كسرات في كسرات 2 - مفرج السيد
كسرات قديمة سجلت
في رمضان الماضي ( 1438هـ ) وبعده
أقول للي يبا
ولفي=الوقت يمشي على قدام
عمر الزمن ما مشى
خلفي=ولا حال لهل المودة دام
**
هيا اسمعوا قصتي يا
قوم=يا اللي هواكم غزاه البين
من عهد آدم لحد
اليوم=والحب مبني على قلبين
**
غير الوطن ما بقي
لي حب=من بعد أهلي وأولادي
نعمه غرسها بقلبي
الرب=من يوم تاريخ ميلادي
**
قولوا لمن يدعي في
الود=الحب ما هو أنانيه
نهار يصدق معي من
جد=أعطيه ودي علانيه
**
أصوات تزعجك
وتْطفشك=مثل الدجيره وصوت الغول
واصوات من حسنها
تنعشك=كأنها عزف من أرغول
**
عن رمضان ولم تسجل
في تويتر
كل يوم واحنا على
ميعاد=مع الأجر والرضا والخير
يا ليت شهر الصيام
يعاد=ويعود من أولات السير
**
البارحه قبل ضو
الصبح=ينعق عليَّه غراب البين
هاذي خساره وماهي
ربح=ما دام ما لَيَّمَتْ قلبين
**
بحر الهوى بالهوى
زاخر=ما ينعرف أوله واتلاه
من أول الوقت
والآخر =يا كم من راح من قتلاه
**
يا عيد فرحت كل
الناس=وانا معك غابت افراحي
لكن با اظهر لك
الإيناس=واخفي أسى كل أجراحي
**
أحبابنا في جميع
الكون=بالعيد جينا نهنيكم
ربي لكم في
شَهَرْكم عون=ويحقق الله أمانيكم
**
أيام عشره
لياليها=والجيب يشكي من الإفلاس
وارزاقنا بيد
واليها=واحنا تحَت رحمته جُلَّاس
**
لازم تخاصم مع
الواجب=لما عملهم زمانه حان
والكل للي معه شاجب=وراعي
النقايص غدا فرحان
**
من يذكر السكر
المملوح=اللي نحطه بشاهينا
أحمر حماره علينا
يلوح=ببيوتنا أو مقاهينا
**
لا شفت وجهك مع
خدودك=مثل القمر في سماه آراك
ولا شفت جسمك مع
قدودك=كنك غصن من غصون الراك
**
يا ريس المحكمة
قلي=عمن قتل في الهوى والصد
يعفى من المحكمة
كلي=والا يحاكم وياخذ حد
**
ابن بطوطه وابن
ماجد=وابن جبير الذي معهم
واللي برحلاتهم
واجد=في رحلته قام جمعهم
**
هاتي إسم بالإعارة
لك=ويكون عند الأهل مجهول
حتى أجابهك عند
أهلك=وتخاطبيني بكل سهول
**
صباحكم أو مساكم
خير=أيامكم أو لياليكم
واهدي سلامي بصوت
الطير=لما يغني يسليكم
**
لاجيت معزوم في
حفله=حط المفطح أمام العين
أما الشعر صار في
غفله=بالصدر مكسور له ضلعين
**
بعد الكثر قلوا
اصحابي=ما اشره عليهم وانا المسئول
ما كل من كان هلَّى
بي=صاحب وأمره كهذا يئول
****
منوعات 12-4-1439هـ
الكسرة
لو جيت ابا اثمن
الإنتاج=اللي على مستوى راقي
أقدم التاج لا بو
تاج=حْسب الذي بان بوراقي
**
ركبت في الحب لي
موجه=زهرة شبابي نهار الأمس
ولما رأيت الفرِاغ
أوْجَه=فارقت له تحت نور الشمس
**
كسرات
سألت أنا من بنات
الجيل=جمله عن اللي يحبونه
أحلف لكم صدقوا ذا
القيل=يا كم شايب يلبونه
**
إن قلت انا اهواك
ما تصدق=وما تصدق ان قلت انا ما اهواك
أنظر بعيني بها
حدق=في نون عيني ترى مأواك
**
ترى المعاتب سوات
الملح=للأكل في مذهب العشاق
ساعة زعل تنتهي
بالصلح=لأن بُعد الحبايب شاق
**
منوعات 14-4-1439هـ
الكسرات
الناس صاير لهم شاغل=ما ينشد الحي عن اللي مات
والبعض بقلوبهم يا غل=ساكن وعامل لهم أزمات
**
اللي خرج من حياتي يوم=أقول عساه ما يرجع
ما له عتب عندنا أو لوم=ومثلي إذا ما ضرب أوجع
**
سنين أغني على الحلوين=واسبوع واحد أغني مر
بعض الطبايع بها تلوين=وقليل من هو كريم وحر
**
لقيت بالروض عصفوره=متنقله بين حوض وحوض
وبقربها شفت نافوره=يا زينها وزين ذاك الروض
**
من دائرات الغرام أود =أخرج إلى دائرات الضو
لكن كل ما التفت والد=أشوفني في هذاك الجو
**
كل ما أتت للغرام رياح=وطشته في أيادينا
جاله مطر بالحيا ميَّاح=شاله وقفَّى بوادينا
**
كني ضماني من الأيتام=عند الهوى ضاع ايبانه
معروف إسمه وشهره تام=لكن مطلوب تبيانه
**
للبنت عند اهلها تقدير=وهي تفتخر دوم بسرتها
ذي قاعده عندهم ما تدير=ولا يمكن الناس كسرتها
**
واحد رجل موقفه عن ألف=لا جيت وقت اللزم تنخاه
وواحد لجيته يعوِّد خلف=والمشكله لو تكون أخاه
**
لاحظت انا رغبة القاري=يميل للنقد والتوجيه
لجله كما النور للساري=طوق النجاه الذي ينجيه
**
بالود انا دوم متعلق=ودايم حديثي حديث الود
شاعر مع الشعر ومحلق=وبالشعر والود مالي ند
**
شعر الغزل يعشقونه ناس=وبعض العرب ما يودونه
وفي دولش الأنس والإيناس=مطلوبهم ما نقف دونه
**
شربت كاس الهوى صافي=ما شابه المر والتكدير
ألذ من لذته ما في=واخذت في الْمَرْيَسَه تقدير
**
تسابق الوقت والإنسان=والوقت هو الذي سابق
فكره لنا نالت استحسان=وتوافق الحال وتطابق
**
عمر الندى ما يعود غيث=ولا قط سال الندى بالسيل
ولا عمر حصني يعود ليث=مثل الضحى ما يعود ليل
**
بمواجه الحب خذ لك سيف=وحط بالنصف جنبيه
طالع سواته بغيرك كيف=وانظر بما عقبه بيه
**
أنا كذا دوم حالاتي=مع البشر كلهم طبعي
أفسح لهم في مجالاتي=واعدهم كلهم ربعي
**
المصلحي صحبته ما تدوم=حده إذا نال مطلوبه
مثل الذي ما عليه هدوم=مكشوف سره وأسلوبه
***
منوعات 15-4-1439هـ
كسرة
شعشع قمر في ظلام الليل=تمثال للحسن ستره زيح
ما ادري جرى مع مسيل السيل=والا سرى مع مهب الريح
***
منوعات 17-4-1439هـ
كسرات
تغريد واعجاب أبو ماجد=رجال وافي وعلمه زين
جمهوري المحترم واجد=واحطهم وسط نون العين
**
سويت للحب منلوجست=ما كان حاكم ولا سلطان
ولما نظرت الأمور وقست=رأيت إني مع غلطان
**
أقول ما في البشر وافي=كلام عن تجربه مني
حتى الذي كان لي صافي=معهم مضى واختفى عني
**
كل يوم اقول الفرج البكره=ويمر بكره سواته أمس
عيشه أنا عشتها مكره=وانا نقي مثل ضو الشمس
**
يسقي مرابع بدر بالسيل=أغلى واحلى مرابعنا
ياما سهرنا طوال الليل=هُمَّا وانا البدْر رابعنا
**
دوامة الحال دامت بي=ثلاثه ايام طوالي
مثل الوليد الذي يحبي=وابغى الفرج منك يا والي
**
الصدق هو للرجل رسمال=يا اللي ملا الحقد ماعونه
نعمل وتشهد لنا الأعمال=والهرج للي يبيعونه
**
أَثْر البطاقات بطاله=ما ترحم الحي واللي مات
رزقي وقف كنت في حاله=باسباب تحديث معلومات
***
****
كسرات 18-4-1439هـ
المعذره للجميع تكون
شعري بديته مع الفصحى
اللي بشعر الغز مسكون
يهجع معي والفجر يصحى
**
أعشق أنا الشعر بانواعه
واغراضه اللي عليها يدور
عاصيه يخضع ومطواعه
لما يرى في سماه بدور
**
صياد وسط البحر ملاح
في غبته بالشتا والصيف
لا شاف بدر السما له لاح
أقبل يناجيه كنه طيف
**
الشعر متنفس الشعار
وقت الفرح أو زمان الهم
فيه السهوله مع الأوعار
سلسل والا غزير الجم
**
أكتب أوتار قلبي دوم
والحبر من دمعي المسفوح
واعوم بين القوافي عوم
مثل الخزامي شذاها يفوح
**
وضعت لي بالشعر بصمه
صادق بقولي وأفعالي
ترى الشعر ينحسب وصمه
إن كان ما هو شعر عالي
***
منوعات 20-4-1439هـ
كسرات
يا طرف لا شفت لك مشهد=والقلب قرر قراره بعد
أنا معك بالشعر أجهد=واكون حاضر معك في الوعد
**
قلي حبيبي تسامحني=لو شفت مني نهار جْموح
وقلت لو كنت لامحني=وصديت عني ترى مسموح
**
يا شعر انا في رحابك ضيف=ولعل ماني ثقيل الروح
ومن بعد هذا العُمُر يا حيف=كيف الهوى يبتلي بجروح
**
عصفور صوَّت وأشاجني=ذكرني ايام فيها السعد
لما الهوى كان ناجاني=جدد معي في حياتي وعد
**
طارت عصافير قلبي أمس=تفرقت في نواحيها
واسمع صدى شدوها بالهمس=كأني الآن أوحيها
**
يا رب نرجع على بابك=نبغى الرضا منك يا غافر
ولا خاب مَن كان طلابك=يرجع وهو بالرضا ظافر
**
***
كسرات مجهولة
الهوية
يا سيد ما في الهوى ثابه=ما فيه غير اكتساب ذنوب
أما نجي قوم نهابه=والا تركنا الهوى ونتوب
هذه الكسرة قالها لي أحد أبنا الجماعة ونحن صبيان ،
وكأنني الآن أرد عليه فأقول :
هيا استمع مني الجابه=ومصممه من جميع ثقوب
الحب نيران شبابه=والمبتلى ما عليه عيوب
**
كسرة قديمة مجهولة الهوية وتكملة
سمعت بيت الكسره القديم :
لو البكا ينفع الإنسان=بكيت يومي وليلاتي
وأكملتها على النحو التالي :
لو البكا ينفع الإنسان=بكيت يومي وليلاتي
وامد صوتي بكل لسان=وابكي على لحن شيباتي
***
كسرات
من هم كبر الجبل شلته=حتى تحطم على ظهري
لكن بعد الصبر نلته=حقي ومجهود في شهري
**
ما همني فلان والا فلان=لو كان أول معي غالي
ولا قط راسي لواحد لان=غير الذي ركُّبه عالي
***
تكملة
بيت من كسرة قديمة
|
بين الحصن والزباير ذيك
|
|
رميت انا يا دخيل الله
|
هذا البيت من كسره وهو نقله من نقلات زيد وقد أكملت
الكسرة على النحو التالي :
|
بين الحصن والزباير ذيك
|
|
رميت انا يا دخيل الله
|
|
واللي رماني ترى يا ذيك
|
|
أبو وصايف حلاها الله
|
والمفروض أن أقول في الغصن الثالث :
واللي رماني ترى يرميك
فهو أقوى في المعنى ، ولكنني فضلت تناسق اللفظ في
القافية ( ذيك ) و ( يا ذيك ) ، وتكرار إسم الجلاله ( الله ) في القافيتين جائز في
القديم .
