كسرات
سعود فيصل قبل خالد=يأتي فهد قبل عبد الله
سلمان دايم لنا والد=يرحمهم الله وهو يرعاه
**
أقول لجمهوري الحبيب
حبايبي كلكم عندي=في منزله واحده بالراس
مثل الدرر حازها زندي=والا الجواهر مع الألماس
**
شفايفك طعمها كاكاو=أما عيونك وساع كبار
يا اللي بدايتك ميم وواو=ضي آخرك يكمل المشوار
**
اللي لها في البدايه أب=يصير في آخرتها تسام
ويقال معها أخوها شب=قالوا له الناس يا بسام
**
هيا امنحيني من الصافي=رشفة عسل من شفايا الفم
وانام في حضنك الدافي=مثل الطفل فوق حضن الأم
**
حبيت داخل وبالخارج=وجربت انا القرب والإهمال
واليوم سلمي ما هو دارج=ضيعته مكسب وراس المال
**
باراك اوباما غشاه الخوف=من روسيا والذي معها
مخاوفه تعتلج بالجوف=والروس تفرض مطامعها
**
إيران دوله مجوسيه=لكنها تدعي الإسلام
وجيوش بشار روسيه=يبغى يحقق بها الأحلام
**
يا مجلس الخوف هذا اسمك=ما يرتجى الأمن من خايف
من غضبة الناس خذ قسمك=في قتلهم والنظر شايف
**
ألغاز
باقي ولو مرت الأزمان=فضايله شي ما يحصى
شهيد في ذمة الرحمان=أميته يدخل الأقصى
**
مربوط في موضعه مشبوح=محبوس بين الجميع جهار
له جسم لكن ماله روح=مقطوف ريقه من الأزهار
**
أول سهم أول حروفه=وثلاثه حروف تعكس ليه
بالليل أنظر له تشوفه=بالليل يلفي لنا يا بيه
**
وش أم تحمل لها بنتين=ومسجله في دوايرها
والأم لو تفقد الثنتين=ضاعت وضاعت بصايرها
ليست هناك تعليقات:
إرسال تعليق