كسرات 1 - 6 - 1438هـ

كسرات

يا حب ما عاد باقي صبر=خليتني كنني تمثال

الصبر يمكن يودي قبر=مثل الذي قيل في الأمثال

**

صليت انا الفرض يا ربي=واكثرت يا ربي التسبيح

بحماك يا رب متربي=مثل الذي تاه وسط البيح

**

قلبي وعيني شكت من ود=مخفي على العين ما شفته

كل ما رفعت العيون يلد=وانا على بعد وصفته

**

غرد كما البلبل الصداح=يا سامع الشعر به غرد

قلبي غدا له معي نَدَّاح=من خد فتان ومورد

**

حبيبتي يا بعد روحي=با اطلبك طلبه وما هي محال

بالله بالله لا تروحي=وتروح روحي معك في الحال

**

سوق الشعر للهوى محتاج=واحنا مع الشعر تجاره

وتشوفنا لابسين التاج=ونقدم الدر واحجاره

**

جاني الشعر قال من جده=فزعه وتحسب عليه دين

قلت العمر طال في حده=وانا كما السيف أبو حدين

**

من يوم انا في حياتي طفل=أخربش الحب باقلامي

أكتب عبارات فوق وسفل=ما أعرف الميم من لامي

**

لا يا عيوني رميتيني=على الذي ما بقلبه خوف

وانتي من اول حميتيني=وانا الذي لك حميت الشوف

**

اقول للمرة المليون=إذا نشرت الحزن والفرْح

مثل الأسد بانجليزي ليون=أشرح لكم شي ما له شرح

**

نبعد عن الناس في عزله=كأننا في بلدنا غرب

في الناس في السوق في النِّزله=نمشي سوات الجمال الجرب

**

شعره سوات الذهب براق=وعيونه الزرق بحريه

واذا اسبل الطرف بالإطراق=تأسرك نظرات سحريه

**

قال الهوى اليوم لي كذبه=حسبتها في شهر أبريل

لكنها في فمه عذبه=أشعر كنه من الإكليل

**

رمح الهوى شك في صدري=وقال هذا قدر من رب

وقلت لو مت من بدري=أنا قتيلك شهيد الحب

**

النابغة عندنا لا زال=يحكم على الشعر باقواله

عليه وحي الشعر نزال=وعليه صلى الشعر واله

***

كسرات 28 - 5 - 1438هـ

شاهدت غصن الهوى المياس=اللي تلاعب به الأرياح

واصبحت بين الرجا والياس=بين الوصل والهجر  مياح

**

بكيت لما ضحك سنه=ولما بكى دمع عيني زال

اللي لقيت الأسى منه=لما بقلبي غدا نزال

**

يا اللي تقدم لنا ألحان=ما عاد نسمع لتغريدك

يا باقة الورد والريحان=لو كان ما تريدنا نريدك

**

يا ليت نلقى لنا مدخل=مع الذي يكثرون الصمت

لو كان كلمه بها بخل=من يوم انا في غرامه همت

**

عطلة مدارس وعاد الناس=لعل من سافروا عادوا

كانوا لنا في القديم إيناس=لكن في بعدهم زادوا

**

تحسد رجل في التقى والدين=ما حد يلومك ولا يشناك

ولك كلنا في الغرام ندين=لاشفتنا ولف واوحشناك

**

حبيبتي يوم ارددها=ألذ واحلى من اللذات

مثل النشيده أنشدِّها=تعيش في مهجتي بالذات

**

قلي أنا الشاعر الأكبر=في كل محفل وانا موجود

في كل قريه وبحر وبر=وبالصوت للعاشقين أجود

**

بالعقل كل البشر راضي=لكن بالرزق ما يرضون

