كسرات في كسرات لمفرج السيد
يا
للاسف بعض إحسانك=يرجع حسافه عليك وغبن
تأسف
على رقة لسانك=مع شخص عندك كأنه إبن
**
يا
وارد العود والمقفاه=لا تهمل الكثل من بالك
هذا
الشهر والذي يقفاه=جِعْل السَّعَد دوم من فالك
**
سألت
أنا صاحبي مرزوق=اللي معي دوم بالحاره
فطورهم
قال لي مرقوق=ونعطي الجار والجاره
**
سألت
عمي أبويه مين=في الخلق قلي كريم الطبع
واقسمت
بالله ألف يمين=أصير مجرى لذاك النبع
**
من
ذكريات الصيام اللي=مرت علينا بذاك الوقت
النور
بالليل متجلي=أيام ياما عليها اشتقت
**
ألقت
تحيه وقالت هاي=والروح قامت وحيتها
طعمك
حلاوه وصوتك ناي=يا اللي أتتني تحيتها
**
عايش
حياتي بطول وعرض=واسألك يا رب تغفر لي
يا
من خلقت السما والأرض=يذوب في عزتك ذلي
**
ذكرى
لغزوة بدر باكر=فيها أتت نصرة الإسلام
رسول
رب البشر ذاكر=واصحابه اللي هم الأعلام
**
منا
التهاني لابن سلمان=محمد اصبح ولي العهد
والا
ابْن نايف مع الأزمان=قَدَّم قصارى العمل والجهد
**
في
الصوم دايم لنا ميعاد=مع الأجر والرضا والخير
يا
رب ليت الصيام يعاد=ويعود من أولات السير
***
كسرات العيد 1438هـ
يا احبابنا في
جميع الكون=بالعيد جينا نهنيكم
ربي لكم في
شَهَرْنا عون=ويحقق الله أمانيكم
**
يا عيد فرحت
كل الناس=وانا معك غابت افراحي
لكن باظهر لك
الإيناس=واخفي معك سابق اجراحي
**
العصبه اللي
مع الشيطان=تْحارب الرب وضيوفه
وتحارب الدين
والأوطان=والله لهم دوم بسيوفه
**
كنا ولا نغير
الأطباع=أرواحنا للوطن تفدى
والشعر يا
اخوان ما ينباع=لكن لجل الوطن يهدى
**
كسرة
الصوم روَّح
وراح العيد
وايامنا اليوم
عاديه
يا رب ذيك
الليالي تعيد
نسعد بها في
السعوديه
**
كسرات 20/ 10 / 1438هـ
جني
تعلق بجنيه=وابعد بها عن عيون الخلق
مثل
البشر فيه حنيه=وبالشعر أصبح لسانه طلق
**
قالت
لي القافيه ملكك=واللفظ جاني مع المعنى
قالوا
معك دوم في فلكك=وابحر بنا ان شيت أو دعنا
**
دايم
جوابه يقلي نو=لا جيت اقدم مطاليبي
واقول
له يس لما هو=يطلبني الروح من طيبي
**
يا
مطلع في الهوى قلي=اللي ابتلى بالغرام ومات
يعفى
الخصم عفو بالكلي=والا يحاكم على ما فات
***
كسرات 24 / 10 / 1438هـ
باعوا
وبعنا وتم البيع=وماني على البيع متأسف
ما
فيه مكسب ولا له ريع=كله خسارات ومكسف
**
بعت
الهوى واشتريت اليوم=بالحب للبال راحاته
حتى
عيوني هناها النوم=والقلب ضمَّد جراحاته
**
نظره
وفيها دلع واعجاب=ونظره وفيها رضى مكنون
طرفي
سأل قام طرفه جاب=حديث ما بين نون ونون
**
كسرة 26 / 10 / 1438هـ
خرجت
للخبت متسلي=من ذكرياتي عجزت ارتاح
ذكرت
مَن كان لي خلي=اللي لباب الهنا مفتاح
**
كسرات 27/10/1438هـ
دايم
أعبر بأشعاري=عن مشكلات الحياه بصدق
مستور
شعري ما هو عاري=ولا يهمني كل فتح شدق
**
لا
قلت كسره من الكسرات=ينقز لها ألف متلقف
فيها
الهنا أو بها الحسرات=وامشي على طول ما اوقف
****
كسرات 5/11/1438هـ
ناديت
يا بنت هاتي الإسم=قالت لمن يفهمه معروف
حرفين
توجد بأول رسم=مع عشر في عشر خمس حروف
**
زمان
وانا بموقف صعب=وكل يوم تكثر صعوباته
وابات
