ألغاز 3 / 2 / 1438هـ

#ألغاز_مفرج_السيد ( 1 )

مرت سحابه فيها طل

قال ياعابره هلي

مطرح حصيلك خيرك حل

ما يغيب عن مطرحي ملي

**

ألغاز 3 / 2 / 1438هـ

#ألغاز_مفرج_السيد ( 2 )

من هو حوار رسول الله

وامين من هذي الأمه

وامين سر النبي ياله

رجال بالدين في القمه

**

ألغاز 3 / 2 / 1438هـ

#ألغاز_مفرج_السيد ( 3 )

من ملزمات السفر ماضي

يحفظ لك المال والأغراض

شده على الظهر لو فاضي

يحمي لك الظهر من أعراض

**

ألغاز 3 / 2 / 1438هـ

#ألغاز_مفرج_السيد ( 4 )

أسمر وبالطعم ذوقه مر

لكن بالفم ما أحلاه

بالليل والا النهار يمر

والتين في سورته خاواه

**

ألغاز 3 / 2 / 1438هـ

#ألغاز_مفرج_السيد ( 5 )

تعطي لك الفم والمبسِم=وتبوس فيها على مهلك

لكن في عاقبتها السم=بمعاشرتها لك المهلك

**

ألغاز 3 / 2 / 1438هـ

#ألغاز_مفرج_السيد ( 6 )

لو شالوا الحرف تصبح حُول

ما هي عيونك حرسها الرب

حتى ولو بعضها مكحول

فيه المضره وماله طب

**

يقولون في القديم غمز لك وغمزت له واعجبك وانسدحت له وأنا أقول ، ومنكم الحل :

ألغاز 3 / 2 / 1438هـ

#ألغاز_مفرج_السيد ( 7 )

داعب عيونك على استحيا

حتى استجابت له الأعيان

وتموت من بعدها تحيا

في حين من باقي الأحيان

**

يقولون في القديم : أربع مواشي واربع تواشي وواحد يشيل البيرق ، وأنا أقول ومنكم الحل :

ألغاز 3 / 2 / 1438هـ

#ألغاز_مفرج_السيد ( 8 )

أربع تشيله بكل سرور

واربع بها يستمع ويشوف

وواحد حمل بيرقه منشور

أمين حارس بليل يطوف