الغاز

ألغاز

وش أم مولودها واحد**بالطيب دايم يعشونه

تْحِب دار البدو واجد**وتميل للعشق وفنونه

**

قدام في سالف الأوقات**لما خرجنا تمشينا

لولا الثلاث الأوانس جات**ما كان حنا تعشينا

**

واش بنت زينه والمخاوي لها زين**عذره بدون سنون تاكل عشاها

ماكولها طيب ولا تاكل الشين**والشيب والشبان تعشق هواها

**

وش بنت تحرق نفسها في حماها**وتحرق فلوب اللي يحبونها زود

أخواتها واجد وعودٍ نماها**والعود لا ماتَن بناته بلا فود

**   

تشيلها دوم وتشيلك**تحت الطلب بنت مثنيه

تجي لها إنت ما تْجِي لك**لا صار لك عندها نيه

**

سألت واحد عيالك كم**وقال عشره مع الإثنين

وقلت أشكالهم يا عم**وقال من كل نافع زين

**

سألت واحد من العربان**لكن ما هو بوادينا

ضاد اللغه لو تشيله بان**بالجمع من صيد أيادينا

**

قامت دعت حَيَّه وثعبان**لكن قالن عقاربها

كل الحيايا مع الديبان**ماهن لها من أقاربها

**

عشره سكاكين مع عشره**جميعها للبشر خدام

دايم على الروس منتشره**ما تروح عنها يمن أو شام

**

جماد قالوا وهو مخلوق**من واقع الوصف والتشبيه

أسود وأبيض كما الغرنوق**واحمر ورب الملا معطيه

**

طويل في سكته بالحيل**موجود في ساير العالم

نهار تلقاه والا ليل**يا كم أبكى وكم آلم

**

إذا رأيته بأعيانك**ما تاكله في دوام الدوم

وان غاب عن طرف أجفانك**ملزوم باكله وما لك لون

**

حارس موكل على حارس**وثاني الحرس له معاه عيال

واحد لموضوعهم دارس**جاب الولد وانتهى الإشكال

**

هارب وإسمه كما الهارب**وسط المدن والبراري يطوف

ما له دقن بس له شارب**يشبه شنب خصمه المألوف

**

رجال ما تشد له حيلك**خلك معه في المشي بالهون

واذا زعل منك يا ويلك**لا قام سلط عليك عيون

**

واحد متر في متر محدود**ما بين إسمنت أو طينه

أول لنا من مداه يجود**واليوم لا كف يا زينه

**

فرصع لي العين خوفني**اللي براسه ثلاث عيون

بعده سمح يوم وقفني**ممنون مني وانا ممنون

****