واصحى وانا في رعب=ويا كم من ليل ما اباته
**
كسرات 9/11/1438هـ
حبايبي
يوم ما اطريهم=احس نيران في قلبي
راحوا
وفي حفظ باريهم=وفراق الاحباب خبْل بي
**
عامين
والعام هذا يهل=وانا دموعي على اوجاني
يا
سيّدي كيف هذا يحل=حتى خبر منك ما جاني
**
تسلطن
البيه واسقاني=شربه وما هو بها مسبوق
وان
عشت والرب بقَّاني=أردها طاق بالمطبوق
**
تْحبني
قلت فوق الحب=لو كان يوجد هنالك وصف
نار
الهوى منك لما تْشب=تعصف بساير حياتي عطف
**
انام
مرت وباقي ايام=سعادتي من سعادتكم
وربي
يتمم لنا بليام=واشوفكم مثل عادتكم
***
كسرات 12 / 11 / 1438هـ
يا
سابحات النجوم اللي=معكن قمركن تشوفنه
وأنا
معي مبتعد خلي=اللي سباني هوى فنه
**
لي
عين دايم وهي غبره=وكل طاري يعذبها
ومن
الهوى هلت العبره=ويزيد دايم تذبذبها
**
كثر
المطر وانتشار السيل=أودكم يا موديني
واسهر
معاكم طوال الليل=والصبح شوقي يوديني
**
رفعت
للطيبين عقال=اللي غمرني تواضعهم
أما
الذي قال في ما قال=في وضعهم كنت واضعهم
**
رسالتي
عبري عني=عند الحبايب بأشواقي
كل
خاطره صادره مني=أشواق تصدر من اعماقي
**
كل
ما انفتح باب سدوا باب=بيبانه الحب مسدوده
عواذلي
ولف للأحباب=وأعصابهم دوم مشدوده
**
جني
النخل باولات الصيف=وفي آخره جد مع تخزين
أيام
لما نطب الخيف=نلقى النخل بالجَمال يزين
****
كسرات 17 / 11 / 1438هـ
افرش شوارعك ورد وفل=يا بدر وارسل زغاريدك
لما علينا الحبايب تهل=في عيد ثاني مثل عيدك
**
كسرات 19/12/1438هـ
رتبتك في الحب قلي ويش
قلت اللوا هم ينادوني
هزمت من عاذليني جيش
واصبحت والحب ما دوني
**
حبيتها من صميم القلب
واعطيتها كل ما تبغيه
وعضت يديني سوات الكلب
اللي يعوِّد على راعيه
**
توجه العمر يم الغرب
وشمس السما هرَّفت لمغيب
ودروب طالت وقصرت درب
وشاب الذي في الهوى ما يشيب
***
**
لا
تتبع الظالم الجاني=اللي معك صحبته طوَّل
واصبحت
في ديرتك ثاني=ما انته على حكمها أول
***
كسرات 2/1/1439هـ
رباعيات
البارحه زادت افراحي=وارتاح قلبي همي زال
شربت من راحته راحي=أرق وأصفى من السلسال
سكرت وانا معه صاحي=في ليل فيه المصافي طال
ليل اورقت فيه أدواحي=هفهف نسيمه وغصنه مال
شعر : مفرج السيد
**
رباعة
للوطن
حب
الوطن للمواطن تاج=ووشاح فوق الصدر ووسام
ليله
كما ليلة المعراج=اللي تشرف بها الإسلام
زوار
طيبه مع الحجاج=تدعي لسلمان ملكه دام
والشعب
ذا من جميع فْجاج=لك يا طويل العمر خدام
***
كسرات 3 / 1 / 1438هـ
يقول شاعر الكسرة
القديم :
عديت
الاصحاب ولياهم=مليون واحد وست آلاف
قَدَّر
زماني وصفَّاهم=صفي لي واحد على مهياف
ويقول مفرج
السيد :
أصحابي
اللي اترجاهم=وقت الرخا يبلغون الألف
لكن
لمَّا الطلب جاهم=تفرقوا من أمام وخلف
**
يا
للعجب من بعَض أجناس=من كل حسَّاد أو فاشل
إذا
نجح غيرهم من ناس=كنه من جيوبهم ناشل
**
كذاب
من قال إن الحب=يموت من بعد فرقاهم
أحلف
قسم من جلال الرب=يحيا إلى يوم يلقاهم
***
كسرات 4 / 1 / 1438هـ
نهوى
الملك والوطن والدين=مله ومسكن ووالدنا
والوقت
داين وفيه مدين=ونورث الحب تالدنا
**
عام
الوطن ما يكفِّي يوم=والا شهَر لو معاه اسبوع