في حاضر الوقت والماضي=ولذاك كل البشر يعضون

**

الحب فيه المغامر دوم=واحيان يخطي وحين يصيب

لكن لا تسوم روحك سوم=عند الذي من رجاه يخيب

**

يا غُبر الايام قولي لي=على المحبين من سلطك

إن كان دلت دواليلي=عاذل لنا في الهوى غلطك

**

الحب له في البشر سطوه=شاهر سلاحه على العشاق

لو سرت في سكته خطوه=تلقى طريقه صعيب وشاق

**

بالله يا حب فارقني=ما عاد اريدك ولا أبغاك

ما دام بالنار تحرقني=اقول يا حب ما أطغاك

**

لا وعذاب الذي خله=غايب عنه ما عرف له دار

سهران لجل العنا ذله=محكوم تلعب به الأقدار

**

يا القلب لو منزلتك تشوف=ما تغيب عن ناظري ساعه

يا ليت قلبي لكم مكشوف=والا لكم فيه سماعه

**

يا اسندريلا ضحى مرت=متدلعه بين هذا وذاك

كم أحزنت قلب كم سرت=قلبي معنى لكن يفداك

**

حبايبي لا تلوموني=عشت الهوى يوم عمري شب

الصدر به زوج ليموني=ريقه عسل والشفايف قُب

**

دستور يا احبابنا دستور=لو في المحبه تجاوزنا

ماضي لنا غاب خلف ستور=وكان المنى يوم به فزنا

***

***

ألغاز

قطف العنب كان في يدها=في وقت ماهو بأزمانه

وتقول من عند سيدها=وهبه وما جا بأثمانه

كسرات ولغز 21 - 5 - 1438هـ

شاهدت غصن الهوى المياس=اللي تلاعب به الأرياح

واصبحت بين الرجا والياس=بين الوصل والهجر  مياح

**

بكيت لما ضحك سنه=ولما بكى دمع عيني زال

اللي لقيت الأسى منه=لما بقلبي غدا نزال

**

يا اللي تقدم لنا ألحان=ما عاد نسمع لتغريدك

يا باقة الورد والريحان=لو كان ما تريدنا نريدك

**

يا ليت نلقى لنا مدخل=مع الذي يكثرون الصمت

لو كان كلمه بها بخل=من يوم انا في غرامه همت

**

عطلة مدارس وعاد الناس=لعل من سافروا عادوا

كانوا لنا في القديم إيناس=لكن في بعدهم زادوا

**

تحسد رجل في التقى والدين=ما حد يلومك ولا يشناك

ولك كلنا في الغرام ندين=لاشفتنا ولف واوحشناك

**

حبيبتي يوم ارددها=ألذ واحلى من اللذات

مثل النشيده أنشدِّها=تعيش في مهجتي بالذات

***

ألغاز

قطف العنب كان في يدها=في وقت ماهو بأزمانه

وتقول من عند سيدها=وهبه وما جا بأثمانه

***

ولى الشباب - مفرج السيد

الروض الحزين - مفرج السيد

صاحب وغالي

صاحب وغالي من الأصحاب=اللي فقدناه من أيام

حسين روح لذاك الباب=يا رب له بالنعيم لْيام

الصقارة - مفرج السيد

كسرات 30 - 5 - 1438هـ

كسرات

الحب يامر وينهاني=وانا لأمر الهوى طايع

ولما البسه تاج يزهاني=ووسام فوق الصدر رايع

**

ياليتني يالغضي لك جار=ومقابل الباب للطاقه

واحكي معك عن هواي الحار=واقطف من الورد لك باقه

**

عبر الزمان البعيد اذكر=أيام مرت من الأيام

واعود للي خلق واشكر=يمكن يقدر لنا باليام

