كسرات 18 / 6 / 1437هـ

شاعر واعايش جميع الناس=واناظر اللي أتى أو راح

واحزن إذا ما أتاهم باس=وافرح إذا جاتهم أفراح

**

شعري عن الناس تعبيري=قصه تجي بين حي وحي

أغرف لهم من طرف بيري=من نبع صافي غزير المي

**

في وقتنا تكثر الغيره=والمشكله من يغير رجال

والشعر من خارج الديره=طيب وشعر البلد بطال

**

أزهقت انا الحب وازهقني=في كل ليله لقا وفراق

والمر بالفم ذوقني=وذقت العسل يوم ليَّه راق

****

رباعية

17 / 6 / 1437هـ

تسعه ثلاثين واحد زود=معها الثلاثين محسوبه

كنه جبل في المعالي طود=يوم المروات مكسوبه

لا هوَّد الليل ليلي هود=أدعي بدعوات مطلوبه

واقول يا رب ترحم عود=عقَّب لنا ناس محبوبه

****

كسرات 17 / 6 / 1437هـ

قال الهوى فات بابورك=ما عاد لك عندنا سَفْره

جاوبت انا قلت له با ازور=قدام لا اروح للحفره

**

مره عسل أشربه صافي=ومره من المر مشروبي

ماني عن اهل الهوى خافي=خارج من التجربه دوبي

**

بين الرضا والغضب حالي=ما عشت راضي ولا غضبان

أعيش بعض العمر خالي=والبعض محجوز بالقضبان

**

لي قلب أبيض كأنه ثلج=مع نفس من طبعها الطيبه

ووجهي نهار المقابل بَلْج=والروح ما تقبل الريبه

****

كسرة 17 / 6 / 1437هـ

أبو أسامه جلس عندي=وقبله أتاني أبو نواف

في خدمتي كنهم جندي=ولد الولد والولد وُقَّاف

أبو نواف : ابني محمد وابو أسامة ابن ابني هيثم محمود