كسرات ولحن بداوني

سافر بعض أولادي وبناتي إلى الخارج وقد عادوا بالسلامه الحمد لله ، وحييتهم فقلت :

لحن بدواني

مرحبا بالكبار ومرحبا بالصغار ** ساكنين العيون اللي ترحب بهم

طرف عيني على نظرة سواهم يغار ** يا هوى حدث الأجيال عن حبهم

**

لحن بدواني آخر

كل ما لاح براق الشتا والخريف ** قلت مرت ليالي العمر متواليه

عشت عمري وانا ما بين قريه وريف ** واشهد ان الليالي يا عُمُر غاليه

** 

كسرات 

يا تركيه بعد عودتهم ** عساك ما تشربين السيل

طايف وطنهم وسودتهم ** تنظر لهم في نهار وليل

**

جبتم لنا ريحة الجنه ** دايم معاكم تجي وتروح

يا الله لك الحمد والمنه ** عادوا وعادت معاي الروح

**

خلك معي في المواقف صف ** واحذف ألف لو سألتك اِيه

أشوف هرجك معايه خف ** واقول لك يا حبيب ليه

**

باعطيك بالمختصر ساسه ** اللي شغل خاطري بالحيل

في آخر الهد من راسه ** حرفين واثنين تالي الليل

**

نادى الهوى قمت انا لبيت ** لجله مسوي معايه حلف

كنا أنا والهوى في بيت ** أيام كان الهوى لي ولف

**

قالت لي القافيه مليت ** من شعر أحظى بترديده

جاوبتها ليتني يا ليت ** أشعل حروفك بتجديده

**

هم شبوا النار لابراهيم ** أهل الكفر والحكم والجاه

ما هي خرافه ولا توهيم ** والله من نارهم نجاه

**

قالت با احجيك يا وليدي ** سمعت عن قصة حديدون ([1])

أبله لنا تقول لي هيدي ([2]) ** من مية اعوام ويزيدون

---

([1]) حديدون : قصة حديدون قصة شعبية شهيرة قديمة .

([2]) هيدي : كلمة شامية ، بمعني : هاذي .