**

لبست انا البفت والمله=وحطيت سيفي وجنبيه

مشيت مختال بالحله=يوم الزمن ما غدر بيه

**

ضحكت انا بالسنه مره=وابكاني الوقت عنها عام

وحلفت ما اعودها كره=ولا تشوفني يا زمن بسام

**

حمام وسط الشجر غرد=في آخر الليل لما ناح

مبعد عن الولف ومشرد=واذا انهض ما يقل جناح

**

لما الهوى قام ناداني=صحيت من لذة الأحلام

بغيت اناديه ما امداني=روَّح وعقب لي الآلام

**

دايم تخطط لمستقبل =ما تدري ان الزمان يدور

لما عليك الكفن يسبل=وتفارق اللي معك بالدور

فترة شباب تراني قلت=ما خلقت اللي توطي الراس

ورغم الزمن والعمر مازلت=أقولها بين كل الناس

**

وسط العسل حط ليه سم=وقلي تفضل جبا يهناك

وقربت كاس الفنا للفم=وقلت روحي جبا تفداك

**

مهما يلوم الهوى ما قلت=عاتب على الحب من جدي

لكن عن سكته ما ملت=من يوم ما طاح في يدي

**

الشاعر اللي ضميره حي=يكتب تجارب لكل الجيل

لا اقبل لهم في طريقه جي=يلفت لهم بالنظر ويجيل

**

لا والله ألا زماني راح=اللي تهنيت بايامه

أيام كانت هنا وافراح=يوم السعد كان باليامه

**

شعبي أنا قلت والفصحى=بالحب كل اتجاهاته

والصبح من حين ما أصحى=فطوري الشعر لي هاته

**

إشرب جبا من يدين الحب=كاس الهنا قدمه باليد

ريقه عسل والشفايف قُب=لكن لا تزيد عن ذا الحد

**

على الأصابع تجي تمشي=واسمع صدى صوت مشيتها

ويفارق النوم من رمشي=مشتاق ما هو بخشيتها

**

وصل الرحم من أمور الدين=وصى به المصطفى المختار

واصحاب الإخوان والوالِدين=خلك معاهم كريم وبار

**

لما زمان الملاقى حان=واصبح قطار العمر يجري

منها جنا المسك والريحان=يا رب تحسن بها أجري 

**

على الشباب الذي قفى=أحن من أجل تذكاره

عمري على آخره شفى=والحب عكر معي كاره

**

تبغون مني الصراحه طول=اللي لأهل الهوى ساسات

شربت عذب الغرام سطول=يا اللي رويتم من الكاسات

**

قلب البشر كالزجاج اللي=إذا انكسر صعب تجبيره

وإذا انكسر يوم من خلي=جرح الحشا كيف تدبيره

**

حبايبي يا موديني=يا اللي لكم في فؤادي بيت

يا عاطفه حب رديني=في شبتي واسرجي لي زيت

**

حبل الوصل منقطع من حين=واللي انربط فيه متخفي

صرنا عن دروبهم منحين=واصفق بكفي على كفي

**

حزنا على جائزة نوبل=في الحب أيام شبتنا

واللي نجح بالشكر قوبل=نلنا الشكر من أحبتنا

**

أمي وابويه لهم أشتاق=وعمي وخالي وإخواني

واللي بنظره لها مفتاق=هذا كتابي وعنواني

**

حطت لي بالهوى محامي=يأخذ حقوقي الكثيره منه

جاني ودمع الجفن هامي=يبكي وعود يدافع عنه

**

مهما أنا في الهوى قاسيت=يبقى الهوى شي رباني

يصبح ويمسي معك لا امسيت=شيبان تبكي وشباني

****

منوعات ( كسرات - خبيتي - موال )

