كله حديث وآي=ونرطب الحلق بالقرآن

 

 

 

***

 

فارقني

 

 

ناديت للحب فارقني=من يوم هل الصيام وحل

وبالعيد في النار حرقني=من حين تشهد هلاله هل

شاعر المليون

الشعر يشكي

 

أو

 

شاعر المليون

 

 

جاني الشعر يشتكي محزون=وقال راحوا ربابيني

ولو المقدر علي يكون=اقروا عزايه وتأبيني

وقلت بلقي عليك لحون=وعند الخطا لا تحابيني

من فن كسره وكل فنون=كل شي ما هو بغابيني

يمكن اجي شاعر المليون=لو كان شعري فلبيني

ما هو شياطين لي يوحون=ولا جن بالسحر تنبيني

إلهام من خاطري مضمون=وابغى اطمن محبيني

لكل صاحب أنا ما اخون=أبوي أول مربيني

وفي شيلة السيف والا الشون=ما اقول يا بنت خبيني

وللي رمتني بسود عيون=ما اقول بالله حبيني

إن ما يجي لي الهوى بالهون=ما اخلي الحب يسبيني

واصبر على جرحي المكنون=مهما يسوي الهوى بيني

أخلاقي اللي بها مقرون=ولا اقول يا اخلاق كبيني

قال الشعر منك أنا ممنون=لا هضت بالشعر تصبيني

وفي متحف الشعر كم مفتون=واعدهم من قرابيني