كسرات 30 - 5 - 1438هـ

كسرات

الحب يامر وينهاني=وانا لأمر الهوى طايع

ولما البسه تاج يزهاني=ووسام فوق الصدر رايع

**

ياليتني يالغضي لك جار=ومقابل الباب للطاقه

واحكي معك عن هواي الحار=واقطف من الورد لك باقه

**

عبر الزمان البعيد اذكر=أيام مرت من الأيام

واعود للي خلق واشكر=يمكن يقدر لنا باليام

**

لبست انا البفت والمله=وحطيت سيفي وجنبيه

مشيت مختال بالحله=يوم الزمن ما غدر بيه

**

ضحكت انا بالسنه مره=وابكاني الوقت عنها عام

وحلفت ما اعودها كره=ولا تشوفني يا زمن بسام

**

حمام وسط الشجر غرد=في آخر الليل لما ناح

مبعد عن الولف ومشرد=واذا انهض ما يقل جناح

**

لما الهوى قام ناداني=صحيت من لذة الأحلام

بغيت اناديه ما امداني=روَّح وعقب لي الآلام

**

دايم تخطط لمستقبل =ما تدري ان الزمان يدور

لما عليك الكفن يسبل=وتفارق اللي معك بالدور

فترة شباب تراني قلت=ما خلقت اللي توطي الراس

ورغم الزمن والعمر مازلت=أقولها بين كل الناس

**

وسط العسل حط ليه سم=وقلي تفضل جبا يهناك

وقربت كاس الفنا للفم=وقلت روحي جبا تفداك

**

مهما يلوم الهوى ما قلت=عاتب على الحب من جدي

لكن عن سكته ما ملت=من يوم ما طاح في يدي

**

الشاعر اللي ضميره حي=يكتب تجارب لكل الجيل

لا اقبل لهم في طريقه جي=يلفت لهم بالنظر ويجيل

**

لا والله ألا زماني راح=اللي تهنيت بايامه

أيام كانت هنا وافراح=يوم السعد كان باليامه

**

شعبي أنا قلت والفصحى=بالحب كل اتجاهاته

والصبح من حين ما أصحى=فطوري الشعر لي هاته

**

إشرب جبا من يدين الحب=كاس الهنا قدمه باليد

ريقه عسل والشفايف قُب=لكن لا تزيد عن ذا الحد

**

على الأصابع تجي تمشي=واسمع صدى صوت مشيتها

ويفارق النوم من رمشي=مشتاق ما هو بخشيتها

**

وصل الرحم من أمور الدين=وصى به المصطفى المختار

واصحاب الإخوان والوالِدين=خلك معاهم كريم وبار

**

لما زمان الملاقى حان=واصبح قطار العمر يجري

منها جنا المسك والريحان=يا رب تحسن بها أجري 

**

على الشباب الذي قفى=أحن من أجل تذكاره

عمري على آخره شفى=والحب عكر معي كاره

**

تبغون مني الصراحه طول=اللي لأهل الهوى ساسات

شربت عذب الغرام سطول=يا اللي رويتم من الكاسات

**

قلب البشر كالزجاج اللي=إذا انكسر صعب تجبيره

وإذا انكسر يوم من خلي=جرح الحشا كيف تدبيره

**

حبايبي يا موديني=يا اللي لكم في فؤادي بيت

يا عاطفه حب رديني=في شبتي واسرجي لي زيت

**

حبل الوصل منقطع من حين=واللي انربط فيه متخفي

صرنا عن دروبهم منحين=واصفق بكفي على كفي

**

حزنا على جائزة نوبل=في الحب أيام شبتنا

واللي نجح بالشكر قوبل=نلنا الشكر من أحبتنا

**

أمي وابويه لهم أشتاق=وعمي وخالي وإخواني

واللي بنظره لها مفتاق=هذا كتابي وعنواني

**

حطت لي بالهوى محامي=يأخذ حقوقي الكثيره منه

جاني ودمع الجفن هامي=يبكي وعود يدافع عنه

**

مهما أنا في الهوى قاسيت=يبقى الهوى شي رباني

يصبح ويمسي معك لا امسيت=شيبان تبكي وشباني

****