مولد النبي صلى الله عليه وسلم

قصيدة بمناسبة مولد النبي

خير البشر سيد الأكوان=هادي البرية إلى الإسلام

مولدك به أرضنا تزدان= وبنورها ينجلي الإظلام

ذكرى تجسد لنا ما كان=نحيا لها العام بعد العام

يا سيدي صاحب الإحسان=ذكراك تزهو بها الأيام

صلى على روحك الرحمان=ما دامت العُرْب والأعجام

ما غرد الطير بالأغصان=وما هبت الريح بالأنام

كسرات - مفرج السيد

وقتك مضى يالمؤمل راح=زمان ما عاد تطري لي

من يوم سابتني الأفراح=ودمعي يبلل مناديلي

**

ناديت ما كلمتني دوم=وقلت هذا أمر عادي

ولما أنا كل متني يوم=نادت وانا صرت ما اندي

**

الحب معاي سْباق=خزينته فارغه من مال

وانا منه غاسل الأطباق=اللي من أول معي همال

**

راعي الهوى من وجودي غاب=اللي من اول يوافيني

ويا اللي لبس للغرام ثياب=مقصدك ما هو بخافيني

**

من يوم أنا ما كبر سني=أصبحت انا في الهوى منكور

جاني الهوى يعتذر مني=وقال يا صاحبي مشكور

**

بحر الهوى زاخر الأعماق=ما يقطعه كل من طَبه

يا ما زخر واغرق الآماق=وصاحبه ما لقى طِبه

**

خرجت من موسم الألغاز=ودخلت في موسم الكسرة

بنزين هذا وهذا غاز=وكلهم ويل مع حسره

**

والله يا جاتني صدمه=وانا على الدرب وحدي أسير

بالوجه حصلت لي كدمه=وبالكتف حصلت لي تكسير

**

يا حب دوبك علي يا حب=ضاقت معك كل حيلاتي

من يوم انا في حياتي شب=وانا معك طول ليلاتي

**

يكفي كفى كف يا رمشي=حتى وانا في طريقي مار

حتى وانا بالطريق امشي=تطلع على دربي الأقمار

**

واحد قمر بالسما طالع=وبالأرض واحد قمر سيار

والجو ما بينهم والع=وانا يجاذبني التيار

**

زمان وانا عن الكسرات=مبعد كأني لها هاجر

واليوم حلت لي العسرات=وما عاد في بيننا حاجر

**

عايش على ذكريات الأمس=كني شبح في الهوى عايش

تصبح وتمسي علي الشمس=والراس فيه الفكر شايش

**

على الهدى نتفق دايم=ونجتمع في حدود الدين

والود ما بيننا قايم=وفي طاعة الله مشتدين

**

شمس الضحى يوم لاحت لي=وانا على وجهتي غافل

ما اظنها قاصده قتلي=لما اظهرت حسنها الحافل

**

ما فيه بين البشر كامل=ونصيب مره ونخطي السير

ويا الله من فضلك الشامل=تسبل علينا الستر والخير

**

صوت البلابل ذهب مني=وصوت الغرابين ينعق لي

يا الله وش مقصده مني=أقولها صدق من عقلي

**

يا ما اسعدتنا الليالي البيض=ويا ما على سودها عشنا

تعطي وتاخذ عنه تعويض=تونس وأحيانا توحشنا

**

نسيت كل الليالي اللي=راحت بعمري سدى قدام

اللي إذا ما هجر خلي=أروح له حافي الأقدام

**

يا الله يا من طريقك خير=وطاعتك بالعنق لي واجب

أدعوك ومن الضحى وعصير=تجعل من الشر لي حاجب

كسرات - مفرج السيد

لي سيد مالي علي الوقت=ما ابغى اوضح لكم واشرح

يدري بشوقي إذا ما اشتقت=ويدري بحزني ويوم افرح

**

ما دام قلبي امتلا بالحب=وفاض بالحب عند الباب

ما اظن تلقى لقلبي طب=وتخش مع جملة الأحباب

**

اكتب بيدي بعد ما كنت=اقول للناس خطوا لي

واحمدك يا ربي اللي كنت=بينت لي العرض من طولي

**

أصبحت كل ما يقال الحب=أفزع من الحب من ذكره

اللي إبتلاني بعمري شب=وما زلت عايش تحت حكره

**

جالس لحالي كما الجني=واشذ واروح في الأفكار

واحن للحب لكني=أخاف من سطوة المكار