نص خبيتي

دق النجر ويزوع قلبي من الروع=ذكرت دق نجورهم في العصاري

اللي عصوا قلبي وقلبي لهم طوع=واليوم بعد الهجْر زادوا حصاري

**

موال قديم

زمان يا حبايب أنا ما ذقت حلواكم=عطشان ميت ظما ما شْربت من ماكم

***

كسرات

بعت الهوى واشتريت اللي=يغني عن الحب في حالي

في راحة القلب متسلي=ما يخطر الحب في بالي

**

ما قط انا الحب حاربته=دايم معه في سلام وسلم

واذا ابتعد قمت قربته=واليوم حكمه عليه ظلم

**

يا حب لا تقتل الشيبان=عطنى أمل بعد سن الياس

لا تردني في الهوى خيبان=وارجع معنى ومحني الراس

**

البارح الحب صالحني=اللي يحبه جميع القوم

وقام بالزاد مالحني=حلمت به في لذيذ النوم

**

قلبي بذكر الهوى ملتاث=ما طاح مره من لساني

اللي بكل العواطف عاث=وانا من الناس ينساني

**

لما ابعد الحب في ساعة=وروَّح وعيا علي يعود

قدم لي السمع والطاعة=ورجعت معاه الليالي سعود

**

يا رب عفوك لنا ورضاك=هم عندنا غاية المأمول

عفوك لنا ربنا واغضاك=عن ذنبنا بالرضا مشمول

**

ترسل وساطات لاصحابي=من شان يرجع زمان الود

ما دام نور الهوى خابي=في داخلي ناظري ما يلد

**

دمع التماسيح عندي أصدق=من دمع يجريه بعض الناس

لو كان بي الخطر أحدق=وحشتك عندي هي الإيناس

**

موضوع تافه ولا يخطر=بالبال مره دوام الدوم

لو كان قلبك دما يقطر=قلبي أنا في غطيط النوم

**

صباحك الفل والكادي=والمسك والورد والريحان

مثل القمر بالسما بادي=لما طلع والملاقى حان

**

الكل غنى على ليلاه=وانا أغني بموالي

أحيان أعزف لحن ويلاه=واحيان يا الله يا والي

**

قلبي إذا ما انحرف عن شخص=ما عاد يرجع لميدانه

واللي سبق باعنا بالرخص=ما هو أنا ، موقفه دانه

**

هيا استمع للكلام الهام=معزوف بالناي والأرقول

اليوم قلبي من الأوهام=خالي ومثل الطبق مصقول

**

أنا أجازي بفعل الخير=لكن بالشر ما اجازي

طبعي كذا في نظام السير=دايم مع الناس متوازي

**

سلمي ذهب في الهوى مسبوك=إن كان سلم البعض زايف

هناك ربك بمن حبوك=وانته بهم في الهوى رايف

**

قدَّم لي الزين بسبوسه=وقلِّي تفضل وخذ ما شيت

وقلت لو كان بس بوسه=أسرعت يمَّك وعندك جيت

**

شفايفك طعمها من موز=بالظن ما ذقتها والله

واناملك لونها من لوز=أشوف انا لونها ما احلاه 

***

كسرات

القلب خالي من السكان=والبال خالي من التفكير

لا اقول في الحب كان وكان=وانام واصحى وانا بكير

**

أعيذكم يا تلاميذي=أولاد والا بنات الكبد

من زلة ابليس تعويذي=اللي يترصد خطا للعبد

**

يا قلب يكفيك ما صابك=خلك عن الحب في عزله

لو جيت تستعرض حْسابك=تلقى مصايبك به جزله

**

صلوا على المصطفى الهادي=اللي هدى الناس للإسلام

كلمات يحدى بها الحادي=دايم تردد لها الأقلام

**

لما العنب جاد في وقته=لو جيت من جنب زرعه مار

حلفت بالله ما ذقته=ولا ذقت غيره من الأثمار

**

الحب ترياق للعشاق=يطفي ألم في  عواطفهم

صحيح إنه صعيب وشاق=لكن يرجع يلاطفهم

**

بالبعد دارت لنا أفكار=وانا وحبي تراهنا

وقلوبنا تعكن الأفكار=ولا هان حبي ولا هنا

**

أنبش حكايات بالأرشيف=أتحف بها سمع جمهوري

ماضي سلف بالنظر ماشيف=ما اظهرتها يوم بظهوري

****

كسرات

غاب القمر في سحابه غاب=ولما انكشف زادت انواره

نور جميع الفلا والغاب=في كل ميدان له زاره

**

حب النبي للعباد شعار=في شرع من هم يحبونه

خذها نصيحه بدون اسعار=ذا أمر ربي يلبونه

**

صوت المأذن إذا ما عاد=داعي إلى الخير يهدينا

ما عاد باقي لنا مقعاد=نلقى الذي في أيادينا

**

حاضر مزجته مع الماضي=شريط من ذكريات الأمس

وانا بأمر القدر راضي=ما دام ما هو بحكم الخمس

**

البارح النوم ما جاني=حاولت عيني وهي عيت

منظر شغلني وشاجاني=مرت بجنبي ولي حيت

***

نص خبيتي

النص الخبيتي يقول في النهاية وانا أقول في البداية :

يا سيدي اسمع خطبتي المنبريه=وسهيف الخدين أبو العنبرية