كسرات

كسرات

جاني الهوى يحمل أوراقه ** وانا عن الحب متباعد

ما ادري أنا ويش لي ساقه ** من بعد ما كنت متقاعد

**

يا حب أنا شخص متقاعد ** لا تبتليني ولا أبليك

شف شخص في شبته واعد ** دور على ذاك والا ذيك

**

قلبي شكا في الهوى عيني ** انتي سبب هذي الأجراح

تماثلوا بين يديني ** واجريت ما بينهم إصلاح

**

حلفت والله لا ادوسه ** اللي رماني أنا وارميه

وارمي الصور واحرق عكوسه ** واشياؤه اللي تذكرنيه

**

حول الهوى دايم الكسره ** تمشي وعند المنام تبات

وشهودها الهم والحسره ** والليل والدان والآهات

**

قام الهوى حط له روشان ** في وسط قلبي بلا دستور

وفوق الصدر حط له نيشان ** واعلام باربع جهات السور

**

يا ناس أنا الحب طلقته ** ثلاث ما عاد لي رجعه

من عشرة أعوام فارقته ** لقيت كل الهوى خدعه

**

لقيت لي اثنين في موقف ** هذا يغني وهذا ناح

سألت قال الذي يعرف ** هذا الوصل والهجر بكفاح

**

قلي سلامتك لما انصبت ** سلامة الآه والونه

وقلت بزيارتك لي جبت ** ريح الشفا وريحة الجنة

**

قال انتظر بآخر الطابور ** يمكن تحصل سرا بآخر

قلت الهوى اللي تقول يغور ** ويغور طابورك الزاخر

**

حزن الشباب الذي قفى ** مع فرقة الراحل الذاهب

لو عميت العين ما كفى ** من دمعها اللي كما اللاهب

**

يارب تقضي على الآثم ** اللي مهدد أراضينا

كابوس بين العرب جاثم ** في كل حاضر وما ضينا

**

مثل الرئه للعباد الحب ** وبلا رئه ما يعيش انسان

واذ اختلف ما يفيد الطب ** مثل الرئه عابها الدخان

**

قلي محامي الهوى العصري ** ادفع إذا كنت تبغى الحب

قلت انت بالشام أو مصري ** قلي سعودي وحق الرب

**

العين والرمش والحاجب ** والثغر والريق والشفه

قاموا عن الكل بالواجب ** شالوا لنا الزين في زفه

*****

كسرة رباعية

البارحة

البارحه زادت افراحي**وارتاح قلبي وهمي زاد

شربت من راحته راحي**أرق واصفى من السلسال

سكرت وانا معه صاحي**في ليل فيه التصافي طال

ليل اورقت فيه أدواحي**هفهف نسيمه وعصنه مال

***

مشتكى مفرج السيد

باقي نهارين والجمعه=من بعدها للسفر ناوين

ولا يا قمر باهي الطلعه=كيف البصر والفراق سنين

الرد عواد الزليباني

يا اللي منه نرتجي نفعه**الوقت بين القسا واللين

وأنيسكم ما اختلف طبعه**ينظر لكم كل وقت وحين

*****