***
منوعات 23-4-1439هـ
كسرات
أصبح رصيدي ببنك الود=صفرين ومكعبه ليَّه
مع أمر صادر بكف اليد=والأمر بالسجن حوليه
**
صار المواطن رصيده زين=حتى المعيشه لها رافد
ما دام سلمان نور العين=الخير دايم لنا وافد
**
سلمان يا ربنا ينصرك=على عدوك نصر ساحق
من طيب أصلك ومن عنصرك=خيرك على الشعب متلاحق
**
من خوف أخرج أنا عن نص=أراجع الفعل والأقوال
رجال في مثل سني خص=دايم يحاسب على الأحوال
**
لو يظهر الحب ويحارب=بعض الخلايق يِحَرْبونه
والبعض من سطوته هارب=وعن بعد مَن هم يسبونه
**
الحب طوفان عم الكون=ما في سفينه ولا جودي
والبعض حبوا هذاك اللون=لكن من غيرهم عودي
**
صيدح وجبران ونعيمه=ماضي وقروي معه معلوف
في الشعر قاموا لهم خيمه=في المهجر اللي لهم مألوف
**
لو جيت تكشف على قلبي=تلقى الفيوزات محروقه
وزياده الغلب في غلبي=العقل والفكر مسروقه
**
رماني الوقت بأفاته=وانا عن الوقت متغافل
لا أحكم الوقت حوفاته=يرمي من اعلى إلى السافل
**
كسرات
بعض العرب للنعم جاحد
عدمت هذا الشكل من شكل
أحسن لهم حفرة اللاحن
قدام لا يأكلون الأكل
**
صبرت حتى الصبر قلي
أرجوك يا صاحبي مليت
وللصبْر انا قلت يا خلي
في موقعي كيف لو حليت
**
لقيت مكتوب في الألبوم
بعض الخلايق صقور احرار
والبعض منهم سوات البوم
ووقعت معهم على الإقرار
****
منوعات 26-4-1439هـ
كسرات
اثنين بالصدر مركوزه=تقصف قلوب الأوادم قصف
وثنتين برموش مرزوزه=وسهوم وحراب تعصف عصف
**
هيا اسمعوا عاقبة أمري=من بعد ماني عقيد الود
اليوم في آخرة عمري=كل المحبين ليَّه ضد
**
مْسافره للوطن قالت=وقلت وامتى يكون العَوْد
على الأذن هامسه مالت=حسْب الطلب نقص والا زود
**
ليت الهوىيباع بالتقصيد=واخذ من الحب مطلوبي
واطب بحر الهوى واصيد=اللي أرى فيه محبوبي
**
يا نقطة من الحب لما تسيل=مثل السحابه بواديها
تسقي بشر من شباب الجيل=وحلوق يبتل صاديها
**
أخذت من ذلك العنقود=حبة عنب حاليه بالحيل
باقي حلاها معاي عقود=عايش معي في نهار وليل
**
قدم فروض المحبه لي =وقدمت له واحب الطاعه
وقلت له يا بعد أهلي=شرف مقامي ولو ساعه
**
عذب اللمى مخملي الجسم=اللي بالاوصاف جنني
ما ابدي إشاره ولا اطري إسم=غير ابدي الفرق عن سني
**
لما أعبر عن أفكاري=تعبير بالبوح والأشواق
واختار من نسج أفكاري=عن كل عاشق أبث ابواق
**
أحيان بعده يريحني=واحيان أشتاق له واحن
واحيان قربه يصيحني=واحيان فرحه وضحكة سن
**
بمناسية حضور النساء للملاعب
أختك وبنتك معك في أمن=وتشاهد الوضع وتشوفه
مع البقيه عسل مع سمن=سجل لنا الوقت مكشوفه
**
تفاحة القلب أولادك=وهم فرحةالعمر فيي دنياك
في حبهم ربنا زادك=ويديمهم ربنا واياك
**
صاحب نصح قال خل الحزن=وخلك بطول الزمن مرتاح
ما هو حزن يا صديقي مزن=من هم كيف السرور يتاح
**
أضحك وفيي داخلي منجم=من هم واحزان في صدري
لو ينطق القلب لك ترجم=عن الذي بالحشا بدري
**
لولا طرفمن صبر يجعل=للقلب منفس نهار يضيق
الله أعلم بما أفعل =يا صبر مثلك بمثلي يليق
***
منوعات 28-4-1439هـ
كسرات
تواضعي أخجلوه الناس=اللي معي في القسا واللين
أحباب من ساير الأجناس=واقول ممنون يا غالين
**
حصلت مجد الشعر بكفاح=ما هو دعاوي ولا تطبيل
مثل القرنفل عبيره فاح=واستقبل الورد بالتقبيل
**
زهمت واسمع صدى صوتي=واللي زهمته يسد السمع
انسان صمم على موتي=واعلن جهر بين كل الجمع
**
لو قلت يا حب مالي فيه=أخادع النفس وادرىالخلق
لكن غصب والأسى أخفيه=أغلقت باب المحبه غلق
**
الحب سلمت مفتاحه=للحارس اللي لقيت هناك
والحزن للقلب يجتاحه=ويا اللي شربت الهوى يهناك
**
اللي لترك الهوى أعلن=من أجلهن ناعمات الخد
أقول لو انهن زعلن=تراه ما يستحق الود
**
في كل ليلهلنا مشروع=في الحب مع شرح أوضاعه
شيحه لها في الغرام فروع=ومن يحفظه غير من ضاعه
**
أعيش مع ذكريات الأمس=خيال ممزوج بالواقع
أحيان تسقي العسل بالخمس=واحيان من سمها الناقع
**
من يوم انا في حياتي ورع=مارست في الهوى بجنون
فارس وواقف بسيف ودرع=ما اجني عليهم ولا يجنون
**
يومي أنا والشعر بعناق=والود ما بيننا قايم
والبعض دايم معه بخناق=شد العصا بينهم دايم
**
سعادة القلب ما تشرى=لو كان تدفع خزاين مال
لكن من ربنا بشرى=من ضمنها صالح الأعمال
**
هذه الكسرة أهديها لصديقي وهو يعرف ما أقصد
دعوات نحو السما تصعد=ما يردها عن سماها شي
أخف من سرعة المصعد=مره مروح ومره جي
**
دعوه من الأم مقبلوه=تقصد بها الواحد الديان
دايم على الحب مجبوله=أوصى بها ساير الأديان
**
إحنا عملنا الذي نقدر=وعليك يا ربنا الباقي
وانت الذي بالدعا أجدر=يا الله يا رب يا واقي
***
منوعات 30-4-1439هـ
كسرات
يا رب جيتك وانا ناكع=مثل البعير الذي مكسور
واليوم في ساحتك راكع=مافيه بينك وبيني سور
**
يا صاحب الصوم لو تظمى=لو كان في يوم جاك الجوع
لك منزله في السما عظمى=في يوم ما عاد فيه رجوع
**
يا ربنا سترك الضافي=والعافيه والرضا يا رب
أنت الذي تعلم الخافي=وكل شي لك في علاجه طب
**
للمره الألف اصارحكم =حبايبي ساير الأجناس
لو صابكملفظ جارحكم=مني خطا واعتذر يا ناس
**
يا خالق الناس يا كافي=أمرك يجي بين كاف ونون
يشمل لنا سترك الضافي=ويضمنا سرك المكنون
**
حلفت يا ضلع انا لا ارقاك=واحط بالراس ماريه
ما هم صخرك ولا برقاك=عزيمتي فيك ناريه
منوعات 1-5-1439هـ
كسرات
عذق الفريكه طلع بالزرع=مع المظفر ويا فاوي
والطير يصدح بصوته فرع=لجله لغزو الدخن ناوي
**
قدام يا ما لعبنا الطيب=وسط النخل في تجمعنا
ما فيه راعي وما في ذيب=باخلاق كل الذي معنا
***
منوعات 3-5-1439هـ
كسرات
يا كم انا في الهوى حبيت=من يوم تاريخ مشآتي
من عذب نهر الهوى صبيت=ماضي وحاضر مع الآتي
**
باقي معي من بقية حب=قيراط واحد من المثقال
لكن لو في الزبادي صب=تلقى الزبادي جميع ثقال
**
أخذت لي حب بالديره=وجرت آخر بذيك الطَّرْش
لقيت هذي بها غيره=والثانيه في هواها القرش
**
أعطيتكم بعض أسراري=في حاضر الوقت والماي
والله ما الد في جاري=لو كان مثل القمر ياضي
**
لقيت لي في الخلا مارد=قمت وسألته عن الأحوال
كل شي في وقتكم وارد=قلي ووَلّى وله ولوال
**
شيوخنا في الشعر وفوا=وباقي أمل في شباب الجيل
واللي بأفكارهم جفوا=ما عندهم غير قال وقيل
***
منوعات 4-5-1439هـ
كسرات
حلفت انا يمين للغالي=عن الغدر والجفا واللوم
واقولها صدق ما اغالي=اليوم والا بعَد ذا اليوم
**
لما بسابق تعاهدنا=الخل وانا على الميثاق
كان القمر فوق شاهدنا=وحط معنا بْسماه وثاق
**
صف الأوائل أخذ شهره=ويرددونه بكل لسان
مثل الذي يركب المهره=والا الفرس يسبق الفرسان
**
سوف الهوى مسبل عيونه=يبغى يصيد الأودم صيد
مثل النجف شع بنيونه=ويكيد كل الأعادي كيد
**
لما طلب صاحبي طلبه=وقلت يا صاحبي بشراك
لجلك على قاعده صلبه=عند الذي ما ارخصوا مشراك
***
منوعات 5-5-1439هـ
كسرات
بعض الهوى مثل صب الراح=اللي يِعَرْفُونَه أهل الكيف
إذا بدا أوله أفراح=في آخره يظهر انه زيف
**
كالورد والا كما التفاح=ذيك الشفايف بحمرتها
والسيف من دونها سفَّاح=تكوي العواذل بجمرتها
**
يا طير فوق السما يا طير=تصبح مع الرزق وتماسي
والناس يستنظرون الخير=من رب ما هو لهم ناسي
**
طَمِّنْ مشاعرك يا محبوب=وحطبالبطْن لك شِلْيَن
شفت الندى صبح يوم يذوب=مثله معك في الهوى وَالْيَن
**
مخلوق من جملة الحِيَّان=اللي شغلني وعنَّاني
لا من عتيبه ولا لِحْيَان=نظره وما عاد ثَنَّاني
***
منوعات 6-5-1439هـ
يا شعر خلك مع الصنفين=وانا معك يا شعر خازن
شق العصا بينهم نصفين=خلك مع الكل متوازن
**
أجلب صنوف القوافي جلب=واحط معها معانيها
واصوغ معها هموم القلب=مع كل من هو يعانيها
**
عن القوافي أفتش دوم=واختار معنى يناسبها
أجيبها من بحَرها عوم=والطايله دوم كاسبها
**
واحد هواوي ولابس جنز=ويغازل البنت بالشارع
والموتر اللي يسوقه بنز=مع أهلها صار متصارع
**
تراقصت في الغرام عيون=وعيون أخرى تراقصها
الرمش خاطب سواد النون=سؤال والرد ناقصها
**
أمضي والأيام تمضي عكس=مع كل خطوه لها خطوات
كل ما تقدمت ترجع نكس=وتطشني باسفل الهُوَّات
**
يا وقت كل الزمن شكوى =ما فيه ساعة هنا وحبور
ظهري كما النخله التكوا=وانا كما القُب فوق البُور
**
اللي تهادت بصورة بدر=سألت قالوا كُوَافِيرَه
روَّحت فرعي وراحت حدر=وانا بديره وهي ديره
**
ترعد وتبرق سحابتهم=لكنها ما تجيب امطار
تسأل ويا زين جا بتهم=واللي وقع في يديهم طار
**
أحن للدار والميلاف=حنين طاير وليفه غاب
يا ديرة الأهل والأسلاف=وين الحبيب الذي لي طار
**
إحنا كما الصيد بالآفاق=حبايل الوقت تقنصنا
وقلوب تخلى من الإشفاق=هذا الذي كان ناقصنا
**
سحابة الصيف ما تسقي=مثل الندى ما يسيل بْسيل
واللي يظن العرب فِسْقِي=تراه ما هو من العُقَّيْل
****
منوعات 8-5-1439هـ
كسرات
بالأمس سويت انا يوبيل=كللت راس الشعر بالماس
فارس وسايق أمامي خيل=واسداس سقت الشعر واخماس
**
جردت نفسي من الأغراض=والعاطفة والتزمت الصح
ويا كم جاني من الأعراض=من أقرب الناس مني لح
**
ظليت في الهوى فارس=ما يشق لي في الغرام غبار
واليو ماضى هوى دارس=يطرونه الناس في الأخبار
**
في داخلي للهوى بركان=ثاير وأزرى العمر يطفيه
لجله تربع على الأرركان=حتى لو ان الهوى يجفيه
**
من ذكريات الهوى مبطي=أيام كان الهوى لي طوع
كم معجبه ضمها ضبطي=مستأمنه ما دخلها روع
**
من ذكريات الصبا والمهد=ثنتين نامن على صدري
واللي معي في هذاك العهد=ما جاله النوم من بدري
**
عنا نطق صادق القرآن=ونقول غير الذي نفعل
من سابق الوقت حتى الآن=حافي قدم والذي ينعل
**
تفتح الورد بالأكمام=تضوعت ريحة انسامه
عند بكنز اللغة إلمام=مثل المهندس بمرسامه
**
كالقنبله صابت اليابان=لكنها اليوم في قلبي
مثل القمر يوم نوره بان=من نظرته قلت واغلبي
**
اوقدت ضو القوافي أمس=لجل القريحه معي تقدح
من حين غابت ذيول الشمس=والشعر في ساحتي يصدح
**
عامل لعين المها مرصد=حتى اتابع تنقلها
تعبت من هجرها والصد=لي كل الارصاد تنقلها
**
هيا انظري زين في طرفي=تلقين صورتك مرسومه
ما زدت لك حرف في حرفي=محبتي فيك محسومه
**
مْخالف الناس في الأسلوب=والنهج في الشعر والكسره
أحيان عَدْلي يجي مقلوب=واحيان يَمْنَه تجي يَسْرَه
**
عن الهدى نهج ما أجنح=ماشي على خطة الإسلام
يارب منك العفو يسنح=واعداد ما تكتب الأقلام
**
قالت برغم ان شكلك شبت=ما زلت افضَّل وقارك دوم
رديت وانا بْشبابك ذبت=لو كان باقي بعمري يوم
**
الشعر لا شك عند زاد=مشروب بالكاس يرويني
كل ما تشبعت منه ازداد=ولا نمت بالليل ياويني
**
يا شعر يا حب يا كتابي=أنتم ثلاثه معي أخوان
من يوم ما أفْتَح أهدابي=ترتاح عيني على الديوان
**
ثلاثه اشخاص ما ادناهم=عاذل وحاسد وناقل سو
وان كان تبغون زدناهم=إثنين بالإنجليزي تو
**
آخر لقانا ختامه مسك=ممزوج بالورد والكادي
ونسجل اللي حصل في دسك=صلوا على المصطفى الهادي
***
منوعات 9-5-1439هـ
الشاعر اللي يتغير يوم=عن يوم رأيه وتفكيره
والفيلسوف الذي بالدوم=له رأي ما يريد تعكيره
**
يا شعر من قافيتك اَنْقي=اللي يطول رُقُبْتي فوق
مثل القلاده على عنقي=فيه الأدب والترف والذوق
**
صوت الندا حين يِتْهادى=وقت الفجر في طلوع الصبح
يٌرْحَم أبوه الذي نادى=ذيك التجاره وفيها الربح
**
أنا هواوي ومغرم قُح=أيام ألعب مع الأطفال
يوم المعيشه عليها شُح=والرزق تُحْكَم عليه أقفال
**
من ذكريات الهوى والحب=للدين والا الأهل والدار
من يوم ما كان فيها شب=لآخر نَفَس نهب للأقدار
**
ترى القوافي شوارد عنك=ما تشترَى من حراج السوق