الغالي
اللي دوام الدوم=حبه على قلوبنا مطبوع
**
في
آخر الليل ناجاني=وبيَّح بسده وانا صامت
من
بعدها النوم ما جاني=لمَّا أنا أصغيت للشامت
***
كسرات 10/1/1439هـ
ما
دام عندي بجيبي فلوس=وحبيبي ما يفارقني
ما
اريد عِشره ورجة روس=من شخص بالحب يحرقني
**
كتبت
في الحب انا سطرين=وقلت اجعلوها على قبري
ترى
الهوى والهجر خطرني=وقضديت لما انتهى صبري
**
يا
بايع الحب عطنا له=مرهم يداوي جراحاته
قالوا
لنا الناس من أهله=طبع الهوى قِل راحاته
**
غايب
عن الحب ليَّه حول=واليوم عايد لساحاته
ومن
الظبا قابلني جول=قدام لا اغطس بباحاته
**
بعت
الهوى من زمان العام=أو باعني مثل ما حبيت
اللي
حرمني من الإطعام=والشري من يوم ما طبيت
**
الشمس
تشرق وتمسي غرب=تقطع مدى في مسافتها
وكل
يوم تقطع هذيك الدرب=وعيون ما قط شافتها
**
في
آخر الليل فاجاني=وبيَّحبسده وانا صامت
ومن
بعدهاالنوم ما جاني=لما أنا اصغيت للشامت
***
كسرات 12/1/1438هـ
كسرة
قديمة
تنورتك
لون عوديه=وبلوزتك شكلها أشكال
وصفك
كأنك سعوديه=حتى لهم تعملين انكال
**
شعرك
كأنه سنابل قمح=يزهى على عاج أمتانك
ورمشك
كأنه قذيفة رمح=غطي متونك بفستانك
**
عاشق
أنا للوطن من يوم=ما كنت في يد أمي طفل
واليوم
والشيب فيه كوم=أقمت له من قصيدي حفل
**
أنصحك
لا تحب لا تعشق=إن كان عندك حصانه فيه
ولما
بسهم الهوى ترشق=أقول انا ربنا يشفيه
**
يحيى
عمر قالها قدام=الحب ما هو عطر ونقوش
الحب
له فن يا مقدام=يطلع براسك سطر وتشوش
**
عايش على ذكريات الأمس=مثل القمر آخر ايامه
كانت حياتي سوات الشمس=بمفارق الود وليامه
***
كسرات 14/1/1439هـ
ماني عن الحب متمنع=هو الذي سابني من عام
قعدت ساكت ومستقنع=أخذت حظي منه قدام
**
واقلبي اللي كما العصفور=في يد أطفال به يلهون
كل ما دنوا منه زاد نفور=ما احد تعامل معه بالهون
**
لو الهوى يشترى بفلوس=كنا شرينا منه حصه
وفي كل وقفه وكل جلوس=تلقى لنا في الهوى قصه
**
بيني وبين المحبه ود=لكنها احيان تغدربي
لا جيت عن دربها با الد=ترمي العراقيل في دربي
**
هيا البسيني أنا شاعر=وانا البس الشكل والمضمون
والشعر يخضع لنا صاغر=واذا أمرناه كون يكون
**
حصانتي في المحبه درع=سيف الهوى قطعه تقطيع
غديت بْيديه مثل الورع=ماشي معه في الهوى ومطيع
**
الحب له ناب مثل السبع=يترك على صيدته آثار
مصايده من بشر بالطبع=كأن له عند ابوهم ثار
***
كسرات 16/1/1439هـ
تحاكم الظلم والإنصاف=والحب هو كان قاضيهم
قال الذي كامل الأوصاف=له حكم من عهد ماضيهم
**
بيني وبين المحبه عهد=أيام كنا تعارفنا
أيام كان الهوى في المهد=فارق سوانا وشرفنا
**
هويت انا الحب من صغري
وخربشت حبي على الجدران
أيام كان الهوى يغري
بعيونه اللي كما الغدران
**
خنجر قتال الهوى يقطع=أعناق من هم قرابينه
والنار بقلوبهم تسطع=والله يرحم مصابينه
**
أتخن شنب ما طمع فيها=لكن ربك سخَرها لي
ظليت مده موافيها=وفارقتها يا بعد أهلي
**
اللي يخون الوطن غادر=عن شرعة المسلمين انشق
ويروح بالذل ويغادر=والا يلاقي قصاص الحق
**
يا ناس إبليس يغوي ناس=يعمي لهم في بصايرهم