كسرات - مفرج السيد

تزايلن لي نجوم الجو=وانا على سكتي ذاهل

من كل جاهل شبابه تو=ويقابله في الهوى جاهل

**

ما عاد لي في الهوى شفه=عزفت ذكرى زماني فيه

أيام كان الهوى عفه=لمحة نظر فالهوى تكفيه

**

فارقت انا اليوم للكسره=وعاشرت للغز لجله حل

وبساعة اليسر والعسره=أخذت انا اللغز ليه خل

**

الكسرة اللي لنا منبع=تصحب لنا في مسيرتنا

واصحابنا سافروا ينبع=واحنا بقينا بديرتنا

**

أرض الأمارات جارتنا=وهي الرفيقه لنا بالدرب

نبعث تباريك حارتنا=معها البلد والوطن من قرب

**

طعم الحجازي لديه حلول=والذ وارخص من المندي

هذا كلام الأنام يقول=ما هي حكايات من عندي

ألغاز 17 / 2 / 1438هـ

 

#ألغاز_مفرج_السيد ( 1 )

من خوف لا الطاغيه يؤذيه

قاموا وحطوه في تابوت

واخته بوسط البحر ترميه

والعاقبه للعدو يموت

**

ألغاز 17 / 2 / 1438هـ

#ألغاز_مفرج_السيد ( 2 )

واحد قتل ثلث أهل الكون

من الرجال الذي حيين

والطير في قصته له عون

ويا للأسف إنهم خيين

**

ألغاز 17 / 2 / 1438هـ

#ألغاز_مفرج_السيد ( 3 )

وش ناصحه حذرت أفراد

لا تجلسوا في أماكنكم

وقالت على مسمع الأشهاد

هيا ادخلوا في مساكنكم

**

ألغاز 17 / 2 / 1438هـ

#ألغاز_مفرج_السيد ( 4 )

طيرين جا ذكرها بالنص

في محكم القول والتفصيل

واحد حفر في البسيطه خص

وواحد سعى للكتب توصيل

**

ألغاز 17 / 2 / 1438هـ

#ألغاز_مفرج_السيد ( 5 )

عذره تلقِّح لها عذره

من قدرة الخالق المعبود

اللي بها تنبت البذرة

ويخضر منها جفاف العود

**

ألغاز 17 / 2 / 1438هـ

#ألغاز_مفرج_السيد ( 6 )

اللي تنفس وماله روح

من دبرة الله سبحانه

موجود في موقعه مشروح

مذكور في نص قرآنه

**

ألغاز 17 / 2 / 1438هـ

#ألغاز_مفرج_السيد ( 7 )

عمره يجي عمها عامر

اللي أبوها الرجل عمار

من هو أبوها الذي يامِر

وينهى عليها لا جاها مار

يقولون في القديم : " عمره بنت عمار من هو  ابوها " وانا أقول :

**

ألغاز 17 / 2 / 1438هـ

#ألغاز_مفرج_السيد ( 8 )

تسعه وتسعين من نعجات

واللي ملكها أبو سليمان

ويريد نعجه لكن ما جات

زله اتت من رجل إيمان

**

ألغاز 17 / 2 / 1438هـ

#ألغاز_مفرج_السيد ( 9 )

اللي كما الحيه الرقطه

سمومها عمت الأوطان

لو ضفت في أوله نقطه

يصير ذا عش للشيطان

**

ألغاز 17 / 2 / 1438هـ

#ألغاز_مفرج_السيد ( 10 )

هيا اسمع اللغز يا عمي

ونبغى على طالعه تبني

سلام يا خوي من أمي

 يا اللي أَبَيَّك أخو لابني

**

ألغاز 17 / 2 / 1438هـ

#ألغاز_مفرج_السيد ( 11 )

ثنتين في ديرة الإسلام

لكنهن عاصيات الرب

وواحده في كفر واظلام

للدين والمسلمين تحب

**

ألغاز 17 / 2 / 1438هـ

#ألغاز_مفرج_السيد ( 12 )

ما ادري أتت في البلد من فين

لعبه وترتيبها معروف

فعل الأمر كان من حرفين

والماضي اللي ثلاث حروف

عزاء

في يوم السبت الموافق 11 / 2 / 1438هـ انتقل إلى رحمة الله ابن أختنا مأمون يوسف حامد الرديني وزوجته وابنته تغمدهم الله بواسع رحمته وأسكنهم فسيح جنانه ، وألهم أهله وذويه الصبر والسلوان ، وإنا لله وإنا إليه راجعون ولا حول ولا قوة إلا بالله .

ومنا العزاء لوالدته وإخوانه حسن وأيمن ومحمد واخواته وللآسرة وعامة السادة .