وانت الذي تبذل اللي منك=لا جات مثل السحاب يسوق
**
العين لا صاب محجرها=مثل العيون الذي تزعرك
نظرة عيونك تحجِّرها=ما يفيدها الغمض والا العرك
**
قلي أنا اللي أغازلهن=ما بين أربع وست وخمس
وقلت لك قلب تنزلهن=والا مقيمات تحت الشمس
**
صوره قديمه تراودني=تخاصمن عند واحد شخص
للي روى قلت له زدني=قال باعهن كلهن بالرخص
**
هاتي يدينك ويدي هاك=وتشابكت في الهوى اليدين
أيام قال الهوى يهناك=أخذت منُّه بنقد ودين
**
مثل الشبح صرت انا عايش=يقولها لي رجل منصاب
الدهر سدد سهم طايش=واتلف لي الفكر والأعصاب
**
أعطيت لي شخص متلقي=حرفين من نسج انتاجي
بالخير به كنت متهقي=خاب الذي كنت به راجي
**
في الشعر لي نهج وحداني=ولكل شاعر طريق ونهج
لا قلت يا دان يا داني=للناس تسمع زعيق ورهج
**
جمهور شعري من الشعار=اللي لهم منزله كبرى
تلقى الوفا في الصدور شْعار=والجرح من طيبهم يبرا
**
فجرت فن الشعر كسره=ومن قبل فجرتها فصحى
والموهبه في الشعر عسره=ما قلت وحدى أنا واصحى
**
إذا سجى الليل واستغشى=وامسى لبس من ظلامه جُنْح
من ظلمة الليل لا تخشى=ساعة وفيها الرضا والمَنح
**
الليل أرخى علينا الستر=واحنا تحت لونه الداجي
ما تشوف مَوْطَا مساحة متر=هل القمر نور ومناجي
**
مع طلعة الصبح غازلني=منظر كأنه من الأحلام
النور بالخد زلزلني=والشعر قطعه من الإظلام
**
في البرد إلبس أمام الناس=لك كوت حتى تجي دافي
وفي الحر لو كنت دون لباس=وحدك ولو قيل يا كافي
**
لما هجرني الهوى مختار=من بعد ما هو معي نزال
بيني وبينه وضعت سْتار=باقي على موضعه لا زال
**
سافرت للقاهره مجبر=وعوَّدت منها بجبريه
مازلت أرعى غزال البر=ما احلاك يا بنت صبريه
**
إبليس راس المعاصي فيه=قبيله الأعور الدجال
فرعون ماشي على قافيه=وابو جهل في فَلَكْهم جال
**
ما يهدي الشخص من هو يحب=الهادي الواحد الديان
يا رب تهدي لنا يا رب=كل المخاليق والحيان
**
لو عوضوني ظِبَيْ الغيد=عن الذي خاطري حبه
ما عاضني في حبيبي سيد=ويعيضني بالصبر ربه
**
يا نايحات الحمايم فوق=غصن النقا جفَّلن للجيش
أنا اشتكي في فؤدي عوق=وانتن شكيتن ونحتن ليش
**
صحيح إن الحصان حصان=محمود في كل حالاته
حبل الوصل بيننا منصان=يا اهل الوفا يا رجالاته
**
يحيى عمر في اليمانيه=وعبيدلي في الخبيتي يقول
عتيق له بالزهر نيه=والا دويده على المعقول
***
منوعات 12-5-1439هـ
كسرات
الرزق لو كان عند الناس=الناس ماتوا من القله
حطوا عل رزقهم حراس=من ناسهم داخل الحله
**
قالت بعد فرقتي صاحبت=غيري وقلت الصحيح آقول
باللي نوت صحبتي رحبت=وذا شي من يحسب من المعقول
**
كفيت شري معه خيري=مضطر في معظم الأحوال
تعبير عن مشكلة غيري=اللي ذكرته من الأقوال
**
من ذكرياتي مع الذكرى=قصه رواها مواطن حي
مالت معي كنها سكره=حسبتها صار فيها شي
**
من عادة الشعر والشعار=نسج الخيالات والتزويق
ما هو مسبه ولا هو عار=هذا الذي يطلب التشويق
**
شاعر انا قد ما أشْعَر=واحس به من لقا وفراق
أحيان نيران بي تَسْعر=واحيان ألقى مزاجي راق
**
الكون ما احلاه في وصله=وما اشناه في يوم عني يصد
لولا الحيا رحت له فصله=وقدته من المدرسه باليد
**
ما اقسى ليالي الهجر لا جات=تنسيك لذة ليالي العيد
لو للهوى طب وعلاجات=شريتها لو ثمنيها يزيد
**
ما حصل ابليس من يغزويه=قام وتحايل على نفسه
هذا مثل للبشر نرويه=والله قادر على عفسه
**
طبيت سق المحبه صبح=لقيت بالصوت له رَطَّان
لقيت واحد شديد القبح=سألت قالوا هو الشيطان
**
ما اظن يوجد بديرتنا=انثى هنا سافره في الناس
حتى ولا في جزيرتنا=فينا الحيا والوقار لباس
**
أصوات كانت تسليني=والآن تعمل معي ازعاج
لي قسوتي أو معي ليني=لكن ماني لها محتاج
**
شربت انا الحب نهل وعل=من نْخب أول بلا منه
الجاهل اللي لطيف الدَّل = والحجل بالرجل له رنه
**
في ديرة أهل الكرم والجود=أنا قضيت العمر كله
ولو اني الآن مالي وجود=الإسم باقي على حله
**
أشوف انا الشعر هو ناسي=والصاحب اللي معي ما يغيب
وسمير ليلي وأنَّاسي=واحيان أسأل وهو يجيب
**
حاربني الوقت ما استسلمت=مهما مضى الوقت بعناده
صحيح من ضربه تْأَلَّمْت=لكن هزمته مع اجناده
**
لي بالعمر بس أمنيِّة=حتى ولو بعدها آموت
ترجع حياتي كما هيَّه=لو الزمن دار بالريموت
**
يا ليت عندي نويقاتي =وانا بْدِوِي مسكني بالبر
واترك لغيري وريقاتي=لو كنت أشعث ووجهي اغبر
**
قضيت عمري مع الأوهام=ما بين وصلي ونسياني
واليوم وقَّعْت بالإبهام=واعلنت في الحب عصياني
**
الله أشفق على الإنسان=من طفل تشفق عليه امه
راعي الفضل صاحب الإحسان=خيره لكل البشر عمه
**
يا عارفين الهوى قبلي=يا مجربين الهجر والوصل
اذا انقطع في الهوى حبلي=أعود والا اتركه من أصل
**
لله من يشكر النعمه=يزيد ربي برزقه شي
والرزق من ربنا طِعْمه=الخالق المستجيب الحي
**
اللي لأهل الحسن تمثال=مستكمل الحسن باوصافه
لو جبت له بالمجال مثال=ما ظني اقدر على انصافه
**
فصحى ونمذج بها شعبي=بالمستوى نرتفع به فوق
لما علا في الشعر كعبي=يشدني للبلاغه توق
***
كسرات 12-5-1439هـ
عمر البخيل الردي ما يسود=لو كان ماله يغطي الأرض
ويسود راعي الكرم والجود=اللي يخلي احترامه فرض
**
اليوم عيدي لأن اليوم=هو الذي ينزل الراتب
ويا راتب الشهر ليتك دوم=تنزل ولا نلوم ونعاتب
**
الحق مثل الجبل ينقاد=ما تميل به كفة الباطل
لأن نوره مضي وقاد=ولا يمر في سكته عاطل
**
أعطيته الشاي في فنجان=ريم الفلا يوم عندي مر
آحمر كما لون باذنجان=والشاي منه خجل واحمر
**
بكره ترى في القبور حساب=وموقف بيوم الحشر أكبر
ما ينفع المال والأحساب=ومن كل جبار رب اجبر
**
المعذره يوم انا كثرت=بالشعر ذكر الهوى والحب
لجلي بأهل الهوى تْأثرت=لأنهم يسلبون اللب
**
يا ليل يا مسامر العشاق=يا اللي انت كاتم سرايرهم
يوم النظر بالسهم رشاق=ومن صاب قطع مرايرهم
**
حلفت انا يوم للمحبوب=يمين بالله ما اخونه
قام وعكس ذلك الأسلوب=شرح الهوى كيف قانونه
**
تجمعوا جملة الفيران=لأنه القط حايسهم
مين الذي يعلق الجرسان=للقط وانفض مجلسهم
**
بالظلم لما الأسد أطنب=قام اصغر الخلق بالتدبير
حيله وفازت بها الأرنب=قام الأسد وارتمى بالبير
**
نفسي إلى الطيبات تميل=والعين تنظر إلى المسموح
والريق لا شاف زين يسيل=لكن ما بلجميع جموح
**
لا جاني المال هل العيد=وخليتها كلها فله
يا ما نْتخاصم انا والإيد=وتقول لي درك الغله
**
ابو أسامه رزق مولود=والله يعطيه ويزيده
مبروك معها نزف ورود=ذا عيدنا اليوم مع عيده
**
ريحة ورق فاح من ليمون =جاني هديه من الغالي
اللي على الروح مني يمون=طول العمر منزله عالي
**
لو كان ينقط جمالهزين = وانا من الحب ميت فيه
إن كان ما شافني بالعين=زي ما أشوفه قسم لا اجفيه
**
انا طبيب الهوى واصف=من تجرباتي لهم ترياق
لا صابك الحب بك عاصف=اشرب عَلَل من عصير ارياق
***
كسرات
الفل من أعطر الأزهار=واحلى الرياحين في لونه
مني نصيحه علن وجْهار=راعيه يحرص على صونه
**
هاتي عيونك بها تسرح=عيني ويدَّك بها ترتاح
يدَّي وعيني بها أشرح=حبي وهي للهوى مفتاح
**
بالشعر خلك كما عنتر=عبله تناظر معك باعجاب
وخلك بلعب الكره سنتر=وتسجل اهدافها بالباب
**
طول السنه جبت بيضة ديك=ما اردي منين انت سارقها
الله يعوض على اهلك فيك=كل ملعبه قمت زارقها
**
الحب له في الحياه أصول =ومطبقه عند أصحابه
فيه الشهامه طريق وصول=والصون لو كان تنحى به
***
عيد ميلاد
عيد تكرر بالسنين=وبه لكي الدنيا تزين
اليوم يخسف بدرنا=لكن بدرك لي يبين
أشواق أشواقي كما=بالقلب عنها تعلمين
ولك التحية دائًما=في باقة من ياسمين
ولك التهاني والمنى=يرعاك رب العالمين
وسعادة أبدية=فيها بحسنك ترفلين
***
***
وين الأمانة وراعيها=اللي لكم سلمت باليد
الله عينه تراعيها=اللي أمر بالعطا والمد
**
يا ورد ريحتك
يم تفوح=ترد روحي وتحييني
دمي بسيف الهوى مسفوح=من كف جاهل معنيني
**
أحيان يرفعك فوق القاف=واحيان من فوق تهبط بك
تعجز بفيض الشعر إيقاف=والشعر يقدر على شطبك
**
تبغاني اعطيك من فكري=عن الشعرر والقوافي شرح
ترى الشعر كان هو بكري=أما القوفي بنت لي صرح
**
منظر رأيته مسا سحري=كنه مليكة جمال تطوف
ما كنت له بالنظر مُحْري=من شيحة الورد نلت قْطوف
**
كسرة قديمة
احذر ترى لا يجي لك قرش=يا اللي بجوف البحر عايم
تحت البحرينخرش لك خرش=يترك بجسمك أثر دايم
**
الناس فيهم خيار ودون=لكن حذرك من الثعبان
يخفي لك السم تحت رْدون=يسعى إلى خدعة الإنسان
**
العقد حطه على جيده=وقال لي كيف شفت العقد
وقلت الحلا جاه من سيده=والله يكفيه شر الحقد
**
كل ما تحبة وما ترضاه=والبس كما يلبسون الناس
دكتور ينصح با مرضاه=تخصصه في أكل ولباس
**
سألت انا تاجر الأخشاب=عن صنعته قبل ما يتْجُر
قلي أنا كنت وانا شاب=أخش بين الخشب وانْجُر
**
ظليت في شقتي ضاري=تزوغ عيني مع الحلوين
لكن لامر بي جاري=أغير الشكل والتلوين
**
في شخص والشر له نزعه=دايم طباعه تضر الخلق
تكفون يا ناس بالفزعه=كل المنافذ لمثله غلق
**
قدام حاكم مصر كافور=يعم كل البشر بالخير
واليوم تحرق على الدافور=وتشال منهم وتعطى الغير
**
واحد صدفني وحياني=واسرعت أرد التحيه له
ما كان من بين حياني=ولا اعرف ربوعه ولا أهله
**
لو قلت ما ملت انا كذاب=كل ما نظرني كحيل العين
نظره ومعها فؤادي ذاب=لكن ما قلت له يا زين
**
مثل الكتاب الذي مفتوح=آنا بشعري وإنشادي
ما كنت غازي ولا لي فتوح=إنسان في سيرتي عادي
**
كم في حياتي قلوب صعاب=حطعوا عليها أهَلْها اقفال
غزيت بالطيب والمشعاب=واخذت ما فيه طِيب الفال
**
سألتها عن أبوها مين=قالت أحد خلقه المستور
وقلت قولي معي آمين=ليَّه تزورين دون فْتور
**
عرفت أنا منهجيتها=في الحب والناس والأخلاق
من أول ايام جيتها=لا شك عندي على الإطلاق
**
الطيب بالطيبه يجزى=وراعي الجمايل له المعروف
وابليس بين البشر يخزى=لا صار هذا وهذا يروف
**
كسرات
هاتان الكسراتنا كأنهما محاوره ولكن بصفة غير مباشره
يا ليتني في البدو بالفعل=دنيا بلا قيد أو تكبيل
وامشي بخلف النياق الشعل=واحط بعيوني الدربيل
**
يا ليتني في الحضر بالحال=عيشه هنيه بلا أتعاب
ماني مسافر ولا رحَّال=واعيش وامارس الألعاب
**
حنيت لجل الغلا رْقُبْتِي=وارخيت راسي برغمي تحت
وقلت للنفسما تبتي=وللقلب يا خافقي ما ارتحت
**
كسرة قديمة
قلي عصاك الذي ما اعصاك=في أي وجهه توديني
وفي الضايقه قلت هات اقصاك=لك قال دينك ولي ديني
***
منوعات الاثنين 19-5-1439هـ
كسرات
نادمني البدر في علياه=والليل مرخي لنا
الأستار
هذيوصوفه وذي حلياه=وقال دونك وما تختار
**
عمري أنا ما غدرت الولف=حتى ولو كان يغدر بي
أشيل نفسي وادق السلف=واسير ما شاي على دربي
**
حب الوطن بالحشا مغروس=مثل اللبن نرضعه أطفال
دون الوطن ما تطاطي روس=لا والذي أنزل
الأنفال
**
بالشعر اركز بحسن اللفظ=برضه أركز على المعنى
من أجل يسهل لأهل الحفظ=اللي أرى قلوبهم معنا
**
أرسلت له بالدموع خطاب=وارسل لي الرد من دمه
ورحت له بعدها خطّاب=في دار الاحباب عند امه
**
كم من أخو لم تلدْه امك=يشد وقت اللزم مَنْكِبْك
ويا كم من أخ من دمك=لا شاف له مصلحه يَنْكِبْك
**
تحرك الهاجس الصامت=لما عذولي بحربي قام
ياشينها فرحة الشامت=كأنها كيَّة المِرقام
**
شعار للملعبه جينا=أحباب لافين للأحباب
جمهورنا كان راجينا=لكن عن ملعبتنا غاب
**
مني نصيحه إلى الشعار=جمهوركم يوم ما جرحم
خلوا الخزا واتركوا للعار=ترى الجماهير ما
ترحم
جرحم : بمعنى تجمع ، يقولون ناس مجرحمين
وجراد مجرحم .