ويا كم غيره لهم خناس=يحرف لهم في مصايرهم
**
يا ناس قوموا بشكر الله=وادعو لسلمان ومحمد
احنا بنعمه وعز وجاه=والغير مجروح ومضمد
**
صابت فؤادي سحابة ود=وامطر حياها
هنا وسرور
الجاهل اللي سميح الخد=ما هو كما قيل لي مغرور
**
هويت حتى هوايه مل=مني وانا من هوى مليت
واليوم لما شبابي زل=أقول يا ليتني يا ليت
**
تلفع الليل جلبابه=وما باقي الا النجوم تلوح
واللي معه فارق احبابه=مسكين جوف الظلام ينوح
**
رجْع الصدى ذكريات تعود=تشعل لظى في شراييني
أيام كان الزمان سعود=والحظ دايم يباريني
**
فتشت انا صفحة اوراقي=لقيت عمري عليَّه ضاع
قضيت عمري وانا راقي=لكن ما صحت الأوضاع
**
كسرات 17/1/1439هـ
صيد الرخم من طبايع ناس=مثل الذي قيل في القصه
وكم بنت بالمزح والإيناس=تضحك على صفوف مرتصه
**
واعد واخلف مواعيده=وانا بحسب المواعد جيت
وحلفت لو طار لا اصيده=ويا اللي تحدى معي حييت
**
حققت انا غايه المأمول=في طول الايام ليَّالي
واللي أخذته من المجمول=يبقى معي ورث لعيالي
**
يقولها نزار قباني=اللي الهوى كان في شرعه
الحب في الأرض رباني=لو ما وجدناه نخترعه
**
سلمان حييت يا غالي
يا مرحبا قال كل الشعب
كل الوطن رد بالعالي
اليوم أصبح فراقك صعب
**
ضحكت والوقت عاقبني=بالحبس ما بين إنس وجن
ومن بعدها قام راقبني=بالعيد ما يبتسم لي سن
**
هدنه جرت بين قلب وعين=ما يخرج الكل عن حده
لو ثبتوا بينهم ضلعين=ما تحجز الكل وترده
**
أقضي مجاعة حياتي ليل=نهارها في جفاف الروح
وانا من اول عقيد الخيل=احمل لواها واجي واروح
**
حتى النهاله شربت الكاس=ولا قل في الحب مشروبي
حتى وشيبي غزا للراس=ما فارق العين محبوبي
**
كأس المحبه شربته دوم=ومعطره بالهنا كاسي
لكنه اليوم غير اليوم=ولا ينحني بالهوى راسي
**
سهرني الليل لين اصبح=وانا على جانحه محمول
أثر الهوى للرجل يذبح=إن كان ما حقق المأمول
***
كسرة قديمة
كيف التقي حل للمشكل=يحكم على ظاهري وخافيه
لما الهوى قال يا إنكل=وانا من اول مؤمل فيه
***
منوعات 19/1/1439هـ
كسرات
العين لا علقت بالود=يصبح لها من طبايعها
في كل ساعه تراها تلد=مثل الذي تْدُور ضايعها
**
إشرب علل من مناهل بيح=ما هو نزر مورده ضحضاح
بالعين ما ينفع التشبيح=دام الهوى منبعه وضاح
**
العين لا فارقت غالي=تسهر وينهل مدمعها
ولا تعوِّض اللي مضى تالي=لو جاتها الناس باجمعها
**
رضوى الذي يذكرونه لو=ما صابنا في
الهوى صابه
وطويق ذاك الذي بالجو=يحطم الحب أعصابه
**
والله ما يردني عنهم=لو يوثقون القدم باغلال
اللي سبب علتي منهم=ولو كنت محجوز بالأدغال
**
اللي سأل قال يا روحي=كيف انت يوم الهوى جذاب
ولمَّا نظر نازف جروحي=من رقته في يديني ذاب
**
السندباد الذي بحري=واللي البَحَر من هواياته
اليوم في القيل ما يحري=واصبح يردد رواياته
**
يا جارة الوادْ يا زحله=جالك رجل في السفر ما يهاب
شوقي عزم يمِّك الرحله=ويرافقه في السفر وَهَّاب
**
هارون أثث مقاصيره=فيها الجواري عدد والوان
وبحكم ما عِدْ تقصيره=يوم الحضارة غدت عنوان
**
من بعد ذكراك يا هرون=مده ويصفى بَعَدها العيش
