كسرات 10 / 6 / 1437هـ

بالله يا صاحب التكسي=سلم على سيِّدي أرجوك

تلقاه مثل القمر مكسي=بالنور ما يركب الا بيوك

**

عمري سوات النجم هرَّف=واصبحت في آخر المشوار

واللي نوى الحب ومترَّف=مالي معه في الهوى أدوار

**

الكل له صوت ويغني=والكل غنى على ليلاه

اللي مع الخل متهني=واللي شكا قال واويلاه

**

تمايلت كنها سكرى=من زايد الحسن والإدلال

اللي لها عندنا ذكرى=مع وافر الحب والإجلال

**

أبغى اعتذر لو عرفت الشخص=اللي معي من سنه طاريه

وابيع روحي فداه برخص=اللي شراني أنا شاريه

**

اللي من الشعر أولاني=ما فيه بيني وبينه شيء

حرك شجوني وسلواني=وانا طويت الموده طي

**

يا مرحبا بالذي شرف=قال العفو ذنمبكم مغفور

غيَّر لي الإسم ومحرَّف=قلت الرضا والشكر مغفور

****