الخزا : بمعنى السفه والخزي .
**
بيني وبينك فجاج وْساع=طول المدى ما تدانت لي
ولا زلت في حكمها لسَّاع=ولا لنت في يوم من
أجلي
***
منوعات 20-5-1439هـ
كسرات
الكل غنى على ليلاه=ومدبالليل مواله
أما جفا قال يا ويلاه=والا صفا راقت احواله
**
من ذكريات الزمان العذب=سافرت في يوم من طيبه
واحد جذبني بحبه جذب=طالت مِنُه عني الغيبه
**
يا اللي انت أحلى من احلامي=خذني معك أو تعال
إلي
ويا اللي أنت أغلى من ايامي=أروح لك لو على
رجلَيْ
**
مبعد عن الحب ومحايد=عن الهوى صرت مبعد جنب
ما عاد انا للهوى عايد=ماله عليه ولا لي ذنب
**
عن الهوى دوم با اعبر=واستجدي الشعر له واقول
ماني مصغر ولا مكبر=با اعطيه حجمه على
المعقول
**
قام الهوى ذات يوم وقال=إنت الذي جيت توصفني
حطوا عليَّه حمول ثْقال=وانت الذي صرت تنصفني
**
*لا تحاسبوني إذا ما قلت=الشعر انا من
أساطينه
ولا تعاتبوني إذا ما خلت=الحب انا من سلاطينه
**
*شرفتني اليوم في زورتك=يا مرحبا ألف يتبع
ألف
انظر بعيني ترى صورتك=وانظر بقلبي تراها خلف
**
حبيبتي داعبتني أمس=يقولها الشاعر العاشق
تْقول اشوفك تغازل خمس=مثل الحمامات والباشق
الباشق : من خيار الصقور .
**
*اللي القمر من جماله غار=والشمس من فتنته
غابت
أهواه من يوم كنا صغار=محبتي فيه ما خابت
**
*أنا وخلي تواعدنا=وجلست انا انظر الميعاد
عذول جانا وباعدنا=لا عاد وقته ولا هو عاد
**
*أظن كل البشر عاشق=ومن لاعشق ينتظر دوره
ترى الهوى يا جماعه شاق=والبعض ما جربوا جوره
**
*هل الحيا من زمان أول=واسقى لنا الخبت
والساحل
واليوم عنا الحيا حول=والخبت كله غدا قاحل
الحيا : المطر
**
العافيه هي راس المال=وصحتك هي ما ترجيه
من بعدها طيبة الأعمال=ذَرَّك عسى ربنا ينجيه
ذرك : بمعنى ذريتك
**
كسرات
لوقلت احبك مِيَه واكثر=حسبةملايين ما تكفي
لعل من هو كذب يعثر=لو باح غير الذي يخفي
**
يا طير امانه معك يا طير=يا متجه ناحية خلي
صبِّح ومسِّي معك بالخير=ولا اوصلت له ردتي قُلي
**
يا مروع الذيب والغزلان=بالبر لحيتك كاليفه
ما هو بقوتك يا هزلان=لكن من قبح ها الشيفه
**
قال المثل في قديم العهد=مثل الهدف قول ما يخطيه
إبذل بحاجتك كل الجهد=وفاقد الشي ما يعطيه
**
مالي عتب عند بعض الناس=لكني أعتب على روحي
من أرض طيبه إلى مكناس=إن كان يا صاحبي توحي
**
تغتر واجد ببعض اشخاص= من كثر ما تسمعه عنهم
لكن لما تجيهم خاص=يصدمك ما تشهده منهم
**
يا مدعي علم بالكسره=من يوم ما كنت بفصولك
كنك طفل صابته عسره=طول السنه بيت محصولك
**
صفحه جديده من الإبداع=تخلى من اللوم والتقريع
تحسب ببنك الشعر إيداع=دايم تراها براس الريع
**
لما الهوى قام ناداني=لبيت أنا دعوته باسراع
وقمت واقف ولا امداني=زروق عبوري بدون شْراع
**
لا عكر الليلبالإدلاج=والطرف ساهر مع الأفكار
غير الصبر ما هناك علاج=من قبضة الخاين المكار
**
يا صاحب الفاكهه قلي=عن أحسن الفاكهه بالسوق
رمان بالصدر من خلي= مع زوج شفه عنبها يسوق
**
البعض طفشوا من الكسرات=واحنا من الشعر ملينا
قمنا جلسنا مع الأسرات=جلسه وفيها تسلينا
**
مستكمال الحسن والإحسان=في كل موضع لنا آيه
أصبح حكايه بكل لسان=واصبحت انا للهوى حْكايه
**
حبي ارتفع لاعنان الجو=بعده نزل وراتخي أرضي
ما ادري خطا من حبيبي=أو فعل الهوى أو أنا برضي
**
تذنب وانا أطلب الغفران=وتخطي وانا أعتذر عنها
كأن قلبي لهب أفران=لا قربوا نارها منها
**
مثل العنب في غصونه طاب=الا العسل من جباله ذوب
أبو الشمايل لطاف رْطاب=الجادل اللي حسيب الثوب
***
كسرة
داود ناجى الزليباني
معهم وصل عازف النوته
محمود ركن الشعر باني
مبناه دره وياقوته
محمود : محمود علي البرادعي شاعر معاصر لهم
***
كسرات 27 - 5 - 1439هـ
وين الذي كان بايامه=في ديرته كان أعظم رُكْن
قال البلد يوم بليامه=مثله رجل عندنا لم
يَكْن
**
كسرة
داود ناجى الزليباني
معهم وصل عازف النوته
محمود ركن الشعر باني
مبناه دره وياقوته
محمود : محمود علي البرادعي شاعر معاصر لهم
***
كسرات 27 - 5 - 1439هـ
وين الذي كان بايامه=في ديرته كان أعظم رُكْن
قال البلد يوم بليامه=مثله رجل عندنا لم
يَكْن
**
ابن نغيمش يسمى عيد
جنبه حمد عيد عرجاني
لا شال كسره وقام يعيد
تقول لولو ومرجاني
شرح : ابن نغيمش : عيد بن نغميش المحمادي
**
خذني معك حطني بالجنب
قالت لمن كان عاشقها
ويقول خوفي ترين الشيب
وردت كلا جيت ناشدها
**
أحبها قد ما أقدر
واذا مشت فالها التسهيل
ما ادري أنا بالغرام اجدر
والاغلط عندي التأهيل
**
أحمد . حجيلي أتوا بالماد
معتق ويوسف أتوا معهم
علي . معوض ابن حماد
محسوبكم قام جمعهم
الشرح : أحمد : احمد بن فرج بن عبد الله
الرديني ، الحجيلي : مرزوق مبيريك الحجيلي ، معتق : معتق عطية الله الشماسي ، يوسف
: يوسف حامد الرديني ، علي : علي راشد الصبحي ، معوض : معض عبد المطلوب الصبحي ،
ابن حماد : حامد حماد الصبحي .
**
إبن غريب الذي سابق=وابن مبشر معه في الحال
نفح الشعر بينهم عابق=جاني عسل جنبه النحال
الشرح : علي بن غريب الرديني ، والشريف عبد
الكريم بن مبشر .
**
الميسوي جنب مرزوقي=وابن عليثه يباريهم
كم قال للقافيه روقي=والشعر أصبح يجاريهم
الشرح :
الميسوي : حمد بن حمدان الصبحي ، والمرزوق : عبد الرحمن بن راشد المرزوقي ،
ابن عليثه : حامد بن عليه الصبحي .
**
سالم مع الركب بالمشوار=ومحمد احمد على النيه
والشعر له مرحله واطوار=واثنين في الشعر عن
ميه
الشرح : سالم بن عوده الصبحي ، ومحمد بن أحمد
المعلاوي .
***
كسرات 28-5-1439هـ
يا رب عفوك وطيب رضاك=هذا الذي نطلبه دايم
عن الخطا والقصور غضاك=فيك الرجا والأمل قايم
**
عمير شعره يعد الوان=والعاطفي في مواكبهم
مَعْه القليطي مثل ذلوان=الشعر شالت مناكبهم
الشرح : عمير بن سليمان الصبحي شاعر وطبيب عربي ، وعبد الواحد بن عاطف
الصبحي شيخ وشاعر ، نافع بن القليطي من كبار شعراء الكسرة .
**
يا مجرب الحب شاركني=في مشكله إزدواجيه
حبيبي اليوم تاركني=وزيارته غير مرجيه
**
هات القلم واستعد وعيد=قصة تباريح أشجاني
موضوع يستاهل التصعيد=بدر السما يوم ما جاني
***
كسرات 29-5-1439هـ
طلال جانا معه محمود=بالصف معهم حسن بن عيد
حسن . حسن للشعر عامود=سعد . سعد ينتهي ويعيد
شرح : طلال بن ناجي الصبحي ، ومحمود محمد حامد الصبحي وحسن عيد بلال وحسن
سعد الصبحي وحسن سعيِّد الصبحي وسعد سعيد الصبحي وسعد رده المحمادي
**
خالد وخالد هم الفرسان=هم للشعر
من أساطينه
عتيق . صالح من العرسان=لأنهم من سلاطينه
الشرح : خالد حسين الصبحي ، خالد موسى القليطي ، عتيق مساعد السيد ، صالح
محمد عوض الصبحي .
**
فيصل . سليمان هم رواد=هم للشعر من محبينه
ربيع . فيصل رجال اجواد=للشعر هم من ربابينه
الشرح : فيصل معتوق الأحمدي ، سليمان محمد عتيق الشريف ، ربيع عبد الله
علي العبيري فيصل رباح الأحمدي .
