حييت يا سلمان

حييت يا سيدي سلمان=حيابك الشعب في دارك

تجري علاقات جنتلمان=والرب بالجهد لك بارك

كسرات 19 / 6 / 1438هـ

كسرات

خذ من عيون المها نبراس=وامشي على الدرب متعدي

لا ينكس الحب منَّك راس=وتقول للناس من قدي

**

سألت راعي هوى سابق=عن الهوى فيه وش عينت

قلي جرى الدمع متسابق=وجروح بالقلب ما ونيت

**

يا اللي تعصر ببيضة ديك=ويعدها الناس من بره

تبغى سواها ولا يمديك=والناس تقطع لك الجُره

**

عاشرت من بعد خلي خل=لكن ما طابت العشره

ذاك الذي عشرته من فل=عكس الذي عشرته قشره

**

ولع فتيل المحبه في=وراح عني وخلاني

من شاف لي حل واستشفي=من نار بالقلب تصلاني

**

العين شافت بنظرتها=والقلب لما تباكت حس

سالت على الخد عبرتها =ما حس بيه وقلي بس

**

أسأل عن اللي هرب مني=ولا قِدْر يرجع عليه يوم

ياكم مره سأل عني=واليوم يمنع سؤاله دوم

**

قضيت انا العمر مستني=حبيبي اللي عليه راح

سود الليالي ما نسني=هن عقبن لي أسى وجراح

**

أقولها مثل ضرب السوط=هي الحقيقة على لساني

كسبت أنا في المحبه شوط=وخسرت في شوطها الثاني

**

الحب تنين صلف أقشر=عقاربه جنب حَيَّاته

كم عامل المبتلى بالشر=عنتر غدا من ضحياته

**

أقول تفصيل مع موجز=أحبكم يا جماهيري

وافخر بأمثالكم واعتز=وانثر عليكم أزاهيري

**

يا خافقي كل ما تأمل=يأتيك عكس الذي ترجيه

تعمل وتبحث عن الأجمل=والوقت يأتي بسبع وجيه

**

خلك مجاهد مع الأكوان=يا تكون قاتل ويا مقتول

لو كنت ما تعرف الألوان=ما دام مشي الزمن مفتول

**

يا كم أعلنت عن ضيقي=لكن غني دوم باخلاقي

ما يحبس الفقر لي ريقي=أو يحني الراس إملاقي

**

قلي حبيبي ما عندك وصف=ليَّه ويوصف جمالاتي

رصفت كل المعاني رصف=وعجزت في كل حالاتي

**

سف التراب الذي بالأرض=أخف من مطلب الحاجه

لو كان سلفه ودين وقرض =لا صار للشخص بمواجه

**

نظرة وشافت بها صدري=ياليتها تعلم اللي فيه

حبيتها حب من بدري=لكن عنها الهوى مخفيه

**

أعرف قلوب الرجال رقاق=لو كان تظهر قساوتها

كلمة غزل والرجل ينساق=لو كان بالمر ساوتها

**

أفلام هندي أشاهدها=فيها المرح والحلا والذوق

يضغط بيده علي يدها=تعبير عن حبها والشوق

**

محضر بناتي وأولادي=ليله على الخير تجمعنا

إبليس عن ذاك في وادي=ولا فيه عذال تسمعنا

**

يا مسك يا فل يا كادي=يا اللي الهوى فيك وقعنا

يا ريم يا ظبية الوادي=ليت الهوى فيك يجمعنا

**

في عينها شفت كل الخوف=ظنت بأني أعاني شي

يكفيك مني النظر والشوف=يا اللي لقلبي وعيني ضي

**

اليوم صار العشا جبنه=مع الحلاوه وطيب الفال

ما كان لي قرش بالخبنه=حتى أدبر عشا الأطفال

**

من كهربه خمس مية وات=عيون بالنور شعت لي

غديت منها كما الأموات=حرام يا عين في قتلي

**

اطلع شويه وأنزل تحت=واراعي الباب باعياني

ما فيه لحظه وفيها ارتحت=من يوم فارقت بالعاني

**

في كل جمعه لنا جلسه=جلسه لطيفه مع الأحباب

تمضي أحاديثنا سلسه=لا ننم فيها ولا نغتاب

**

لما تحديت صادتني=بعيون فيها السحر معقود

ولما تعديت نادتني=واصبحت في حبها موعود

**

إعلان للمره الميه=أدرَى الصداقه واقدرها

وبأرض بحماه محميه=رجلي قسم ما أدودرها

