من القديم والحديث
إن كان تبغى تِحَبْكْ الدور=وتعيش فلاح وممارس
بيع الجمل واشترى لك ثور=وعلى النخل حط لك حارس
**
حلفت يا حب مالي فيك=ورجعت لك بعد كفارات
واليوم بالغصب أنا لافيك=بدموع دجله ونهر فرات
**
سنين بالعمر نقضيها=وتمر بين القسا واللين
حاضر لها مثل ماضيها =ويزين فيها الزمن ويشين
**
ظليت أنا في الهوى فارس=لي في الهوى ما يشق غبار
واليوم أنا من شهر مارس=عن الهوى أسمع الأخبار
**
وقعت أنا في مطار العشق=ولقيت أنا كل من زاره
يحمل صواريخ ترشق رشق=وسهوم من سود أنظاره
**
سألت واحد من العقال=عن الهوى قال جنني
رميت من فوق راسي عقال=وعمامتي طايره مني
**
يا مركب الهند جا حادر=من بحر جده على شاطيه
فيه الحلا معدنه نادر=سبحان من ذا الحلا معطيه
**
لبست ثوب الهوى راهي=ما فيه شحَّه عراه وساع
علاقتي في الهوى ما هي=لعبة تسالي ولا هي خداع
**
إن كنت في ذا الهوى مكره=آسف لسابق ملاقاتك
من قبل يصبح معك بكره=مسموح واقطع علاقاتك
**
أنا معك في الهوى دغري=صريح ما عندي اللفات
ذي عادتي فيه من صغري=ولا اتآسف على ما فات
**
صفحة للأذكياء
من ألغاز الأولين
*
بيني وبينك ما تشوفه عيني ولا عينك
* إن مسكته طار وإن اطلقته طار
* يمشي بالبخار وإن قطعت راسه طار
**
ما اسم شيء نراه=بالبراري يطوف
لو حذف مبتداه=زال باقي الحروف
**
بلح تعلق بقلعة حلب
هذه الجملة تقرأ من اليمين ومن اليسار ولا يختلف معناها
**
طرقت الباب حتى كل متني=فلما كل متني كلمتني
فقلت يا اسماعيل صبري=فقالت يا إسما عيل صبراً
**
ترك قاض واسمه تهاً زوجته وهي حامل وذهب إلى قرية أخرى ، وقال
لها إذا ولدت وكبر ابنك إلحقي بي فلما ولدت وكبر ابنها لحقا به فوقفت هي عند باب
المحمكة ودخل هو مع أصحاب القضايا وقال له وكأنه يستفتيه :
سألتك يا قاضي تها ** عن امرأة تزوجتها ** هي أمي وأنا ولد تها
ففكر القاضي قليلاً ثم قال أني أبني فأين أمك قال هي بالباب
فخرج وأخذهم وعاشا معه .
***
من القديم والحديث
القرد والمرد
واحد رأى له قبيح وقال=الوده هذا كأنه قرد
وقال له صاحبه في الحال=ما تشوف نفسك كأنك مرد
والمرد : الجني .
**
الحب يحكم للنساء
انا وحبي تمارينا=من اخلص أهلى الهوى في الحب
ولما على الحب مرينا=قال النسا شي ما له طب
**
سألت في الحب واحد ذاق=مرارة الحب واللي فيه
وقال لي الويل للعشاق=من حب ما له دوا يشفيه
**
الداب في حُثله
زي ما عرفناك بالمعروف=برضك نفارقك في مثله
واللي على الحال يبغى يروف=ما يُدخِل الداب في حثله
حثله : مداخل الثوب من فوق الحزام ويسمى في بعض اللهجات الشليل
**
الحب
حرفين حامت بقاع الكون=يلهج بها كل راعي حب
الحاء حرفه جميل اللون=والباء معناه حلو وعذب
**
الحب والزواج
الحب طاير على رفرف=أخضر وحوله يطير أفواج
وما فيه أحلى ولا أشرف=من حب ونهايته بزواج
**
امسك لي واقطع لك
امسك لي يا سيد واقطع لك=هذي مبادي تعاملنا
يمكن أطبطب على نعلك=في مصلحه يوم تشملنا
**
الجديد والتقليد
يا شعرنا حاربوك اهلك=يسعون ويقلدون الغرب
عطني جديدك على مهلك=من صنعتك يا رفيق الدرب
**
صخر وبحر
أحفر بيدك صخر قاسي=وأغرف بكفك بحر ممدود
خلك سواة الجبل راسي=تلقى حياتك سهل ومهود
**
من الجديد والقديم
شعري بلا حب دون اتقان=فالحب هو العصب للشعر
تلقاه واقف بلا سيقان=وإن طب للسوق ماله سعر
**
تفاح رمان ليمونات=ورده وفله وياسمينه
لولو يواقيت مكنونات=من أين لك جات يا امينه
**
مظهر لنا في محافلنا=فيه الغني والفقير مثول
عالي لنا مثل سافلنا=في الحال ينفق بلا معقول
**
مالي بها نيه
واحد زهم والتفت أشوف=حسَّبت هذا الندا ليه
شاهدت اشاره بحمر تطوف=لكن مالي بها نيه
**
جاني وقدم بيده كرت=جاري على شكل دعويه
ساعة وانا في مكاني درت=الإسم سابق هوى ليه
**
يا حب يا من تلاعب بي=الحب من طبعه الإخلاص
تلقاه موجود في قلبي=هاجس موجه لقلبك خاص