**
أذكر محمد له الإبداع=سعيد بارع بأشعاره
فراج بالبنك له إيداع=مثل الذهب زاد باسعاره
الشرح : محمد عليان علي الصبحي ، سعيد سليمان المحمادي ، فراج معيفن فرج
**
يا بدر منك الشبر يسوى=مليون هكتار من غيرك
شربت من ماك لين اروى=واطعمتني خير من خيرك
**
ما ابغاك لي بالغصب تعشق=ولا ابغى اعشْقَك بالغصب تأكيد
ولو كان قلبي قهر يِنْشَق=ما الين للحاسد اللي يكيد
**
الحب قال احترافيه=بعض المحبين فيه هواه
قلت العصابات مافيه=ولكل واحد وما يهواه
***
كسرات 1-6-1439هـ
تبغاني احلف بأغلى شي=إني أحبك ولا اسيبك
واللي جعل في عيونك ضي=حبي معك فوق ما يريبك
**
كسرات يا ما سمعناها=تنسب إلى فلان أو علَّان
لكن في شرح معناها=كم يدِّعيها خفا واعلان
**
كسرة ومثل
يجيبك الدَّبْل يا سارق= يا اللي نَخَلْنا ضحيه لك
في بيت واحد شعر غارق=ومن بيت واحد شعر تهلك
**
لمَّا الشعر صار له رطَّان=تخالط العرض باطواله
على الشعر حطني سلطان=اللي أنا اعتز باقواله
***
كسرات 2-6-1439هـ
صالح ضحية عصاباته=اللي لها سلَّم المفتاح
خانوه أقرب قراباته=ريَّح بآخر زمن وارتاح
**
نظره وفيها القسا واللين=تظهر على الصاحب اللي خان
كأنها مبسم الفلِّين=اللي يغطي فم الدُّخَّان
**
من بعد ما زرت زوريني=لو في منامي كأنك طيف
ورَّيتك الفعل ورِّيني=ردة فعل يوم زرتك ظيف
**
صوره وبالجيب محصوره=ضيعتها ما عليها حْسَيْف
ما دامها ربة الصوره=قطعتها مثل حد السيف
***
كسرات 3-6-1439هـ
الحمد لله يوم امشي=ما بين نخبه من الأقطاب
كل ما التفت جانبي رمشي=وارتد ثاني زماني طاب
**
ما رابني شك في حبك=من يوم قلبي تعلق فيك
واللي جمع بيننا ربك=يا رب يحفَظْك ويعافيك
**
روضت انا الشعر حتى راض=صعب القوافي لها عاسف
وصفت فيها العيون مْراض=وخدود منها القمر كاسف
**
تسلسل الحب من حرفين=الحا سكن في سواد النون
والبا سأل قال بيتي فين=واستسلم القلب له ممنون
**
الحظ عندي نعس بدري=من بعدها حط راس ونام
وارتاح بالنوم ما يدري=أَسمع شخيره نغم رَنَّان
*** كسرات 4-6-1439هـ
إذا انحرق أو أصابه شي=والا أحد في يده حازه
والناس رايح وواحد جي=القرص تعطيه خبازه
**
لمَّا سنه النور غطاني=وانا على سكتي سيار
حَسَّبْتُه البرق باوطاني=ولياه من نورها تيار
**
قال المثل في دوام الدوم=يمكن تغيِّر جبل مغروس
ولا تغيِّر طبيعة قوم=مع بعضهم واضعين الروس
**
إحمد إلهك ومن أعطاك=الحسن هذا الذي زانك
واحذر ترى تنعكس بخْطاك=بعد الفرح تكثر احزانك
***
كسرات 6-6-1439هـ
خطوتك بالدوم معدوده=واجعل طريقك طريق الخير
ولا شفت الابواب مسدوده=بابه ما هو مثل باب الغير
**
طيب النبا ما يخاوي نذل=لو كان يملك كنوز الكون
واللي يحب العطا والبذل=الرب دايم بجنبه عون
**
يا كم بين الخلايق وغد=في صحبته لك شنار وعار
خلك بدربك لحالك وَاغْد=وابعد عن الشوك والأوعار
**
إختارت اسمي ما بين الخلق=واخترت انا إسمها جنبي
لحظة نظر جات مثل الطَّلْق=لا ذنب منها ولا ذنبي
**
أنظر بعينك مساحاتي=اللي بدربي تشع انوار
في جيتي أو مراحاتي=وافتح مع الحاجِبَين حْوار
***
كسرات 7-6-1439هـ
مرت سحابة حزن تُنْزِل=في كل دار الأسى والمر
من شرها ما سلم منزل=في سابق الوقت لما يمر
**
قالت لي العاصفه أرجوك=لا تلومني يوم شلت الود
وقلت وش فاد لو با اهجوك=وانتي تجيبين لي الرد
**
البعض قفى ويرجع لك=والبعض قفى ولا يرجع
يا بدر يا بدر وين اهلك=الوقت للناس كم يفجع
**
أحبها ما هنالك شك=وتحبني ما هنالك ريب
واعطتني الحب منها بْصك=واعطيتها كل ما بالجيب
***
كسرات 10-6-1439هـ
من خاصره للشعر يخرج=شعر الحداثه على العربان
من يوم يولد وهو يعرج=والغرب ساقه لنا قربان
**
إمسك لي اللحم واقطع لك=من عين ربك عليك ثقوب
بكره يجازيك عن فعلك=مولاك يا قاطع العرقوب
**
نقطة محبه تعم الكون=وامثالها من كراهيَّه
والله لنا
في عملنا عون=لا صِلْحَت قْلوبنا هيَّه
**
آخر سهم صابني بالعشق=من رمش جاهل تعداني
أرسل سهم في فؤادي رشق=وانحاش من بعد ما ارداني
***
كسرات 11-6-1439هـ
من قبل ما شدني عودي=وانا أسير الغراميات
وان جيت تحسب معي وْعودي=تلقى المواعيد بالميات
**
سموني الناس انا شاعرك=يا ريف وابشر بإسعادتك
أسرح بخيلك على اباعرك=لا رف برقك مع ارعادك
**
أنا أغني على لحني=والكل مثلي يجر غْناه
وعامل اللي يريحني=لو كان بالناس من يشناه
**
بالسوق حصلت لي بكره=لما نزلت البلد من أمس
قلي اشتري قلت ما أكره=لكن عندي سواها خمس
**
بشاير الخير تغزينا=في كل ديره نشاهد نبع
والرب بالخير جازينا=بس الهدى والتقى يا ربع
**
بالله بالله يا عُرَّيْف=يا اهل التجاريب والألباب
من صوت يهمس كأنه طيف=وانا تعودت قفل الباب
**
صوره فكهه
أكلت بالأمس همبرقر=ما يصنعه شخص بنقالي
من يصنعه في جواري قر=من ذلك الزاد ينقى لي
***
كسرية
دكتور رَفَّهأنا قلبي=تعبان وابغى لقلبي طب
سألت في الناس عن طبي=قالوا كذا عاقبات الحب
***
نماذج من كسرات مفرج السيد ( تعديلات )
انا معك في الهوى ماشي=مثل الذي يلعب البالوت
وانا كنت مغلوب لا تكاشي=حتى ولو جبتها كبوت
**
سوس الهوى سايسه بسياس=خلى خطاويك مدروسه
وقبل البناجوده بالساس=من خوف لا تنخره سوسه
**
واقلبي اللي كما الأسهم=أحيان طالع وحين نزول
سوق الهوامير حايسهم=ذي معضله دايمه ما تزول
**
من أجل شخصك عشقت الحب=ومن غيرك الحب ما اشقاني
وانتي دوا للمولع طب=وما فيه غيرك دوا ثاني
**
اللي ليا غاب عنييم=أثر غيابه علي في الحال
كيف اتهنى واذوق النوم=لا غاب عني ليالي طوال
**
نفطر محبه وِنِتْغَدَّى
=برضه محبه ونشرب حب
هذا الذي بيننا أدى=للمشكله بين بنت وشب
**
طلبه من الرب طالبها=تْريح القلب والخاطر
اللي بعيده تقربها=يا الله يا مُنْزِل الماطر
**
حل السفر يا دموع العين=يا دمعتي بالبكا هلي
من بعد كنا سوى الإثنين=كيف انفرد من بعدخلي
**
تجمعوا ناس في ديره=والكل ضد الهوى يلهج
واحد طرى للهوى سيره=خافوا وهجوا ومعهم هج
**
أهوى الهوى آه لكني=أخشى أبيحه واخاف اطريه
ولا زلت صابر ومستني=وابغى الوفا منك يا راعيه
**
طلبت شاهد بدعوى الحب=واحد وقف قال لي يا أخ
كل الذي من عبيد الرب=غسيل عامل لهم في المخ
**
قالت يعيشك يا مستر=ويعيشك قلت مدموزيل
عقلي بفستانها هستر=في موضته آخر الموديل
**
ريقك عسل ذوب في نابك=والقرد في عين أمه ريم
وحمار واقف على بابك=يسوى جمل بالقفار يهيم
**
أعمى وقف في الطريق العام=ياصف دوا للذي ما يشوف
واحد من اللي بجنبه قام=قال انصح النفس يا مكفوف
**
مبصر تعاهد معه أعمى=ما يأكلون التمر ثنتين
ضحك العمى ضحك
لين اغمى=يأكل ثلاثه كفيف العين
**
في الكونجرس قال ريسهم=وكان يخطب أمام الشعب
إن الهوى صار حايسهم=صاحوا وفينا مسوي رعب
**
بالله يا صاحبي قلي=إشبك كذا في الهوى نشوان
كأنك الحاج متولي=متزوج اربع من النسوان
**
سووا لأهل الهوى إحصا=نسبة إلى اللي ما هم هاوين
ومن بعد تمحيص واستقصا=أهل الهوى بالمِيَه تسعين
**
يوجد تضخم ببند الحب=مندوب جانا بتقريره
مطلوب من كل بنت وشب= تكذيب هذا وتنكيره
**
قلي تحب الهوى لا زلت=والحب في ذا العمر مِحرج
رديت انا في الهوى عزلت=واقول ما يطلب المخرج
**
مبروك مبروك يا بنتي=عسى حياتك هنا وسعود
مبروك يا اللي لناكنتي=في بيتنا آخر العنقود
**
سرج شموع الهوى سرج=ولع حياتك بنور الحب
لا تقول يكفيك يا مفرج=نلت الهوى وانت توك شب
**
لما رمى الحب في وجهي=ذكرت سابق زماني شب
فترة شبابي أنا من هي=اللي بوجهيتطش الحب
**
قدمت للحب انا تقرير=أبغى إجازه شَرَح حرفين
بعد التحيات والتقدير=حتى الثلاثين والألفين
**
يا موطن العز تستاهل=إنا نعزك من الأزمان
يا رب تحفض لنا العاهل=وولي عهده إبن سلمان
**
قدام يشرى الرجل ويبيع=ويعامل الناس بالنيه
واليوم بعض الحقوق تضيع=لو كان بصكوك شرعيه
**
واحد شرى الحب بالتوكيل=ويقوم بالنقض والإبرام
مثل الصعيد بأرض النيل=اللي شرى صفقة الأهرام
**
جاني يقدم غرامه لي=وقال لهل الهوى طيرو
وقلت له يا بعد أهلي=أبغى محبه على الزيرو
**
هديتي له نهار العيد=لك قلب يشذَىبياض الثلج
وفي كل لحظه وفيك آعيد=وادخل وأخرج ووجهي بَلْج
**
سؤال بين الدول حيران=والبعض سَوَّى معه فيتو
بِالْوَن بيت الرجل يزدان=والا متى ما ارتبط في تو
**
سؤال نازل على الشاشات=ظاهر على صفحة انترنت
هو بالرجل مصدر الآهات=والا بالاثنين والا الست
**
أرسلت يم المحبه فكس=ولا جاني الرد بالمطلوب
وحطيت فوق القضية إكس=ملفها عندني مشطوب
**
أشر وجاوبت بالتأشير=كل الإشارات معطوبه
قال الوعد أولتامشير=قلت الوعد آخر الطوبه
**
بايع عطورات بالديره=واقف على باب خلاقي
قدمت في الحب تأشيره=ملفها كان علاقي
**
مركب زحم قاربي في أرض=خارج بَحَرفي فضا مفسوح
ما ادري وسيلة ظهور وعرض=والا خطا من سفينة نوح
**
قلبي انشوى من عذاب الحب=مثل الذي يشوي الكبده
عليك يا اللي خلقك الرب=أرق وابيض من الزبده
**
هل المطر واستقى العطشان=وابتلت الأرض من وبله
واللي فتح طاقة الروشان=مع المطر صابنا نبله
**
ناديت ودي ولا لي رد=غير الصدى لج بالوادي
اللي معي كان يرعى الود=وحدي أنا كنت باانادي
***
كسرات 13-6-1439هـ
دمعي كما شوشليه فوق=بَكره أصيله عمانيه
جَمَّالها قام فيها سوق=ورْياح هبت يمانيه
الشرح : شوشليه : قربه مشقوقه .
**
يا ذيب يا ذيب يا أغبر=يا اللي بوسط البلد شفناك
قدام قالوا لنا بالبر=واليوم تجري هنا وهناك
**
بعض الكرم ينحسب إسراف=إذا تعدى موازينه
شوف الذي يكفي الأطراف=مع بشة الوجه يا زينه
**
أنا رهين العيون اللي=لا سلهمت رمشها ذباح
سهران انا وانتظر خلي=حتى انجلى بالج الإصباح
***
كسرة مجهولة الهوية
أبا اشتكي جارحه قلبي=على النيابه وابن هزاع
ما حلها السيد الغربي=الخادم اللي معه ما طاع
***
نص خبيتي
يا طير يا ابو العَلى لا تَالَف الغربان=ترميك بجناحها تحسبك قمريه
**
نص بدوني
يا رحمة الله على من مات=واللي
قعد ما يرى سيه
والبعض يقول في الغصن الثاني :
لعل مثواه للجنه
***
كسرات 14-6-1439هـ
ورده على الغصن مياله=فاحت علينا روايحها
واحنا على الخيل خياله=لما لنا لاح لايحها
**
عواد صاحب وله نِعْم الف=يرحم زمان الزليباني
صديق صادق وراعي وِلْف=فن الشعر كان له باني
**
شفت الحجيلي بأيامه =مرزوق مثل النجم سطاع
يوم الزمن كان باليامه=والشعر لا
قال كلمه طاع
***
كسرات 16-6-1439هـ
من واجب العدل والإنصاف=تصنيف نجريه للشعار
أرباع فيهم وفيه انصاف=وفيهم عدد كامل المسعار
وأنتم كلكم كمول .
**
ما اخذت انا الشعر به مخدوم=والا هديه أتت لجلي
أرض وصخر فيه بالقدُّوم=ضربت حتى حفت رجلي
**
يا حب تعلم ثمنك اللي=دفعت لما وصلتك يوم
دفعت فيك الثمن كلي=واصبحت لك ملك دوم الدوم
**
الحب أحيان لما يروق =تلقاه مثل البَحَر ساكن
واحيان تلقى رعد وبروق=والجو ما بينها داكن
**
كل وقت له نكهته والطَّعْم=بس الزمان القديم احلى
له من منابع شبابي دَّعْم=واعاشر اللي معي أغلى
**
أنا معلق مع المحبوب=مثل المدارس بيوم الريح
ويغظيني ذلك الأسلوب=لاجيت عنده يُرُوح مْشيح
**
فنجان قهوه مع الشاهي=يسوى طلي بالقدر مطبوخ
لا دار من كفه الباهي=اللي شفاياه مثل الخوخ
***
كسرات 17-6-1439هـ
اللي الأمانة لها خاين=ما ينفعه كثرة التكبير
لو يخفي الفعل به باين=يعني حرامي كذا التعبير
**
ترى الحرامي حرامي يد=وحرامي الفكر والأشعار
هذاك يصدر قراره حد=وهذا يجيله شنار وعار
**
ما أنزل البحْر حتى آقيس=واشوف مقدار قُدْراتي
آخذ من اللي مضوا تدريس=أخشى من البحر غَدْراتي
**
الشعر له هندسه واعْمار=ما هو
عبارات مرصوصه
اللفظ مشبوك بالمسمار=معناه بالمتر والبوصه
**
قلي سنونك عددها كم=وقلت ما اشوفها بالحيل
أصابعي ما تصل للفم=عوَّد نهاري بعيني ليل
**
قالت أحبك ولا أطمع=في شي آخر خلاف الحب
وقلت لِيَّه أُذُن تسمع=ولي مثل كل الخلايق لُب
**
كسرة ضاحكة
الجيب فاضي من الدينار=والبيت خالي من اللحمه
حتى قططنا الذي بالدار=راحت وكانت بها زحمه
***
كسرات 19-6-1439هـ
ترى الذيابه لها أجناس=وكل ديره بتحويشه
واللي لهم بالذياب إيناس=تلقى على روسهم ريشه
**
قَلِّي الهوى عندكم بارد=قلت الهوى طول عمره حار
رَوِّح عن دْيارنا شارد=ودَوِّر هوى في سواها دار
**
أنا مع الود في عَزْقَه=وابكي مع الود واغني
أحيان كنه معي لَزْقَه=واحيان كني معه جني
**
كسرات ضاحكة
صوره على مْراية الدولاب=هي صورته حين جنبه مر
قَله مسى الخير يا ابو ناب=يا اللي سنونك كما المرمر
عن قصة واقعية بتصرف .
