مختارات من كسرات مفرج السيد ( 500 كسرة وكسرة )

مختارات من كسرات مفرج السيد

1

يا موطن العز تستاهل=نفخر بعزك على الأوطان

يارب تحفظ لنا العاهل=وولي عهد الوطن سلطان

2

اللي كما النحل يعمل قرص=يخفيه عن نظرة الأعيان

واللي يقرِّب جزاه القرص= لكن كما قرصة الثعبان

3

درسي هو والتخصص حب=وعيا يوظفني الديوان

تاجر نظر قال لي يا أب=هذي شهادتك من تيوان

4

واحد سأل فالهوى جمهور=من جرب الحب من ذاقه

في عود ماشي على باكور=جاوب بزفره من اعماقه

5

كاس الهوى كم شربته صرف=كسرت بالدمع حداته

ياما بكى فالمحبه طرف=وياما سهر طول ليلاته

6

نفطر محبه ونتْغَدَّى=برضه محبه ونشرب حب

هذا الذي عندنا أدى=للمشكله بين بنت وشب

7

ممالكه حازها باليد=بالظلم والعسف والإجبار

جميع مستعمرات الود=فيها البلا والخطر والنار

8

صدرك ورمان به شالع=قميصك اللي يدفيهم

وضغط الحراره بهم والع=يحرق لمن هو نظر فيهم

9

لما تخاصمت انا والود=حط الأمور الرديه في

اللي مساويه ما تنعد=منها الذي بان والمخفي

10

باعطيك انا من علومي درس=ينفعك فاليوم والآتي

فالحب ماكنت انا كومبارس=دوري البطل في حكاياتي

11

طبع المظاهر وفرش الجوخ=فالوقت أصبح لنا عاده

تسمع من المدح لين تدوخ=وتحط فالأذن سداده

12

وجهك كأنه صخر منحوت=لاجات للناس بك حاجه

وكنه غسل من مرق للحوت=لما لحاجتك تتواجه

13

قلي تقول الغزل مازلت=والحب لك والغزل مُحرج

جاوبت انا بالهوى عزلت=واقول ما يطلب المخرج

14

الورد في موقعه غاضب=أول لنا يرسل البسمات

لون الشفايف هنا حاضب=أحلى من الورد بالميات

15

بالصدر يرقص بمد وجزر=رمان عالي على الأشجار

ما داعبه من يده لو بزر=لجل الذي حامله أبكار

16

العين والرمش والكحله=واللحظ ما بينها فتاك

قامت عيوني بها رحله=انا هنا والفؤاد وهناك

17

كل ما لمس هاجسي أوتار=قلبي وداعب خيالاته

له تتجه ساير الأفكار=وانا مقطع سجلاته

18

لما عليْ الهوى نكد=اللي معي فالبدايه زين

طبعه كذا قال ومؤكد=اللي رماه الهوى بالبين

19

كل ما أنا جيت للتوبه=جات المقادير ترميني

واعود نوبه ورا نوبه=من هو من الحب يحميني

20

تذكار جاني من الماضي=حرك شجون العواطف ذيك

قابلت الاشواق باعراضي=وقلت يا شوق انا ناسيك

21

هل المطر واستقى العطشان=وابتلت الأرض من وبله

واللي فتح طاقة الروشان=مع المطر صابنا نبله

22

الناس فالكهربه والماس=انا على لمبتي بالكاز

الحب ولع غرام الناس=وانا احترق من هواي الفاز

23

بليز قلي وفيه احترت=اللي معي ما يفك الحرف

لكن في داخلي قررت=في عجمته أخضعه للصرف

24

أشرب كدر مع صبر وامرار=ولا غيَّرالود مشروبي

دايم معي طافح المعيار=اللي أسميه محبوبي

25

الحب عمله بهذا الوقت=فالناس زايد تداولها

ولو كان في فحصها دققت=بختامها الزيف واولها

26

قلي عصاك الذي ما اعصاك=أو مثل خاتَمْك بيمينك

وفالضايقه قلت هات اقصاك=لي قال ديني ولك دينك

27

الشخص ما هو بذاك الإسم=لكن في زين أفعاله

كم شخص شفته كبير الجسم=ولا قال يصدمك باقواله

28

أعتب على اللي أنا لجله=سبت البعيدين والأقراب

واعز حتى ترى رجله=ومن أجلهم صار لي حرَّاب

29

ظليت انا والهوى إخوه=بعناق مثل الألف واللام

أنخاه لا احتجت للنخوه=واليوم انا والهوى أخصام

30

حطيت انا الحب في علبه=في وسط شنطه بعشر اقفال

وقلت ما عاد لي طلبه=عند الهوى واستراح البال

31

تاجر شرى الحب بالتوكيل=وصار بالنقض والإبرام

مثل الصعيدي بأرض النيل=اللي شرى صفقة الأهرام

32

لي غير كل الطبايع طبع=قليل من هو سواتي فيه

أهلك عطش لو أمامي نبع=إن من مره علي راعيه

33

يا للي جعلت الوفا لك زي=يلبس ويخلع مع لباسك

ترى الوفا عند غيرك شي=أثبت من الأذن في راسك

34

ترى الهوى للفتى محنه=أما نجا فالهوى أو مات

لاجات في خافقه شحنه=من كهربه خمس مية وات

35

سؤال عبر الفضائيات=نازل على شاشة أنترنت

هو بالرجل مصدر الآهات=والا بالاثنين والا الست

36

واقلبي اللي كما الأسهم=عند الذي نازلين السوق

شغل الهوامير حايسهم=حبه تحت ثم حبه فوق

37

جاني على البيت متكلف=من بعد غيبة سنين طوال

يمين بالله لي يحلف=على الوفا قلت كيف الحال

38

الوقت مثل الجراد اللي=تراه فالأرض متلابس

والا كما النار ما تخلي=في دربها اخضر ولا يابس

39

ياليت بالزنبرك ينعاد=مشي الزمن وارْجع اللي فات

اسيرمن أولات الماد=وامشي عدل واترك اللفات

40

للفن سووا أكاديمي=للي يبا يشتري ويشوف

أحيان في جو تعتيمي=واحيان ظاهر على المكشوف

41

أرجع إلى الحق لو أبعدت=والصدق دايم معي صاحب

يا ما مسافه بعيده عدت=لو كان اجر القدم ساحب

42

اهل بدر حبهم لي ربح=معروفهم في رقبتي دين

سادات واشرافهم مع صبح=فالقلب منزالهم والعين

43

أشر بكفه وليه قال=والكف مخضوب بالحنا

بنات كنا سوا وعيال=ولا عاد منكم ولا منا

44

اللي كتبناه فالمحضر=بالنص عن مصدره جانا

لا تغمض العين ما تقدر=مادمت تنظر لروتانا

45

يا سيدي يا غلا قدرك=بردان والنوم جافيني

باحط يدي على صدرك=عسى حراره يدفيني

46

ياليت جو البلد هكه=دايم عن الحر معزولين

نبغى من الحر ذا فكه=ونحوز رقه ونكسب لين

47

اللي بقلبي الشقي أشعل=فتايل النار والشمعات

وانا الذي كل ما يزعل=أهل من أجله الدمعات

48

قال الهوى ليه يا هراب=تنحاش وتخاف من ظلي

قلت الذي ينقرص من داب=يخشى من الحبل يا خلي

49

الورد شفته على الشفه=وشفت الطماطم على الخدين

لكن محفوف بالعفه=ما تحوم من حوله اليدين

50

سرويس أول وهاتف بعد=والفكس يتلاه انترنت

ما حققت لي هذاك الوعد=عيت عليها ترد الست