**
اصرار
في الحب ولعت أنا أنوار=بشموع تبكي وانا أضحك
وما زلت مستكمل المشوار=ويا من نصح وفِّره نصحك
**
ذكاء
أحمد محمد سعد محمود=أربع أسامي رجاليه
كم دال يا صاحبي موجود=لا جيت للعد في ذيه
**
قامت تغني وانا غنيت=تذكرت سابق الأيام
ولما ازفرت قمت انا ونيت=تخالطت نغمة الآلام
**
من القديم والجديد
يا طير يا حر يا باشق=ياكل طعامه بظفر وشدق
ما شفت لي في الهوى عاشق=لاقال تلقى كلامه صدق
**
شعر الأصاله لغى حجه=ويقول للمُحدث القادم
يا اللي من اسيادك مُوجَّه=حطوك معول لنا هادم
**
قالت دخيلك تعلمني=عن الهوى يعرفونه كيف
قلت اسمعي الرد لك مني=طلي بجسمي كأنه طيف
**
هذا مثل ولست المقصود
قالت أحبك وقلت أش لون=عمري لعمرك ثلاث اضعاف
قالت احبك ورب الكون=كل الذي فيك ما ينعاف
**
الشعر دون الغزل
أعرج=مثل الأكل ما وضع به ملح
في داخل المكتبه يدرج=حتى مع الحب يعمل صلح
**
المعازيم
واحد عمل بالبلد ملكه=أكابر الناس معزومين
المجتمع صار في هلكه=كل الضعيفين منسيين
**
صاحبك ما يحشك
خذها إفاده من المحسوب=اللي إذا قال ما يقشك
والكل له طالعه منسوب=صاحبك لا غبت ما يحشك
**
بالورد ربي صنع خدك=مثل الشفايف قطفها ورد
والغصن مزروع من قدك=والسن لولو ثمين وفرد
**
تاجر ما يحب
سألت تاجر عن أحبابه=العافيه قال والأموال
أما الهوى قفَّل أبوابه=دوني وانا زدت في الأقفال
**
علامك اليوم يا روحي=ما قلت لي يا صباح الخير
كلمتك تشفي لي جروحي=لا قلتها قبل يصحى الطير
**
كسرات قديمة
أحمد دخيل الله الكرنب
كيف اتهنى بقربك يوم=وانسي قسا سابق ايامي
وملازم الباب دوم الدوم=كل ما اشلع العين قدامي
**
محمد مفوز أبو شعبان
لا تشغلون المكاين كان=مني اجازه لكم شهرين
وحدي انا بامسك الأركان=وباملا التوانك بدمع العين
**
مجهول
يا لاخضري دلعوك اهلك=عن الخطا ما يردونك
تقطف فنون الهوى وحدك=وتكايد اللي يعادونك
**
محمد ابو شعبان
خذني نيابه عن الكبريت=من نار قلبي اولع لك
لولاك من ديرتي ما جيت=من كثر مابي اطالع لك
**
مجهول
لا يا صبى راقبي مولاك=حذرك تهبين في اللبنة
فيها شياهين ما تدناك=الأبيض اللي كما الجبنه
**
عبد الرحمن سعد منصور المغامسي
تركت فن الغرام سنين=وحلفت ما اعود له نوبه
والله ومالك علي يمين=شفت الذي ينقض التوبه
**
مجهول
ما احسب زرير الزهو يلفح=الأخضر اللي سواة الهيل
اللي مضى عيسله يسفح=واليوم طالع عليه سهيل
**
مجهول
عذب اللمى للبلح مشتاق=والصيف مالت به غصونه
ثوب الدلع طاح في اللصاق=ضيع معانيه وفنونه
***
من الجديد والقديم
الشعر أنواع متعدد=البعض ميت وفيه الحي
متحركه جنب متجمد=فيه المروح وفيه الجي
**
قلي عشايه هوى وافطر=مثله هوى والغدا مثله
اصبح علي الهوى مسيطر=ولا اشوف بعده ولا قبله
هات القلم خذ كسراتي=اللي بلغ صيتها المريخ
وانا والأولاد ومراتي=نبقى نوثق لها التاريخ
**
ما احلف انا بس صدقني=إني عشقتك واحبك حيل
طيفك خياله يعانقني=ساعة منامي بجنح الليل
**
صورة
شفت الهواري ومدهونات=في ساحل البحر منزوحه
وانظر بيوت الشعر زافات=قامت بالأطناب مشبوحه
**
بيني وبين المحبة عهد=ما ينقضه بيننا عاذل
مهما عمل من مساعي وجهد=ومهما بتفريقنا باذل
**
قالت خذ العلم من فمي=لا تسمع اللي يقولونه
حبك معي خالطه دمي=وصار لونه على لونه
**
عطني يمينك وخذ يمناي=والله من فوق شاهدنا
ما فيه غيرك يحوز مناي=من يومنا ما تعاهدنا
**
الشعر أصبح لنا خيله=هيكل محنط وماله روح
نبقى من الشعر تشكيله=فيها نسيم الحياه يفوح
**
كتف الهوى شده العشاق=وصار يشكي من آلامه
الكل يشكي هوى واشواق=حول الهوى ناصب خيامه
**
قال الحداثه لنا مشروع=والشعر نسعى لتجديده
قلت استمع شرح
للموضوع=رجيع غيرك لنا تعيده
**
يقول شعرك كلاسيكي=واقول عارف ويش انت تريد
الدين تبقاه أمريكي=بس انت خايف يا بو تجديد
**
ليست هناك تعليقات:
إرسال تعليق