**
يبغى يتَفِّل من الطاقه=ويعطي العنب من يده للعم
طَشْ العنب قد ما طَاقَه=وبوجه عمه تِفَل بالفم
منقوله عن قصة واقعية بتصرف .
**
واحد أخذ كيس من سُكَّر=وقام ازْرُعُه قال ذا مشروع
ولمَّا سقى بَعْدها سَكَّر=قال اختفى السكر المزروع
منقوله من قصة واقعية .
**
واحد شرى له جمل واقف=وشاف جنبه جمل بارك
وقال بالقول متلاقف=قُمْ طَبِّقْه ربنا يْبارك
عن نكته متادوله
**
قام اشترى بالثمن عيدين=وواحد شرد قبل تزريبه
قال الطِّلِي يْفَك باليَدَّين=يبحث عن آخوه ويجيبه
عن قصة واقعية .
**
لا جا له الصيف في حَرُّه=قال الفرح بالشتا ينقام
ولا جا الشتا يصحبه قَرُّه=قال الفرح صيف هذا العام
قصة واقعية وفيها مثل يقولون ( مثل زواج فلان إذا جاء الصيف قال في الشتا
، وبالعكس )
**
البارح الملعبه قامت=يحكي بها للملا رِجَّال
لما العرب كلها نامت=أنا وسعد كل واحد جال
عن قصه واقعيه مختصرها أن رجلًا تزوج وفي الصباح قام أحد جماعته يقول
للناس أين أنتم البارح عن الملعبه وسألوه عن الملعبة فقال : أنا وسعد نتبادع هو في
صفح وحده وأنا صف وحدي .. وضحك الناس منه .
***
كسرات 21-6-1439هـ
اللي ما يدراك لا تعزه=لو كان راسه نزل للأرض
يظلم رفيقه ويبتزه=ياكل حلاله بطول وعرض
**
أعطتني الحب عدل وصدق=واعطيتها كل ما عندي
ما هي كما قال فاتح شدق=غرامها لي فلم هندي
**
قلي عذولي سريع الحث=عطني من اسم الهوى لو حرف
وقلت لو للأبد تبحث=ما تشوف لو جرته بالطرف
**
عيونها وجهت ضربات=ونهودها دافعت باقدام
واحلى حلى دمها الشربات=اللي حرسني من الإعدام
**
تلبس بلوزه وتنوره=واحيان بالبنطلون اللي
عن إسمها تقول لي نوره=أما اختها تقول لي نِلِّلي
***
سألتها من سنين طوال=وانا لها في الهوى عَشِّيق
لجل ايش ما تلبس البِنْطَال=قالت قصيره وبي ما يليق
***
كسرات 24-6-1439هـ
عن الغزل قال لي ممنوع=وحط لوحه بها إعلان
شعري بكف الغزل مصنوع=كيف اتصرف بشعري الآن
**
في يوم انا رحت متمشي=ما في ضميري ولا بالبال
مثل الصقر طرت من عشي=لحظة وانا منربط بحبال
**
اللي بكفه ضرب عينه=حتى سلبها النظر والشوف
عشيري اللي معي وينه=اللي معي في الأمن والخوف
**
أغرق فؤادي بزخة نفط=وفي جانبه قَرَّب الكبريت
ولو ما تداركتها بالشفط=رَوَّحْت في ذمة العفريت
***
كسرات 15-6-1439هـ
خلوني امارس حقوقي
اللي عليها أنا تْرَبَّيْت
الحب مغروس بعروقي
داخل حديقه بجنب البيت
**
واحد وبالإسم ناداني
في دار ماني بها معروف
والشوق له قام وداني
من دون لقياه جات ظرف
**
كيف اتحسف على من راح
ما دمت ما اخطيت في حقه
لقياه لي ما أتت بافراح
ومسمار فرقاه هو دقه
***
كسرات 26-6-1439هـ
لقيت وسط البحيره بط
كأنهن وسطها رابين
وبالقرب منهن بدا لي قط
أحيان يخفى وحين يبين
**
لا يغرك الشكل والمظهر
ترى الرجاجيل ما هم شكل
كم شخص في منظره يبهر
ما حيلته غير شرب وأكل
**
قال الهوى في شراييني
لو ما حضر أشتريه بمال
يا رب تحفظ ملاييني
اللي حمتني من الإهمال
كسرات 1-7-1439هـ
يا رايش السهم من
نبله
ويْصيب بالسهْم هذا
ناس
ما شفت بعده ولا
قبله
في قلب قسوه وفيه
ايناس
**
خِلْيَت من الحب
ساحتنا
اللي من اول تعج
بناس
مشاكل العمر جاحتنا
وذا طبع في ساير
الأجناس
**
في مهرجان الزهور
اللي
طالع مع الحبحب
الباكر
أنظر بالاعيان
متسلي
ولا تْصيد في جوها
العاكر
**
واحد تزوج بمصريه
والتكلفه مِيَّة
الف ريال
حفلة فرح فيه حصريه
مِيَّة نفر عايله وعيال
***
كسرات 5-7-1439هـ
من بدر للواسطه حتى
خيف الحزامي سقاها السيل
ومن المسيجيد لا شتى
حتى المدينه شجرها هيل
**
مغرم متيم بأوطاني
عاشق شديد الوَلَه والوجد
والحمد لله أعطاني
موطن وفيه الحجاز ونجد
**
لا تحسب اني ندمت اليوم
عارف عوايدك من سابق
هذي عمايلك دوم الدوم
إذا قصدتك تجي لابق
**
قام الطفش قام يحشرني
ويلفني في صدى الأحزان
يوم اذكر الولف ما اقشرني
دمعي كما فايض الأمزان
***
كسرات 7-7-1439هـ
لو كان حكم الهوى عندي
أسفِّره عند حد الهند
واحط بحْراسته جندي
صارم وقاسي شديد العِنْد
**
لا تزيد ناري ما هو ناقص
لا تزيد نار الفؤاد وقوْد
على نغم آهتي راقص
ولْفرقة الأنس جيت تْقود
**
كم شخص بالقيل متشادق
من مدعين الشعر في الناس
نبغى رجل منطقه صادق
يْفيدنا عن كليخ الفاس
****
مشتكى وردود لمفرج السيد
يقول ديبان مسعود الفايدي
تطوي بنا عجلة الأيام=سجلها والأمل راقي
لكن إذا تسبق الأحكام=ما حكم الآمال في الباقي
والرد من مفرج السيد
نعيش ونحقق الأحلام=ونسير والله لنا واقي
واذاأتتقدرة العلام=يبعث لباقي الأمل شاقي
**
ويقول نايف متعب العنزي أحد رؤساء بلدية بدر السابقين
:
طلت علي بذوايبها=كن القمر تضوي اطرافه
والله ماني براغبها=القلب يرجف ليا شافه
والرد من مفرج السيد :
هذي المشاكل تسببها=والسن والوقت وخلافه
عزي لمن كان صاحبها=تغدر به البيض وتعافه
والرجل رأى فيلحيته شعره بيضاء وقد كان هذا السبب في
هذا المشتكى .
***
وقد اطلع الشاعر على مشتكى صديقه أحمد عطا الذي يقول
فيه :
بيني وبين الحبيب عتاب=بقى يقولي وانا اقله
طلع القمر في سماه وغاب=وحديثنا ما انتهى كله
فرد عليه يقول :
ما دام جالك بدون حجاب=خل العتب والعذل خله
واعمل كما يعمل الأحباب=مبسمك من مبسمه بله
**
وسمع قول صديقه الشاعر ناصر ظاهر الحجوري ملك الكسرة:
مين الذي فالهوى سارق=ومين الذي في الهوى مسروق
هو الهوى ملك للعاشق=والا الهوى ملك للمعشوق
فرد يقول :
سهم الهوى لا غدا راشق=يسرق لذيذ الكرى بالموق
أما الهوى منك للواثق=اللي معاه الهوى موثوق
***
كسرات 8-7-1439هـ
ترمي فؤادي بنار العشق
وتقول قلبي رهيف الحس
رمشك رشقني بقلبي رشق
ما انته مصدق تعال وجس
**
الورد مايل على الأغصان
ورد الشفا في حمى الطايف
من حين غرسه وهو منصان
جنب العنب والرطب صايف
***
كسرة 11-7-1439هـ
طلي بعيني تري صورتك
ما تغيب عن ناظري رمشه
مره تشرفت من زورتك
سجلتها بعيني العمشه
**
كسرة 12-7-139هـ
طرفي إذا رفرف البارق
من عين سالت منابع ماه
ويظل في دمعته غارق
وانا معه واحرسه واحماه
****
كسرات 14-7-1439هـ
صوره
البرق له بالسما رفّاف
والغيث نازل ومتبادر
حتى الرعد صار له رجّاف
رحمتك يا رب يا قادر
**
حالي أنا كل ما لديت
أشوف حالي بعيني دون
ولا جبت فيها ولا وديت
شفت الحمام الذي يردون
**
منوعات 16-7-1439هـ
كسرات
آن الذي غاب عن عيني
وفي كل ليله وانا احلم فيه
لو كان بينه وما بيني
طول المدى ألف ما يكفيه
**
ما عاد با اوصف جمال الجسم
لكن با اوصف جمال الروح
واحط توقيع جنبه إسم
واروح لو كان تبغى روح
كسرات 18-7-1439هـ
يا صاحب الضحكه اللي جْنان
فيها حلاوه وحنيه
لا شعشع الدر بالأسنان
ضحكتك يا زين فنيه
**
اللي تعصَّر على كسره
طول السنه مثل بيضة ديك
هذي ولاده لكم عسره
ما تفيد غيرك ولا تجديك
**
الشاعر احيان ما يصدك
تراه في كل وادي يهيم
ما دام فيه الهوى محدق
تلقاه ما بين سين وجيم
***
كسرات 19-7-1439هـ
دكتور بالجامعه قلي
موجود بالجامعه لك طب
وقلت في الحال يا خلي
عطني دوا ضد كل الحب
**
مجروح في داخلي بسلاح
يوم الهوى عضني بنيوب
واللي جْرَحَنِّي بنات ملاح
صبرت صبر النبي أيوب
***
كسرات 25-7-1439هـ
يا كم انا خادعتني بْشوت
حَسَّبْت فيها الجهامه رَجْل
يا عم شُوت الجهامه شُوت
جَرَّت قلم مثل رفسة رِجْل
**
يا بدر ذكراك ما زالت
متعلقه في حنايا الصدر
وِرْثه لنا في الهوى آلت
عن أهلنا من زمن يا بدر
****
كسرات 28-7-439هـ
يا حب بوداعة الباري
ما عاد في الحب لي خاطر
مليت من دمعي الجاري
اللي على وجنتي قاطر
**
ما كل جنس الرجال رْجال
لا تنخدع من مظاهرهم
وقت العسر يهربون عْجال
وفي اليسر يا زين ظاهرهم
**
قطعت عنه اتصالاتي
وحلفت ما عاد له با اعود
حتى الصور وسط صالاتي
كبريت واشعلت فيها عود
****
خبيتي لم يسجل في
كتاب الخبيتي
يا صاحبي وانته صحيبي
في المزح لا تاخذ عليَّه
***
كسرات 2-8-1439هـ
يا ما اختصمنا وعدنا صلح
مثل الشعَر خاصم البكله
ترى المخاصم سوات الملح
لا زاد خرب لك الأكله
**
لا جعت بالليل في دفوه
عليك بالشاي والبسكوت
ولا نمت في البرد لو غفوه
يلزم لك لحْاف والبس كوت
**
مشغول في واجب الديره
عن كل كسرات أو الغاز
آله وفي كل تدويره
تحتاج بنزين والا غاز
**
غنيت لك يا الغضي في الود
حدري وفرعي وجمَّالي
وانا مروِّح وانا مْعَوِّد
والقى جوابي وانا مالي
***
كسرات 7-8-1439هـ
إذا غضب كنه السُّكَّر
واذا رضي في رضاه الشهد
يا كم من شفِّته سَكَّر
ويا كم سكر عبير النهد
**
عذبني الود واسقمني
ذوقني الهجر منه مْرار
واللي امس
بالشهد لقمني
اليوم يطعمني الأمرار
**
كسرات 8-8-1439هـ
يا عم علق على اللجنه
اللجنه تحط في المعلاق
خباز ومجهز العجنه
نادي مثالي بدون اخلاق
***
كسرات 9-8-1439هـ
الحب لو ما انوجد في الأرض
نخرج هوى من أراضينا
ويصير واجب علينا فرض
واذا زعل يوم يرضينا
**
مأمور من هي على حبك
واتبعك وقت الرضا والغير
تسخير للعبد من ربك
واقول ليت النهايه خير
***
كسرات 10-8-1439هـ
تعميم صادرلكم منا
مبروك يا جملة الشعار
الصوم مقبل وطمنا