زاد الأسى والمقدر حل=تدبير من خالق الأكوان

مأمون فقده علينا جل=عساه في جنة الرضوان

ويا رب فضلك يعم الكل=بنات والا من النسوان

ومنا العزا بالوفا ما قل=ننصى حسن فيه والإخوان

ألغاز 9 / 2 / 1438هـ

#ألغاز_مفرج_السيد ( 1 )

الذيب عند البدو سرحان

لكن هذا على إسمه

بالصبح تلقى الزهر ريان

وبالورد تلقى أثر وسمه

يقولون في القديم : " الذيب سرحان يرقي الضلعان بلا كرعان " وأنا أقول ومنكم الحل

**

ألغاز 9 / 2 / 1438هـ

#ألغاز_مفرج_السيد ( 2 )

للبنت يسأل أبوها وين

قالت يصادق أعادينا

وعن أم قالت على قسمين

تقسم مَرَه من بوادينا

**

ألغاز 9 / 2 / 1438هـ

#ألغاز_مفرج_السيد ( 3 )

كيف البعيدين قال اقراب

وبين الجماعه حصل تفريق

وثنتين صارن ثلاث اتراب

هذا الذي صار يا بطريق

**

ألغاز 9 / 2 / 1438هـ

#ألغاز_مفرج_السيد ( 4 )

انظر لأمك وأسمع لك

وامشي لأختك بلا تأخير

وامضغ لي الأكل من فضلك

الله يَقسِم لنا ويخير

**

ألغاز 9 / 2 / 1438هـ

#ألغاز_مفرج_السيد ( 5 )

لو يختلف في العدد إنسان

الفضل محسوب لاصحابه

والحارس اللي له الإحسان

نايم مع القوم في بابه

**

ألغاز 9 / 2 / 1438هـ

#ألغاز_مفرج_السيد ( 6 )

اخوانها اللي مضوا قدام

قامت بالاشعار ترثيهم

واولادها بنصرة الإسلام

بالحاح صارت توصيهم

**

ألغاز 9 / 2 / 1438هـ

#ألغاز_مفرج_السيد ( 7 )

ثلاثه رجال فيهم طول

والكل منهم قوي العود

أعمالهم يحملون حمول

وواحد كما الفار له مجهود

**

ألغاز 9 / 2 / 1438هـ

#ألغاز_مفرج_السيد ( 8 )

حَيْوان ياكل بذيله حق

ويشرب بذيله حسب ما قيل

له مثل غيره سنون وشدق

في جيل أول وهذا الجيل

**

ألغاز 9 / 2 / 1438هـ

#ألغاز_مفرج_السيد ( 9 )

تمخضت وانجبت ناقه

صخره على غير سابقها

في ذبحها ما لهم فاقه

وفي عقرها قام آبقها

**

ألغاز 9 / 2 / 1438هـ

#ألغاز_مفرج_السيد ( 10 )

عضبا وقصوا وسايل خير

للمصطفى سيد الأكوان

وش جنسهن من ذوات السير

في ذلك العهد والآوان

**

ألغاز 9 / 2 / 1438هـ

#ألغاز_مفرج_السيد ( 11 )

أصفر يوصلك نصف الماد

واحمر يكمل لك الرحله

ساعه مع النصف أو يزداد

ما هي لبيروت أو زحله

**

ألغاز 9 / 2 / 1438هـ

#ألغاز_مفرج_السيد ( 12 )

في وسط قبه من البلور

مثل القطو يخرج اشنابه

أكبر وسيلة تجيب النور

والنور يطلع من اجنابه

يقولون في القديم : " بسي في الطاقه وشواربه بره " ، وانا أقول ومنكم الحل

**

ألغاز 9 / 2 / 1438هـ

#ألغاز_مفرج_السيد ( 13 )

في نفسها تشتعل وتذوب

من شان تسعد حبايبها

تصبر صبر مثل صبر ايوب

والنار تحرق ذوايبها

يقولون في القديم : " هندي بدكانه ياكل بقصبانه " وأنا أقول ومنكم الحل :

**

ألغاز 9 / 2 / 1438هـ

#ألغاز_مفرج_السيد ( 14 )

الأربعة قسمت أقسام

وكل قسم فوق الجبل وحده

ولما دعا جوه باستسلام

مثل الذي عاد من لحده

**

ألغاز 9 / 2 / 1438هـ

#ألغاز_مفرج_السيد ( 15 )

الناس والكل في الأعمال

والحاكم ينام في المحراب

ذيك الصغيره سعت بالحال

خر الرجل وانكشف ما غاب

***