كسرات

كسرات

خاطبتها اللي معي بالروح ** وخيال معها امتطي للسرج

لما المحبه تجي وتروح ** نصبح لأهل الشماته هرج

**

مستعمرات الهوى والود ** إحتلها أجنبي ميسور

من دونها حط برج وسد ** وكل الجوانب حواها بسور

**

أعطيتها كل ما بالود ** لكنها أنكرت لي ذات

ومسحتها مسح باللكود ** ما كنها في حياتي جات

**

لما بصيص الأمل لي لاح ** وقلت عَوَّد معي سعدي

واعدتها وعد للإطلاح ** لكنها أخلفت وعدي

**

أبغى أقدم لكم إسمي ** بكتابي اللي مسجل فيه

تاريخ لي بالشعر رسمي ** ما هو وزن يكمله قافيه

**

عن بيتنا ما تخلينا ** المنتدى بيتنا اللي كان

لكن رحنا وولينا ** لما هوت فوقنا الأركان

**

صار الذي كان يسكن كوخ ** يسكن رواشين بالعالي

ياكل سفرج وياكل خوخ ** وما يلبس الا من الغالي

**

طبع المظاهر ومسح الجوخ ** في الوقت أصبح لنا عاده

تسمع من المدح لين تدوخ ** وتحط بالأذن سداده

*****