ويبغى عمل عالي المسعار
**
أخربش الحب من صغري
أبيات ترسل على الجدران
واقوم واسرح مع النغري
بعيون أصفى من الغدران
****
كسرات 13-8-1439هـ
شريت لي حب تقليدي
زي ما يقولون شي بفلوس
ونفضت من صفقته إيدي
حوله عواذل لقيت جلوس
**
حبيبي غاب دون انذار
يومين ما طوَّل الغيبه
ولما رجع قدم المعذار
هديته طيب من طيبه
**
لما تطاولت في حبي
تطاول الجرح بيَّه فيه
طبيبي اللي عرف طبي
قال الذي سَبُّبُه يشفيه
**
عليك بالليل با امسي
والصبح أبعث مناجاتي
بالهمس ما يرتفع حسي
وابث بالدوم حاجاتي
**
أقول بالنور والظلمه
يا صاحب الفكر والناموس
حبيبتي لفظها كلمه
لكنها عن مِيَة قاموس
**
عاشق وبالحب متعلق
لو تنصحه ما سمع لك نصح
مثل الطفل فوق متسلق
وتقول له يا حبيبي إِصح
**
الحب من يوم فارقته
حلفت ما عاد له با اعود
لي عام بالتم ما ذقته
ويا كم ألغيت فيه وعود
**
مثل المطر والسحابه يوم
للأرض عشقت وحبتها
محبتك في فؤادي دوم
والرب بالقلب ثبتها
***
كسرات 15-8-1439هـ
واونتي كل ما ونيت
يشعل لظاها معي صدري
واعيدها كل ما ثنيت
كني بنا منهدم جذري
***
كسرات 16-8-1439هـ
اليوم هذا كأنه عيد
با اصافحك بس من يدي
مد الأصابع ومد الإيد
وبحت له عن خفا سدي
****
كسرات 19-8-1439هـ
قطاع قلب البشر قطاع
الحب لا حل بالعاني
واللي عصى والذي له طاع
الكل يشكيه ويعاني
**
اللي أكل ني قالوا فيه
من قبلنا تمغصه بطنه
وما للغلث من دوا يشفيه
قال الذي كان في شطنه
***
كسرات 20-8-1439هـ
في الجو ريحة عطر تعبق
وانا احسبه من زهر وورود
لكن لما فِمِي أطبق
على الشفه بان ريح العود
**
لا عسعس الليل هل الدمع
بسيول والأرض تِرويها
وانصت لها
المبتلى بالسمع
ذكرى والايام تَرويها
**
يا ليتني ما عرفت الود
ولا صار لي في الهوى تجريب
منسوب دمعي يغطِّي الخد
والعين تشكي من التخريب
**
مرمي على الأرض كني لوح
واللوح يُرفع مقامه حين
أشكي لمن وحدتي والبوح
ما دام أهلي غدوا ناحين
****
كسرات 24-8-1439هـ
هذا منادي الهدى قرَّب
أهلًا وسهلًا بداعي الخير
توجهوا يم بيت الرب
كل الشوارع قوافل سير
**
الحب يا اهل الهوى قاسي
كنه جبل من صخر جلمود
لا تقول لمَّا سكن راسي
بركان من ثورته مخمود
**
جالس لحالي بلا مونس
كني بمنزل ما هو منزول
والا كحال النبي يونس
في بطن حوت البحر معزول
**
أرجوك لو سندوتش الجوع
بالليل قطَّع مصاريني
والشكر لك بالوفا مرجوع
بخيت دايم مباريني
ملاحظة : بخيت رمز للجوع في القديم
**
حبيبتي يوم انادي قال
تسرع عليَّه تواسيني
فوق العمامه تحط عْقال
واقول بالخد بوسيني
***
كسرات 25-8-1439هـ
لما الهوى في فؤادي ثار
والشوق بين الحنايا زاد
أرسلت من يتبع الآثار
جاني خبر وانحرمت الزاد
**
نقطة أمل تسعد الآلباب
من نور خافت لهم ذابل
قال الذي مر عند الباب
ميعاده اليوم أو قابل
**
الكلب موجود بالحاره
ينبح ويبكي محبينه
لا جار بالدار أو جاره
هل البكا من مخبينه
****
كسرات 26-8-1439هـ
بعض الإشارات تفضحني
واكاد أبيِّح بمكنوني
الهجر لا زال في شحني
بالعين وجهت لك نوني
**
تحقق الحلم ذاك اللي
كنت أحسبه من خيالاتي
بعد الجفا عاد لي خلي
واسهر معه كل ليلاتي
**
لما رمتني العيون السود
وسقط بالأرض متآلم
قَلِّي رفيقي رموك الخُود
عساك يا صاحبي سالم
****
كسرات 28-8-1439هـ
سحبت يدَّي من يْدَيْنه
لما أتاني ودمعه سال
رديت له في الهوى دَيْنه
يومه رفض مني المرسال
**
يزداد معدن هذاك الشخص
كل ما أنا قمت في فحصه
ما باعني بالغلا والرخص
ولا ابيع أنا بالغلا شخصه
***
كسرات 29-8-1439هـ
قل للمحبين باقي يوم
به نلتقي في مساحتكم
بكره وبعده يجينا الصوم
ونقفل شبابيك ساحتكم
**
الصوم جانا وحيَّا به
أهلًا وسهلًا بشهر الصوم
بالعام مده ونَحْيَا به
يا ليت يبقى معانا دوم
****
كسرات 1-9-1439هـ
كل عام وانتم بخير وأَمْن
الصوم جانا ويا ما احلاه
وانتم بحَسْب الأمل والخَمْن
فيكم . تنالون عفو الله
**
عمر الرخم ما يصير صقور
هذا الأمر مستحيل يكون
لا يغرك الشكل والمنقور
واسمع لهم يوم ما يحكون
***
كسرات 3-9-1439هـ
يا رب انا طالب الغفران
والعفو يا رب والرحمه
فقير ولرحمتك طفران
واشوف بابك وبه زحمه
**
زاد التباعد ما بين الناس
البعض عن بعض مقطوعين
سابق لهم أنس واستئناس
واليوم في الكره ملطوعين
***
كسرات 5-9-1439هـ
تغريدة رمضانية
بالصوم كل الخلايق لي
أحباب وادوم لو كان لي داموا
وبالعيد اعايد أنا خلي
ولو كان كل البشر لاموا
***
كسرات 6-9-1439هـ
أعزف فنون الهوى غنوه
يصدح بها البلبل الغريد
واللي ملك مهجتي عنوه
يعمل بقلبي مِثِل ما يريد
**
تغريده رمضانية
بالصوم في كل يوم يمر
يترك بقلبي طمأنينه
حتى الزمان الذي لي مُر
أصبح وبه ريح من نينه
***
كسرات 7-9-1439هـ
لما انشغل قلبي الذايب
واللي وعد اخلف الميعاد
أرسلت مرسولي الخايب
لكن روَّح ولا لي عاد
***
تغريدة رمضانية
ربع الشهر فات يا كافي
مثل السهَم تسرع الأيام
يا شهر ليتك لنا وافي
دايم وحنا معاك لْيام
***
نص خبيتي لم يسجل في كتاب الخبيتي
واونتي واسقم حالي=وش قدرة المولى عليَّه
***
كسرات 8-9-1439هـ
تغريدة رمضانية
ألو نعم هي سؤال ورد
لكن يا غزر معناها
فيها الوفا والصفا والود
مثل الأغاريد مغناها
***
منوعات 10-9-1439هـ
كسرة
تغريدة رمضانية
أنا سعودي نعم واعتز
وافخر إذا قيل شاعرها
سلمان لا سل سيفه هز
للأرض والقت بساعرها
**
كسرات 13-9-1439هـ
تغريدات رمضانية
أبيض وفيه الليالي بيض
الصوم يا اللي تصومونه
فيه الأجر والثواب يفيض
والليل لما تقومونه
**
مثل الحصان الذي ملجوم
راعي الهوى عن غراميات
بالعين يرعى قمر ونجوم
لكن بالصوم محميات
**
السلم في موقفه والحرب
في وقتها واجبه كالسلم
مثل الصبي ما سلم من ضرب
للتربيه أو منال العلم
**
ريحانة القلب أولادي
واولادهم فَلْذَة الأكباد
مثلي أنا يوم ميلادي
فرحه لمن هو بقي أو باد
**
كسرة قديمة معدلة
في الشعر ما عندنا قاصر
وامدح وصوفك ولا آذيك
والله لا اشكي على ناصر
واقو لانا شف بالي ذيك
****
كسرات 15-9-1439هـ
تغريدة رمضانية
البارحه افطرت
وحداني
ما هي بعاده ولا
قانون
دون الذي بالحشا
داني
واللي بوسط الجفن
والنون
**
تغريدة رمضانية
اللي تكرَّم معي
وافطر
في ليلة البارحه
مشكور
مثل الحيا يوم ما
أمطر
والفضل ما هو منه
منكور
**
باقصى فؤاد الشقي
ولِّع
جمر الغضى واحرِق
الأكباد
ما دمت فتَّان
متدلع
من يوم ما كانت
الآباد
***
كسرت 17-9-1439هـ
تغريدة رمضانية
غزوة بدر للشهر
غُره
وفتوح مكه كما
التحجيل
مع ليلة القْدر به
دُره
تشرق على الجيل بعد الجيل
***
كسرات 21-9-1439هـ
تغريدة رمضانية
ثلثين هذا الشهَر
قفَّى
والثلث ماشي على
المنوال
يا بخت مَن بالفضل
يُضفى
ويحوز للمغفره مِن وال
**
عشر الأوخر زيادة جُهد
وصيام وقيام ليلاتي
يا رب وفق عبادك
واهد
في أوله والذي ياتي
**
كسرات
صحبة مصالح وكسب
اغراض
واذا قضى عازته
روَّح
وان كان يلقاك صد
اعراض
والطَّيِّب اللي
بْيِدُهْ لوَّح
**
كم شخص له في الأمل
غايه
وكم شخص له في
العمل أسلوب
والبعض بالحظ له
حايه
والبعض بالما كما
الدغلوب
***
كسرات 25-9-1439هـ
تغريدة رمضانية
إثنين في الوقت
تبعدني
شهر الرضا والكتاب
اللي
في حضنه المجد مُوعدني
وارجو العفو منك يا
خلي
نعم رمضان له
قداسته والكتاب هو ( شعراء الكسرة في الساحل الغربي ) الذي أخذ الكثير من وقتي .
**
لما نودع شهر غالي
نستقبل العيد
بالأحضان
والصوم ما هو بطن
خالي
والعيد ما هو لحوم
الضان
****
كسرات 27-9-1439هـ
أنشدك أنا يا جويد
الخال
لك منزله عاليه
عندي
أشكي لمن راعي
الخلخال
اللي عجز حوزته
زندي
**
أربع هي اللي
تورطنا
في الحب منها جفون
العين
والقلب لا حب يربطنا
والأذن ولْسان له
ضلعين
**
في مخدعك صورتي عندك
فوق السرير الذي
مفروش
ومصوره في طرف زندك
وفي صدرك اللي عَلَيْه
بْروش
البروش : رشرش أو
حليه ذهبيه بالصدر .
****
كسرات 28-9-1439هـ
توديع أصعب وموقف
شاق
الصوم لما يفارقنا
مثل المفارق من
العشاق
لهايب الشوق تحرقنا
**
يا الله يا رب يا
موجود
يا خالق الكون
واللي فيه
إنك لنا بالقبول
تجود
وتجازي العبد
وتكافيه
***
كسرة العيد
ودعت يوم الصيام
اليوم
ورحبت بالعيد في
اقبله
ما في شهر مثل شهر
الصوم
والعيد نفرح ونعبى
له
مفرج السيد
***
1-10-1439هـ
أحلى من الشهد السُكَّر
ريق العسل مبسم الشيره
إن ما سطل بالحلا سَكَّر
ما هو برندي ولا بيره
***
كسرات 3-10-1439هـ
مبروك يا كاحل
العينين
العيد جانا وفرحنا
لكن رمشك كحيل وزين
بعد
الفرح قام جرحنا
**
غديت
مثل البعير اجتر
في
الحب سابق سواليفي
واللي
بعهد الشباب اغتر
أعلمه
عن مواليفي
**
بعض
العرب دينهم مظهر
والقلب
خالي من الإيمان
كلامها
ظاهره يبهر
وبالآخره
تدفع الأثمان
**
يقول
الشاعر العربي في القديم :
رأيت
ظبيًا على كثيب
شبيه
بدر إذا تلالا
فقلت ما
الإسم قال لولو
فقلت
لي لي فقال لا لا
وأقول
:
الإسم
لولو مثل ما قال
وقلت
له يا قمر لي لي
وقال
لا لا وعني مال
ما
فادني كثر تدليلي
**
يقول
الله عز وجل في كتابه العزيز من سورة الكهف { وكلبهم باسط ذراعيه بالوصيد } [ 18 ]
.
