كسرات متنوعة

كسرات منوعة

 

 

اللي بني بالاماني قصور	وعاش مايشتغل زنده
مثل الذي يلبس الناظور	واللي بعد شاهده عنده

 

**

 

لا ترى الزمن حسبة الكرسي	اللي يتحرك معك ويدور
ماهو على قاعده يرسي	لا يغرك الوقت يا مغرور

 

**

 

سووا الأهل الهوى احصا	نسبة إلي اللي ماهم هاوين
ومن بعد تمحيص واستقصا	أهل الهوى بالميه تسعين

 

**

 

آتيت عند الهوى زاير	وقلت في البال جسة نبض
جاني بعد شافني ثاير	وقام والقى علي القبض

 

**

 

بنيت لي في الهوى خيمة	وقماشها كان من ديباج
وهلت على أرضها غيمة	والقت بها فاتنة مغناج

 

**

 

أعطت عيون المها حاجز	لعيون اللي تراعيها
والقلب روَّح لها قافز	والروح نالت مساعيها

 

**

 

قطعة وفيها الحلا والفن	تعزف على روعة الألحان
كأنها لحن بتهوفن	في الأوبرا بجوقة الألمان

 

**

 

قررت من هذي الساعة	أخرج من السجن والقضبان
كم عشت في السمع والطاعة	والآن أنا أعلن العصيان

 

**

 

السيل والا الأسد قلي	والا الهوى تعيش في قربه
عن الأسد يختفي ظلي	وقلت والسيل له دربه

 

والمعنى : أن السيل والأسد منهما مهرب أما الهوى لا مهرب منه

 

**

 

كأنها لحن سمفوني	بالصوت قالت رأتك العين
ما شفتهم يوم شافوني	ولا أدري عن الشوف كيف ووين

 

**

 

شفت الهوى موكبه يزحف	ويحيط به شعبه المختار
قلي انت موقعك بالمتحف	محسوب عندي من الآثار

 

**

 

بالمخابرة

 

تاتا . تتت والإسم كامل	حرفين في دفتر النوته
جمالها بالجسم شامل	كأنها فص ياقوته

 

**

 

كفكفت دمعي ودمعي كف	لكن سالت شراييني
وان سال دم الفؤاد وجف	ترجع دموعي تباريني

 

**