**

فوق الذي فيه تتصور=أحبها حب ماله حد

القلب لا شافها نور=من عينها أو شعاع الخد

**

تناثر الدمع من عيني=لما رأيت الحبيب يصد

الله يجارني الذي بيني=وبينه سعى بالهزل والجد

**

قمري شذا شاقني بالصوت=واستأنس القلب بانشاده

لما رماني حبيبي أوت=بعد الغرام الذي شاده

**

جمعه تجي بعدها جمعه=والوقت يمضي على منوال

أحيان يعصر لنا الدمعه=وأحيان تحسن لنا الأحوال

**

يا حب فجر براكينك=واحرق قلوب الأوادم حرق

واحنا إلى الرب شاكينك=دعوه علت للسما كالبرق

**

آخر صلاتي ودعواتي=أدعي بها في ظلام الليل

لا جف دمعي بمراوتي=وارعى الجدي مع طلوع سهيل

**

يا وردهم نصبوك أمير=وقايد لكل الزهور اصبحت

وبجوقة العزف والتزمير =زفوك لما بعطرك فحت

**

شفت الهوى رايح المسجد=وقلت يا ربنا التوبه

ما ادري عزى توبته من جد=والا الرجل توبته نوبه

**

يا حب ما احلى زياراتك=لا جيت فيها السعد والقرب

وباسيف في الناس غاراتك=لا جيت تعلن عليهم حرب

**

يا زيد لك ذكريات كثار=أيام قلب البشر خالي

لما غبارك عُصَير يثار=ذكرى وما تغيب عن بالي

**

يالله يا رب سلحني=بايمانك اللي عليَّه أمْر

يصلح حياتي ويصلحني=ما عاد باقي بوقتي عمر

**

لا تطلب الود بالقوة=من شخص عن نهج ودك تاب

بيني وبين البعض هوه=من يوم طلعت لي كتاب

**

بيني وبينك فضا ممدود=وبحور باعماقها حاجز

والبر ما بيننا مسدود=باوصلك لكن أنا عاجز

**

حبايبي يا محبيني=اللي اصبحوا خارجين البيت

قدام كانت تلبيني=وان كان نادت أنا لبيت

**

الحب لهل الهوى حاكم=ما يحكمونه بفرد وجمع

لا حل والجو متراكم=مثل السحابه يهل الدمع

**

لا يا طيور السما طيري=روحي على ديرة المحبوب

في جو يحمل أعاطيري=من قلب زهره شذاه يذوب

**

يا حب خذ لك عَهَد ولزام=لو جبت لي بس مطلوبي

واعمل معك في الخبيتي زام=وتجيب لي اليوم محبوبي

**

على لحون القماري سرب=والشعر تشعل قناديله

قلت القوافي لبعضها ترب=والشعر تكثر رجاجيله

**

في الواسطة كان يا ما كان=ابن نقيمش وعرجاني

أما بدر ماسك الأركان=داود جنب الزليباني

**

إسرح بقطعة حلالك واضو=يظلملك الليل والا ضاء

واذا اشتكى عند مسلم عضو=له تشتكي ساير الأعضاء

**

يقولها صدق ابو خالد=بالصبح من قبل يصحى الطير

يا حرب مبروك للوالد=والمسلمين امرهم في خير 

عام الثمانين في عشق الأهلي

تهنئة للدكتور يوسف عبد العزيز الرديني

كسرة وردها

صرحة الزور ( قصيدة شعبية ) - القاء وشعر مفرج السيد

كسرات 6 - 6 - 1438هـ

كسرات

لا تطلب الود بالقوه=من شخص عن نهج ودك تاب

بيني وبين البعض هوه=من يوم طلعت لي كتاب

**

أعطيتها الحب واعطتني=كل الذي في الهوى أبغاه

لكنها يوم قطتني=آه الهوى آه ما أطغاه

**

أعلى طموحي غرام الزين=ولما وصلته طمحت اكثر

وصار عندي معاه اثنين=والورد في جانبي يُنثر

**

لك حب في داخلي مكنون=ما حد عرف منزله وافشاه

غير الذي قال كاف ونون=لما خلق حبنا وانشاه

**

جاني الهوى يعتذر من بعد=فارق حياتي مدى معلوم

لما وعدني واخلف وعد=ويقول بعد المدى لا تلوم

**

بين المعازيم محبوبي=فنان كل العرب به قال

وانا مغني بها دوبي=وبآخر الأغنيه موال