لما الحكم صار للمأمون=يوم ابْن طاهر يقود الجيش
***
كل الطرق قام قافلها=والباب مغلق مع الشباك
واعلى المنافذ وسافلها=وبالعين من بعدها خباك
**
قلي صديقي أنا صاحبك= ياما لنا شان في الماضي
قلت الزمن دام هو ساحبك=روحت وانا ماني راضي
**
نزعت الافراح من قلبي=يا وقت واصبحت انا محزون
والآن عايش على غلبي=مدامعي نازلات مزون
**
قنابل الصدر محجوبه=لكن تبغى تشق الثوب
وسنابل الشعر اعجوبه=والشهد فوق الشفايف ذوب
**
تتابعت ذكريات الأمس=والذاكرة تحفظ التسجيل
طلعت وغابت عليها الشمس=والجيل روح وجانا جيل
**
لما تناولت ذاك الكرت=وطالعت بالعين مكتوبه
دارت بي الأرض وانا درت=إسم الذي كنت محبوبه
**
مستكفيه خيرها والشر=عاشق مع الحب وقعها
صارت إذا مرها واشر=احد تلوح ببرقعها
**
طبيت بحر الهوى وحدي=لقيت وسط البحر أخوات
حطيت من بعضهن لحدي=وانا كأني من الأموات
**
ما دمت شاعر وعندي احساس=ولي قلب يعشق وعين تحب
لجل ايش ما اطبقه من ساس=واقول للي يجي أرحب
**
في العمر انا شخص متقاعد=وفي الحب قالوا علي انساه
مفتي الهوى قال للواعد=شايب ونظرتك له مأساه
***
منوعات 20/1/1439هـ
كسرات
يامن سكن بالرضا قلبي=ولما تمكن غصبني فيه
في كل الاوقات يلعب بي=يجرح فؤدي ولا يشفيه
**
أحمد عطا رايد الكسره=اللي بها وثق التاريخ
يوم المراقي لها عسره=حتى بها عانق المريخ
**
لما همومي تضايقني=يارب ويتضيق بي الأرض
يجي بي القلب سايقني=عندك كأني نهار العرض
**
لا شعشعت للنهار شموس=والليل لا دكدك الإظلام
وانا على نارها محموس=واقول يارب يا علام
**
من يوم عمري ثمان سنين=وانا مع الحب متعامل
ياما معايه مشى باللين=وكم سلسل الدمع متهامل
**
دمعه بها تغسل الخدين=وتريح القلب من ناره
لا جات كالسيف ابو حدين=نظره وسدد بها عياره
**
حيران تاهت بي افكاري=في اللي جرى لي وما لي صار
نفيت انا الأمر بانكاري=لكن في داخلي إعصار
**
حاولت قد الجهد أبعد=عن الهوى واتقي شره
لكن لا لاح لي أرعد=واعود واصبر على مره
**
فاتك قطار الزمن يا قلب=من يوم شاب الشعر بدري
خلك لذكر الحقيقه صلب=اللي عليها كتم صدري
**
من عاصفات الرياح الهوج=ياليت ليه مراكب شيل
وازور ابو الحاجب المدعوج=اللي شغلني نهار وليل
***
كسرات
ناورت الايام لكني=تعبت بمناور الأيام
في نابهن يوم لاكني=كني بناب الزمان اطعام
**
أحوال شتى تحاصرني=واعمل بها طاقي والجهد
وقل الجدا أمر هاصرني=وبالقلب سوى لقلبي لَهْد
**
أُخرج عن الحب لو اسبوع=واعزف على لحن ماضينا
أيام كنا سوا وربوع=معروف عنا تراضِينا
**
يقول درويش ابو دحيمد=ياليتني يوم اشد البر
واحد قِدُو عند بيتي يمد=مِيَّة متر أو مداه اكبر
**
أحيان تعمل جميل وزين=يجيك عكس الذي تعمل
وتقول للي جرى طزين=وتعمل على مثلها واجمل
***
كسرة 22/1/1439هـ
عبد الرحيم الذي شيد =للقيل برجين معها صرح
وكل شاعر بها مقيد=إسمه وتحته وضع له شرح
**
كسرة قديمة
باقي نهارين والجمعه=من بعدها للسفر ناوين
ولا يا قمر هلت الدمعه=كيف البصر والفراق سنين
***
كسرات
ذكرى كريمه من
الأمجاد=عز وسعد في جبين الوقت