وفي
السامريه النجديه التي مطلعها :
عديت
في المستقلي
من
نايفات العداما
يقول
الشاعر :
وكلبهم
ما يذلي
يكسر
صليب العظاما
وأقول
أنا في كسرة بها ملامح الماضي :
الكلب
موجود عند البيت
والبيت
يحمل بصيص النور
قال
الذي شافهم ما رَيْت
الجَادَل
اللي كما البنور
البنور
: هو مصباح الغاز القديم ويسمى الفانوس والقَمَّارِيَّه
****
كسرات 5-10-1439هـ
رهن
السأم والملل مالي
حبيب
جنبي بهذا الوقت
تحطمت
كل آمالي
اللي
من اول لها حققت
**
يوم
انتحب بعدها أضحك
قدام
خصمي وعذالي
ما هو
فرح أو طرب واصحك
تظن
قلبي غدا سالي
***
كسرات 10-10-1439هـ
أخر
حبر عندنا ينشر
من بعد
مكياجها والروج
البنت
تحتاج للبنشر
وتروح
للبيت والفروج
**
يا بنت
يا اللي بجنب اختك
يوم
الأحد بالطريق تسوق
يا بنت
يا ليتني بختك
وانتي
نصيبي نطب السوق
**
الحب
ما هو كلام لسان
والا
خطب يا مرددها
الحب
هو عاطفة إنسان
من كل
شاين يجردها
***
كسرات 11-10-1439هـ
اللي
بلا سيف نازلني
واقبل
عليَّه كما النسمات
بالجفن
والرمش غازلني
وبالفم
قدَّم لي البسمات
**
يزيد
حزني نهار العيد
صار
الفرح مصدر احزاني
ليت
الزمان القديم يعيد
نفسه
بالافراح يجزاني
**
راحت
مشاكل وباقي هم
عن
الفرح صار يفصلني
حتى
الشعر جف منه الجم
وحبيِّبي
ما يواصلني
**
اللي
فشل في أمر مره
يْعاوده
والفشل ما يعيب
يمكن بِكَرَّه
بَعَد كَرَّه
أحيان
يخطي وحين يصيب
**
حديثنا
اليوم بالساعه
عن بنتنا
السايقه ينصب
شعار
بالوصف بدَّاعه
ويا كم
في حبها مِن صب
&&&
كسرة
ورد 13-10-1439هـ
يقول
طلال بن ناجي الصبحي :
يا من
يفيد الذي مشروط
عقده
على يد واليها
يصير
من أوله محبوط
والا
له يزين تاليها
ويقول
مفرج السيد :
هيا
اسمع الطالع المخطوط
في
مرها أو بحاليها
الوضع
يتبع ظروف تحوط
يمكن
تحبه ويغليها
***
كسرات 21-10-1439هـ
شاعر
أنا في الشعر سياف
وحطيت بالوسط جنبيَّه
قالوا
عليْ شاعر الأرياف
شوف الهوى وش عمل بيَّه
**
أقسم
بربي واثنيها
والثالثه بعدها أمليك
ما انظر
لمهره ويقنيها
صاحب ولو ما اشترى تمليك
**
كله
مجرد كلام يعاد
ما فيه
تجديد للكسره
واحد
يغني بحب سعاد
وواحد
من الحب في حسره
**
يا
مخفي الخير والإحسان
ما هو
من البر والتقوى
من خوف
لا يطلبه إنسان
والله
على محاسبه أقوى
**
نرقى
النخل في قديم الوقت
نجني
الرطب في مجانينا
مثله أنا
في الحلا ما ذقت
ما هو
من السوق ياتينا
**
للناس
في العيد أوفر تايم
وانا
معاش الشهَر محجوز
ما في
عذر للهوى قايم
يحجز
حقوقي وذا ما يجوز
**
يا ظبي
راكب شبح ممغوط
والفاغيه
من شذاه تفوح
عطني
من الفاغيه لو خُوط
شوف المدامع عليك سفوح
**
يا
اللي كلامك وريحك طيب
وصدرك
كما الورد باكمامه
لمسه
على الجرح منك يطيب
يا غصن
ماست به أنسامه
**
مثل
الحصان الذي جامح
تسحبني
العاطفه بالحيل
واستسمح
الناس واسامح
وارجع
مثل ما تعود الخيل
**
لقيت
انا اليوم باقي لي
قليل
من جملة الأصحاب
واطري
لهم دوم في قيلي
وليا
لفوا قمت بالترحاب
**
تراكمت
بالفؤاد هموم
أقوى
جبل لو حملها اندك
ليلي
نهاري وانا مغموم
يا
الله ترى والفرج عندك
**
تناثر
الدمع بالأجفان
لما
تناحت مواعيدي
يا
واضع الروح في الأكفان
حرمتني
من فرح عيدي
***
أخذ ورد
يقول
الشاعر طلال ناجي الصبحي :
أستنزفت
للعيون دموع
يوم
الفرح زار مقلتها
لما
اشعلوا في فرحها شموع
ليلة
فرح يوم دخلتها
ويقول
مفرج السيد :
يا كم
جانا خبر مسموع
عن عين
سِهْرت بليلتها
ما
صدقت شَمْلَها المجموع
هلت
وسالت بكحلتها
**
يقول
محمد سعيد سليمان الصبحي :
ريح
الفواغي علينا فاح
ومعطر
الجو بالكادي
أخذت
قسمي وانا مرتاح
الورد
مزروع ببلادي
ويقول
مفرج السيد :
أسمع
نغم من طَرَفْكم باح
موال
شامي وبغدادي
ريحه
عطر والعطر نفَّاح
ما هو
طبيعي ولا عادي
**
يقول
محمد سعيد سليمان الصبحي :
يا ناظم
الشعر طمني
وابغى
الإفاده على المكتوب
الجرح
لا سال يؤلمني
واصير
بمعالجه مطلوب
ويقول
مفرج السيد :
لا
تقول ذا شي يلزمني
ما دام
شايع على الأسلوب
إبذل
جهودك وعلمني
عن ناس
تمشي على المقلوب
***
كسرات 23-10-1439هـ
هيا
افتح الباب واستقبل
في
بيتك اصحابك الزوار
لأجلك
لهم يوم ما تقبل
طلعة
قمر بالسما دوار
**
بالله
هبيني من شفاتك
رشفه
ترد النسم للروح
تعويض
عن كل ما فاتك
قلبي
بحبك ينز جروح
**
يا ليت
لو ينخلق لي قلب
غير
الذي يحمله صدري
لو كان
بالمال يجلب جلب
له قفل
واسكره بدري
***
كسرة
ما
احسب قلوب البشر تحمل
فايض
من الكره والأحقاد
كل
الأساليب تستعمل
لمَّا
لشيطانها تنقاد
****
كسرات
26-10-1439هـ
العُرف
والقن والقانون
البعض
أصبح لها بايع
ينضح
بما يحمل الماعون
هذا
مثل بيننا شايع
**
صاحب
تعلق مع الرحلات
اللي
من اول يواسيني
يخشى
عليْ لسعة النحلات
واليوم
بالحيل ناسيني
**
يا
ليلتي اللي طواها الليل
يا
ليتني عشتها بالذات
فيها
بلغت الجدي وسهيل
تشغل
حياتي عن اللذات
***
كسرات 28-10-1439هـ
هيا
استمع طالعة شعري
من يوم
ما شاب شعر الراس
لا زال
في المستوى سعري
في
بورصه نقدها بالماس
**
سألت
انا للطبيب وقلت
في
حالتي لا تقول محال
قلي
بحالك نظرت وجلت
وانصحك
ترك الهوى في الحال
***
كسرات 29-10-1439هـ
والله
يا شفت لي شوفه
منها
القمر بان لي خجلان
طافت
بها العين كم طوفه
حتى
اختفى طيفها العجلان
***
كسرات 1-11-1439هـ
لي قلب
يقسى مع القاسي
ومن
لان له ينجذب ويلين
ما
ينحني بالغصب راسي
لا وين
تبغين بي تصلين
**
تبخرت
كل أحلامي
اللي
أنا عشتها من حين
واليوم
أبكي على آمالي
كني
وتر خارج التلحين
**
لي قلب
فيه الهوى ينبض
مقبول
مع ساير الخفرات
والحظ
لما معي يربض
ذاك
الفرح ينقلب زفرات
***
كسرات 3-11-1439هـ
كالإكسجين
الذي مطلوب
عليه
تبقى حياة الناس
الحب
في نظرة المحبوب
يجعل
حياته فرح وايناس
**
خارج
عن التغطيه في الحب
وغير
موجود في الخدمه
كأنني
في غيابة جب
والإتصالات
منعدمه
****
كسرات 10-11-1439هـ
قلبي
توفى نهاره أمس
وناحت
على فقده الأجفان
ولما
سمع من حبيبه همس
قام
ونفض عنُّه الأكفان
**
يا كم
أبكي على الأحباب
ويا كم
أشكي من الغالين
ما احد
طرق بالرضا لي باب
لا في
الأوايل ولا التالين
**
إغنم
رياحك إذا هبت
وامشي
مع الحظ لما قام
كلام
موثوق ومثبت
نجم
السعَد في حياتك حام
***
كسرات 16-11-1439هـ
ما
نعاتبك يا قمر لاجلك
مأمور
منهي مطيع الرب
ونعاتب
اللي طلع مثلك
ويغيب
عنا بدرب الحب
**
سن
الثمانين يوم تحل
تضحك
على وجهي الشاحب
لا شك
بعض المشيبه ذل
لو كان
كابرت يا صاحب
**
يا رب
دعوه بكل لسان
في
سرنا والعلانيه
جينا
بأعمال منا حْسان
واعمال
أخرى على النيه
***
**
كسرات
أيامنا
كلها ألوان
ما هي
على مستوى واحد
البدو
يشكون من ذلوان
والحضر
تشكي زمن جاحد
**
يوم
القمر صابنا بخسوف
من
ربنا موعظه وانذار
والشمس
لو جاتنا بكسوف
ما
عندنا للإله أعذار
***
كسرات 18-11-1439هـ
قالت
أنا للحبايب بدر
واطلع
لهم كل ليلاتي
واحفظ
لمن هو هواني قدر
والغدر
ما كان حِيلاتي
**
مثل
الحمام الذي دارج
لما
شبابي مساعدني
حبيب
من موعدي خارج
واخر
بوقته مواعدني
***
كسرات 19-11-1439هـ
يا رب انا معترف بالذنب
يا رب تغفر خطياتي
رميت كل المعاصي جنب
يا مطلع عن خفياتي
**
عن مجتمعنا أنا اعبر
واقول ما يدور بالساحه
والكون له رب ومدبر
قادر . يمشيه بالراحه
**
ثلاث ساعات أو أزود
وبكل مسجد صلاه تقام
ونشوف وجه القمر أسود
أطول زمن كان بالأرقام
**
تبغاني امشي مثل ظلك
جنبك بدرب الغلط والصح
لا وا حلالاك يا حلك
بس اقلب الوجه عني ورح
**
لا يا بلاوي سمج مزحك
وانتي بلا معرفه واحساس
شر البليات ما يضحك
هذا مثل نعرفه من ساس
***
كسرات 20-11-1439هـ
اقصر علوم الهوى عني
ما عاد لي في الهوى مطلوب
ظليت في الحب متهني
واليوم متغير الأسلوب
**
دام الهوى ملح للأشعار
لو كان قصه خياليه
لَيْه الغزل يحسبونه عار
يا حب مالك ولا ليَّه
**
امسح دموعك بمنديلك
حرام تجريح هذا الخد
والا أنا اعطيك خدي لك
وامسح دموعه ولو باليد
***
***
كسرات 22-11-1439هـ
اللي سكن في فؤادي باع
قلبي وهو ساكنه بايجار
واللي شرى قَسُّمُه أرباع
واصبح بضاعه مع التجار
**
جمالك الفاتن الباهر
كل المحبين ماتوا فيه
وانا مع اهل الهوى ساهر
قصايدي فيه ما توفيه
**
أعيش عمري أمل بسام
لو كان دون القبر خطوه
شعري وعزمي قنا وحسام
وانا بهم شخص لي سطوه
**
بالصيف يا مبتدي
شَتَّاك
قلبك وفكرك وأسلوبك
العنصريه مرض فتاك
وانت الذي مبتدي دوبك
&&&
كسرات 25-11-1439هـ
عمدة هوى ماسك المركاز
في جلستي طاوي العِمه
فانوس عندي وزاده كاز
وانا وفي صادق الذمه
**
قالت دخيلك أحبك هيك
وامشي معك كيف ما بتريد
قلت ارمي الروح بين
يْديك
يكفيك والا تبين آزيد
**
الليله الجو لبناني
والذكريات القديمه جات
طيف الهوى زار وادناني
ماشي على عالي الموجات
**
لو تعلمين الذي بالقلب
من حب جارف وانا أخفيه
حبك سلب كل عقلي سلب
قصايد الشعر ما تكفيه
**
يْمر بي وقت من عمري
وانا لحالي حبيس البيت
جالس على جمر من جمري
واقول يا ليتها يا ليت
&&&
كسرات 2-2-1439هـ
قدام هم شالوا المنديل
بالشعر كانوا من الرواد
حمزه شحاته مع القنديل
معهم محمد حسن عواد
**
حبيت في شبتي وازريت
بعضه هوى أو عبث صبيان
عنتر وطرفه لهم جاريت
والنابغه من بني ذبيان
**
كسراتنا تطلب التجديد
والناس تصقل معانيها
بالشكل ما نقرب الترديد
في لفظها أو مبانيها
**
كندا تشيل الأمر وتحط
من بعد ما صابها الصارم
كانت بأحلى منام تْغط
واليوم جرح الحشا وارم
**
كل ما برى جرح جانا جرح
أشد من جرحنا السابق
طال المداوى وطال الشرح
والدمع بالخد متْسابق
***
كسرات 3-12-1439هـ
عندي خزينه من الأصحاب
نتيجة الشعر واخلاقي
محبوب منهم وبرضي حاب
دايم مع الناس مِتْلاقي
**
أحيان أبغى رضا الجمهور
واحيان أبغى رضا روحي
وادفع هناي ومناي مْهور
للكل واستحمل جروحي
**
أضحك أمام البشر والحال
ينبيك عن قلبي الباكي
واللي يرى قال هذا محال
إني أنا ذلك الحاكي
**
قدمتها كنها الدره
في مستوى عالي الأسلوب
ما كنت ماشي على الجُره
هامت لواحظ بها وقلوب
**
من ذكريات النخَل قدام
لما الرجل يسقي البلدان
مالك لها أو لها خَدَّام
بالليل يصدح بدان ودان
***
كسرات 4-12-1439هـ
أنا اشتغل في ثلاث جهات
كسره وشعبي مع الفصحى
وكتاب هو رابع الوجهات
وانام في شغلتي واصحى
**
الحج تطهير للمسلم
مثل الذي يغتسل في بحر
ولابليس لا شك هو مؤلم
ولكل شيطان طرد ودحر
***
كسرة 5-12-1439هـ
قصيمنا يزرع الحنطه
ويزيد بالزرع كميات
وفلوسنا تدخل الشنطه
ما تضيع مِيَّه ولا ميات
**
كسرات 7-12-1439هـ
يا شعر حلوا على ساحتك
أشخاص والشعر نافيهم
وان كنت راضي على راحتك
لكن لتْعدنا فيهم
**
كسرات 9-12-1439هـ
اليوم هذا نهار الحج
حديث عن سيد الأكوان
أسمع دعا للحكومه ضج
من كل الاجناس والألوان
**
العيد بكره لنا قادم
يا مقطع القلب لي تقطيع
يا ليتني عندكم خادم
بالغصب تامر علي واطيع
***
كسرات 11-12-1439هـ
أبيع ما تملكه يمناي
وانا معه طيب الخاطر
بس القضا يرد لي مْناي
اللي منُه مدمعي قاطر
**
لو الأماني تفيد الحي
يا كثر ما هي أمانيه
عمر المنى ما يحقق شي
يبغى عمل صادق النيه
**
أحلم بها في نهار وليل
لا جاني النوم لو غمضه
أشوفها مثل نجم سهيل
كانت بليل الهنا ومضه
**
أسير حافي عشان اخدمك
أسابق الناس بالعاني
لعلني يا قمر ما اعدمك
قد ايش بعدين با اعاني
**
أعطيك قلبي
هديه لك
أبيض سواة البرد صافي
من أجل عشقك عشقت اهلك
وانا انظر العدل وانصافي
****
كسرات 12-12-1439هـ
لو جيت ابا اوصفْك ما اغالي
مثل القمر لا طلع وافي
يا اللي انت أغلى من الغالي
عيبك فقط للبشر جافي
**
اللي تنكس شموخ الراس
ما الله خلقها ولا عاشت
لو كان من دونها حراس
والعاطفه نحوها جاشت
**
عصفورة القلب تسكن فيه
وتميل من جنب للجانب
ثوب الستر فوقها مضفيه
والذيب من دونها قانب
**
البعض كالطفْل ويخربش
على جدار الشعر باليد
والبعض هندي ومتطربش
ما يجيب في الشعر لو ها القد
**
ليست هناك تعليقات:
إرسال تعليق