كسرات

كسرات

طالع الكسرات

هيا استمع معي طالع الكسرات**اللي أتاني على تويتر

لو عشت عمرك مع الحسرات**لا تظن عينك معي تستر

**

إن راد ربي

إن راد ربي ودمت وعشت**والخير والستر ضافيني

ألبس عقالي واحط البشت**واكايد اللي مجافيني

**

موروثنا

سألت واحد وله خبره**موروثنا واين عنا راح

كيف الفكر فيه والدبره**قَلِّي ولا عاد في الأفراح

**

شريط العمر

رجَّع شريط العمر ثاني**يستعرض اللي بعمره فات

يبكي على عمره الفاني**فيه الفرح والأسى زافات

**

صَبَّار

كل ما اشعلت للفتايل نار**اطفيتها بالصبر جبري

قضيت عمري وانا صبار**لكن ما قدرت صبري

***

ستاير البعد والحرمان ** صارت لها سنين مرخيه

من يوم ما غاب حتى الآن ** ماله على زيارتي نيه

**

أكل البلح حلو في طعمه ** بس النخل صار في العالي

واللي ما يرضى على قسمه ** يقول يا طول موالي

**

عامل مسلسل على حسابي ** فيه الهجر والعذاب ألوان

أتعبت قلبي واعصابي ** ما انته ممثل ولا فنان

**

رق الحبيب الذي قلبه ** أقسى من الصخر والصوان

قلبي معه كان يلعب به ** واليوم قلبه لقلبي لان

**

أسهر أنا وانشغل في الحب ** وانته ولا انته هنا تدري

كم لي أنا في غرامك صب ** أمارس الحب من بدري

**

مسكين من هو قتل في الود ** ويروح دمه تحت رجليه

ماله ديه في النظام تعد ** ولا يحاكم اللي جنت يديه

**

دمعي انحدر فوق أوجاني ** وقلبي انحرق كنه الفحمه

دمي هدر راح يا جاني ** ما فيك رقه ولا رحمه

**

سؤال داير بلا عنوان ** وما زال في الناس تكراره

القلب والا هي الأعيان ** من أشعل الصب في ناره

**

أبغي أساهم بحل الحب ** واسهم ببعض المساعي فيه

ما فيه دكتور عنده طب ** والا مصل يمنع أو يشفيه

**

تطور الطب واتقدم ** واسهم بشتى مجالاته

إلا الهوى فيه ما يهتم ** ما سجله في سجلاته

**

قرر جناب الهوى حضرة ** المحترم صاحب التقرير

من أجل جرة قلم كسرة ** يدي وتحرم من التجبير

**

للحب شفره ولا تنحل ** قناتها صعبة التشفير

لو ابن كامل بها يدخل ** يعجز وفكره معاها يحير

**

شفت الجزيرة بها الكوره** لما اخذت البطاقة تو

والحب مستعصي الصوره ** إن جيت من أرض والا جو

******  

ثنائيات

الاجتماع

قالوا تجمعنا وتم الإجتماع**والناتجه قلنا وقالوا طيبه

تكرر الماضي بنفس الإنطباع**فيه الملامح للأماني مخيبه

**