عن غزوة النصر
والأنجاد=حدث وانا للحديث اشتقت
**
يا ذكريات الزمان
الزين=عودي وعيدي لنا ذكراك
حتى نرى بالفكر
والعين=كأننا في زمانك ذاك
**
روح وصار الزمن
يجري=وشارف على موعد التوديع
وأدعوك ضاعف معي
أجري=يا رب وانا سميع مطيع
**
بعد الفرح زادت
افراحه=الصوم ودع وهل العيد
من ودعه تكثر
اجراحه=عساه يرجع لنا ويعيد
**
هذه الكسرة تصوير
لقصة تحكى
خلص على الفول قبل
العيش=وخلص علي العيش قبل الفول
قله تروح مصر لجل
ايش=قله على الأكل مالي قبول
**
شمعه ولمبه مع
الفانوس=واتريك في عهدنا الماضي
واليوم كل الوطن
مأنوس=بالكهربه نورها ياضي
**
سكرت انا باب ذاك
الحب=وحطيت للحب ترباسين
واحمدك واشكرك انا
يارب=جنبتني في الهوى باسين
**
الحب في عهدنا
الراهن=ما هو كما سابقه قدام
إن دام لك فالهوى
واهن=واذا حصل لك هوى ما دام
**
واحد شرى له جمل
واقف=وشاف ثاني برك بالأرض
ولصاحبه قال
متلاقف=قم غلفه لي بطول وعرض
**
الخير والأمن
شاملنا=راحت ليالي تعد شحاح
بس البلا من
تعاملنا=وقلوبنا اليوم غير صحاح
****
منوعات 7/2/1439هـ
كسرات
من عاديات الجبال
اقسى=قلب الذي صابني حبه
لما له اعلنت قال
انسى=ما اخاف في دمعتي ربه
**
لما عليه حكم له
طعت=وقدمت له كل مطلوبه
عمري معه ما شريت
وبعت=اللي معي راقي اسلوبه
***
كسرات
أحبها حب انا ما
زلت=لو يقسمونه على الأكوان
واعداد يا رب ما
نزلت=من حب بالوصف والألوان
**
الحب وانا بدينا
القذع=في معركه غير منصوره
قام وضربني بقطعة
جذع=وانا ضربته بماصوره
**
الحب أول وآخر
كذب=تلقاه من صنع مفلسنا
ونزينه بالكلام
العذب=ونردده في مجالسنا
**
قامت تِخَزْرِي
بذيك العين=وان سلهمت تقتل اللي يشوف
لو بيننا في الهوى ضلعين=تهدهم
هد بالمكشوف
**
ما عاد لي بالهوى
قدره=ولا عاد لي باحتمال الود
قدام كان الهوى
ندره=واليوم لالكثر ماله حد
**
يا مدعي في الهوى
وتقول=في الحب عندي وما عندي
وفي الصبح تنفض طبق
من فول=وفي الظهرتنسف صحن مندي
***
كسرات 10/2/1439هـ
ما دام راسك على
صدري=توكلي بالولي نامي
شوفي الهوا هب من
حدري=ينعش زهر غصنك النامي
**
بملاوع البعد
والتقريب=قلبي معك يا غصين البان
من جانبي ما يجي
تخريب=في اللي خفي والذي لك بان
**
كسرات
العيد بعد الصيام
اقبل=طالع على الناس بانواره
والصوم ثوب الوداع
أسبل=تكمل مع الناس مشواره
**
ما ادري عن السر في
العوده=وما ادري عن السر في المرواح
واحد لنا عودته
سوده=واللي وفي طب للأراوح
**
أبا اسأل صغار والا
كبار=سؤال ياكثر ترديده
كنت آتنشق له
الأخبار=واليوم عندي ولا اريده
**
كرهت انا الحب حتى
اسمه=لا صار فيه الطلب بالحاح
رامي عليَّه ثقل
جسمه=وانا معه في عنا وكفاح
**
قمري على الغصن لي
غرد=كأنه البلبل الشادي
قام القماري معه
بالرد=وحتى امتلا الصوت بالوادي
**
أعمى يقوده رجل
مقعد=محمول منه على الأكتاف
على الظهر صار له
مقعد=كأن رجله عليها كتاف
**
منوعات الأربعاء 12/2/1439هـ
كسرات
تزاحم الحب في
قلبي=والقلب ما يعرف التصريف
جاني يْترجى ويفزع
بي=قلّي يحبون شاعر ريف
**
مدامعي والعيون اولاف=وانا بليل العنا معهم
