رسالة نادي المدينة المنورة الادبي- تكريم 1421هـ

الدورة التنشيطية الرمضانية

المنهل 1419هـ

رسالة المنهل 1-4-1396هـ

كسرة ليوسف حامد الرديني رحمه الله

كسرات 29 / 12 / 1437هـ

رد لمشتكى

وجه لي الشاعر أبو الوجيه من آل مرعي عن طريق صديقي علي عبد الرحمن مرعي من أملج مشتكى وهذا الرد عليه .

ذي دبرة الرب والهامه=سبحانه الخالق الأعظم

وكل شي ينقاد بزمامه=حسب الذي خالقه نظَّم

**

عوامل الخير تنفعنا=وعوامل الشر فيها ضر

والشر يحرق مزارعنا=والخير زرعه نما واخضر

**

هويت لي في حياتي شخص=مده شغل في الهوى حالي

ولما الهوى باعني بالرخص=بعته ولو كان لي غالي

**

لغز

في كل حاره ينورها=لا باح داعي الهدى عنُّه

ويا كم نفع من يجاورها=إن كان ما عندهم منُّه

كسرات 26 / 12 / 1437هـ

رباعية

أنا مخضرم أنا عصري=راعي حضارة وراعي بل

ماني بشامي ولا مصري=ولا مغرب أو بتونس حل

ولاني يماني ولا بصري=وانا سعودي واحب الكل

وموقعي في الهوى حصري=ما يدخله شخص غير الخل

***

من سلسبيل الشفايف ذوب=ياما نهلنا عسل حالي

واطفى لنا بالحنايا شوب=واخمد لهب حرها الصالي

***

ألغاز خفيفه

بنتين سكان بالباحه=أمعاءهم تنتشر بالأرض

فيهن لكل البشر راحه=من كان بالطول أو بالعرض

**

قالوا ثلاثين مع إثنين=هذا حسب قول حاسبها

وان سلت عنها تجينا منين=خلقه وواحد يركبها

****

كسرات 23 - 12 -1437هـ

كسرات

سعود فيصل قبل خالد=يأتي فهد قبل عبد الله

سلمان دايم لنا والد=يرحمهم الله وهو يرعاه

**

أقول لجمهوري الحبيب

حبايبي كلكم عندي=في منزله واحده بالراس

مثل الدرر حازها زندي=والا الجواهر مع الألماس

**

شفايفك طعمها كاكاو=أما عيونك وساع كبار

يا اللي بدايتك ميم وواو=ضي آخرك يكمل المشوار

**

اللي لها في البدايه أب=يصير في آخرتها تسام

ويقال معها أخوها شب=قالوا له الناس يا بسام

**

هيا امنحيني من الصافي=رشفة عسل من شفايا الفم

وانام في حضنك الدافي=مثل الطفل فوق حضن الأم

**

حبيت داخل وبالخارج=وجربت انا القرب والإهمال

واليوم سلمي ما هو دارج=ضيعته مكسب وراس المال

**

باراك اوباما غشاه الخوف=من روسيا والذي معها

مخاوفه تعتلج بالجوف=والروس تفرض مطامعها

**

إيران دوله مجوسيه=لكنها تدعي الإسلام

وجيوش بشار روسيه=يبغى يحقق بها الأحلام

**

يا مجلس الخوف هذا اسمك=ما يرتجى الأمن من خايف

من غضبة الناس خذ قسمك=في قتلهم والنظر شايف

**

ألغاز

باقي ولو مرت الأزمان=فضايله شي ما يحصى

شهيد في ذمة الرحمان=أميته يدخل الأقصى

**

مربوط في موضعه مشبوح=محبوس بين الجميع جهار

له جسم لكن ماله روح=مقطوف ريقه من الأزهار

**

أول سهم أول حروفه=وثلاثه حروف تعكس ليه

بالليل أنظر له تشوفه=بالليل يلفي لنا يا بيه

**

وش أم تحمل لها بنتين=ومسجله في دوايرها

والأم لو تفقد الثنتين=ضاعت وضاعت بصايرها