**

على جناح الهوى طرنا=حتى وصلنا عنان الجو

نحكي خلاصة مشاعرنا=حديث فيه المحبه تو

**

يوم الوطن في مشاعرنا=غالي ويوم الأمومه دوم

قال الشعر قال شاعرنا=ما للشعر كالأمومه يوم

**

الحب بين البشر واجب=مطلوب مثل الأكل والشرب

وإذا التقى الطرف بالحاجب =بين البشر طاب وقت القرب

**

أسمر خطر قالها المداح=واليوم انا اقولها ثاني

اللي كما البلبل الصداح=لما شدا الصوت واشجاني

**

إن كان لك في الهوى رغبة=اصبر ولا تعيش في الأحزان

اصل الهوى مدته حقبه=وقت الشباب الذي لك زان

**

كان الهوى لي قصير وجار=يمشي معي يوم ما أمشي

ولما شرى وده التجار=ما شاهده في الهوى رمشي

**

سمره ولكنها حلوه=حسب الذي قال واصفها

أنا اشهد ان الهوى بلوه=ورياح تجرف عواصفها

**

يا حب لك عندنا معروف=ما بيننا تجمع العشره

ايام فيها علي تروف=واحنا سوى في الهوى خشره

**

فزعه من الحب يا ربعي=اللي بشره تبلواني

في أول الصيف ربع بي=وفي آخر الصيف شتاني

**

الحب لما يغازلني=أقابله بالغزل مدبول

واليوم عازل وعازلني=ما بيننا بالغرام قبول

**

سافر بي الحب من لندن=حتى نزل بي على باريس

وإن ضاق لي خاطري دندن=حتى كأني معه عَرِّيس

**

قالت الفاغيه بانفحك=يا زين من زهرة غصوني

ومالي غرض فيك لو يذبحك=أما أنا بس يِقْصُوني

**

أروح لكن ما أبعد=عن ساحة الحب مهما كان

حتى ولو فاتني الموعد=ما زلت له ماسك الأركان

**

خلاص يا حب شطبنا=وما عاد بالحب طمعانين

لجل الهوى يوم خاطبنا=بالطف من قبل عشر سنين

**

لو الهوى رجل كنت ارميه=واخلي الحظ في حاله

شوفوا فوئدي معه مدميه=من يوم ما كان ترحاله

**

صورة قديمة من الإرشيف=وابني محمد منزلها

منظر لبعض العرب ما شيف=لعل الأصحاب تقبلها

**

صاحب وغالي من الأصحاب=اللي فقدناه من أيام

حسين روح لذاك الباب=يا رب له بالنعيم لْيام

**

يا حب كسرت مجدافي=والزورق اللي ملكته تاه

كم نمت في حضنك الدافي=ما أعرف الصيف والا شْتاه

**

تزوج الحظ بالصدفه=مولودهم كان كل البخت

اللي حذفني معه حذفه=ودار بي دور حتى دخت

**

يا حب مهما فعلت ونلت=ابقى معك مرتفع خشمي

ولو كنت نشمي مثل ما قلت=أنا معك في الهوى نشمي

**

صباحك الورد والياسْمين=والفل والفاغية والنور

طلتك فيها لنا تطمين=وراحه وفرحة عمر وسرور

**

من مجلس الحب شيلوني=ما عاد ليه معاه حوار

أبغى التقاعد وحيلوني=يمكن أزوره مع الزوار

**

الحب يا ناس ما له حد=يبلى به الشب والشايب

والجاهل اللي سميح الخد=ماني عن مشاهده تايب

**

يا بنت الاجواد شوفيهم=في الحب نشمي ونشميه

يا ما ضربنا المثل فيهم=والكل ميه على ميه

**

شربت انا الحب بالقرطوع=وبالكاس والناس مجتمعه

واليوم صار الهوى مقطوع=ما هل لي لو كما الدمعه

**

يا حب يا مدوخ العربان=حتى الخواجات دوخهم

شيبان والا من الشبان=مثل البعارين نوخهم

**

البرد ضارب علينا حصار=حسب المدى في مراصدنا

يارب نصبر على ما صار=لو كان له ما تعودنا

**

كل ما تخارجت من صكات=يبلاني الوقت من ثاني

يا رب تجعل لي الفكات=من وقتي اللي تبلواني

**

من عهد ماضي لنا باقي=ذكرى تعيد الزمان الزين

ما كان قلبي بها شاقي=ولا كان تشقى بها العينين

***