قلِّي عسى ما عليك
خْلاف=اللي مسبب مدامعهم
**
ست الحبايب بأجمعهم=من
مثلها في جميع الكون
أمي وابويه وانا
معهم=حياتنا في زمنهم لون
**
فكر قبل ما تسوي
شي=ترى عمايلك محسوبه
اليوم محسوب واحد
حي=وباكر توسد لك الطوبه
**
حياتنا كل ابوها
حب=أو هكذا ندعي ونقول
صلِّح لنا حالنا يا
رب=حتى نعوِّد على المعقول
**
ريع الحجون الذي
شفناه=يوم الدراسه لأول عمر
والبيت ذاك الذي
طفناه=كان السعي فيه آخر أمر
**
العين لا هل
ماطرها=تسقي ظما الخبت والوادي
لا سيلت في
قناطرها=الدمع من طرفها زادي
**
طرفي سهر والدموع
تهل=وانا على شر حالاتي
جسمي على شرح حالي
يدل=من شافني كل ليلاتي
**
شاهدت قصة فلم
هندي=تعرض على لوحة الشاشات
كتبت حرفين من
عندي=مبروك للبيه والباشات
***
كسرات 12/2/1439هـ
لي
طبع معتاد من صغري=صادق ووافي مع الخلان
ماشي
مع اهل الهوى دغري=من سابق الوقت حتى الآن
**
لما
نطب النخل قدام=نسمع بوسط النخل ضجه
حافين
نمشي على الأقدام=والطير له بيننا لجه
**
أكثر
كلامي عن الماضي=اللي بلغت الثريا فيه
واليوم
بالغصب انا راضي=يجفيني الحب قبل اجفيه
***
كسرات 14/02/1439هـ
لا
تحسب اني إذا قفيت=واعطيتني عرض أكتافك
أنوار
قلبي لها طفيت=أنساك واعيش بخلافك
**
أنهى
اتصاله وقال باي باي=قدام ننهي لمدتنا
واذا
اختلفنا بواحد راي=ما نختلف في مودتنا
**
من
بعد مدة زمن ودع=وقال يا صاحبي آسف
اللي
دماغي معه صدع=وانا بقيدي معه راسف
**
ذكرى
بها مالنا مصلوح=من ذكريات الزمن سابق
واليوم
صارت علينا تلوح=ما عاد فيها عطر عابق
**
كسرات 15/2/1439هـ
إن
كان تبقى احترام الناس=قبل احترم معهم اخلاقك
تثني
على فعلك الأجناس=لو شافوا الفقر واملاقك
**
فتحت
عيني على فتره=فيها الوفا والصفا والحب
قطعه
من القلب منبتره=الأم فيها وفيها الأب
**
كأنني
سندباد اللي=سافر إلى جُزر واق الواق
حام
المحيطات بالكلي=كل ما رجع شدته أشواق
**
جردت
نفسي من الأهداف=وحطيت نفسي صديق الكل
واخذت
اجدِّف بذا المجداف=حتى اصبح الكل لِيَّه خل
**
قادم
لكم راكب حصاني=في الشعر قايد من القواد
أزيِّن
الشعر باغصاني=كني محمد حسن عود
ملاحظة
: محمد حسن عواد من كبار الشعراء السعوديين المعاصرين في حركة الشعر الحديث
**
كسرات
دفعت
انا للمحبه مهر=زهرة شبابي وأيامي
واليوممنها
أعاني القهر=ما تحتفل يوم بليامي
**
ما
عاد في دارنا بدوان=حتى الذي في مناشرهم
واصحاب
ما هم لنا عدوان=وياطيبهم في معاشرهم
**
كسرات
تبغون
اقول الحقيقه بس=اللي عن الناس مخفيها
أقولها
ما عليكم دس=هي جنتي كنت انا فيها
**
الحظ
في اليانصيب يدوم=والا يجي بضربة الترجيح
أما
العمل شفل بالقدُّوم=حتى العرق من جسدك يسيح
**
مثل
العسل عاقبه واحلى=هذا الصبر يوم يطرونه
توفيق
من ربنا الأعلى=ما هو من السوق يشرونه
**
يا
وقت لو كنت في إيدي=أحفظ للزين بكشوفك
الله
يحييك يا سيدي=ياما اصعب اليوم ما نشوفك
**
سمعت
صوت القميريه=اللي تغني على الأغصان
ما
هي من السوق مشريه=لكنها بالغلا تنصان
***
كسرات
هدهد
غرامي ذكر لي شي=عن أرض تحكم عليها بنت
وقلي
سليمان لو هو حي=ما تقول له كنت والا كنت
**
أسعى
وكرر عليه الطوف=واسعى ورد السعي ثاني
وان
كان ما جاك مرأى الشوف=كرر له الطب يوناني
**
آخر
خبر في الهوى جانا=الحب في غرفة الإنعاش
ومن
بعد في الحب ما عانى=قالوا لنا ان الهوى ما عاش
***
كسرات 4/3/1439هـ
خلي
شموخك شموخ يظل=فوق الأفق يوم ما يُرقَم
لا
تنظر ورد من حنظل=لا تنتظر عذب من علقم
**
إعلامنا
اليوم يا كافي=مثل الحراج الذي بالسوق
مثل
المجانين يا شافي=هذا يقوده وهذا يسوق
**
يا
رب توبه نصوحه لك=والعبد يخطي بأعماله
وانت
الذي عمنا فضلك=والكل عاقد بك آماله
**
يا
الله يا رب يا قادر=من عاديات الزمن فينا
يا
رب في شيلته بادر=واللي لقيناه يكفينا
**
قالت
لي يا صاحب الفصحى=يا اللي تردد غراميات
فاتك
قطار الهوى واصحى=طارت من حْسابك الميات
**
سألتها
واحده منهن=اللي اشغلن مهجتي والروح
قالت
أنا نايبه عنهن=واسعدك واداوي المجروح
**
ما
دام تركي لنا ريس=وطارق هو النايب المختار
في
كل حاجه لنا يقيس=في كل الأوضاع ما نحتار
**
بعت
الهوى واشتريت الحب=وانا احسب الحب شي ثاني
لقيته
الحب ماله طب=وكسرت بالحب أوثاني
**
يا
الله يا قابل التوبه=يا غافر الذنب للإنسان
قاصدك
يا رب في الأوبه=يا صاحب الفضل والإحسان
**
يا
حب ما بيننا حاجز=قلة نصيبي وفرق السن
ولا
زلت في حلها عاجز=لو رحت للإنس والا الجن
***
منوعات 5/3/1439هـ
كسرات
تبعثرت
كل آمالي=اللي من اول بقلبي تلوح
فارقت
انا اليوم رَسْمَالي=من يوم فارقت انا المملوح
**
أيامنا
كلها أحزان=والصبر محمود للصابر
هلي
دموعك كما الأمزان=وقولي قصدتك يا جابر
**
الأم
جنه بها يسكن=بناتها مع بنيها دوم
ولا
شفت ليل الدجى يدكن=يْكون جا في أجلها يوم
**
بالسر
لي قالها غالي=كلمه وخلتحياتيافراح
عن
شي ما كان في بالي=تشفي لي القلب من أجراح
**
إشرب
من المر والا دع=مجبور تشرب منه باكر
القلب
للهم مستودع=دايموجوي معه عاكر
**
رجال
لاسرارها صندوق=في جدها أو مهازلها
والبعض
في هرجته وَنْدُوق=مثل النسا في منازلها
وندوق
: كثير كلام .
***
منوعات 8/3/1439هـ
كسرات
لإخواننا
الهلاليين أقول :
الكاس
غادر وحنا نشوف=يا الله يا رب عوضهم
مرمى
أوارا لهم مكشوف=قناص لازم يروضهم
**
على
وتر من نغم حساس=ضربت واطربت للسامر
عكس
الذي قالها من ساس=الحي ما يطربه زامر
***
كسرات 11/3/1439هـ
أقولها
ما لها نكران=إن الوطن يستحق الحب
اللي
له الفضل والشكران=من بعد ديني وبعد الرب
**
داعب
عيوني لذيذ النوم=وصورتك قدامها تختال
رميت
نومي بجنبي كوم=رغم انه النوم لي ختَّال
**
تكحلت
بالسواد عيون=والمِيل ماطب محجرها
ربي
يجازيك يا المزيون=يا اللي محاجرك ما افجرها
**
يا
حب خابزك انا عاجنك=اعرف دروبك ولفاتك
ولو
قلت حاكمك انا ساجنك=يكفيني الرب آفاتك
**
رجال
وقت اللازم تزوم=ورجال تنقص بلازمها
ترى
المواقف تريد عزوم=معها شجاعه تلازمها
**
إن
كان تبغى تلوعني =كم لي معك في الهوى ملتاع
إسمع
كلامي وطاوعني=شاريك وانت الذي مبتاع
**
من
ورثة الحب انا خلفت=ما يكفي اولاد أولادي
ما
هو حكي أو كلام الفت=من داخل وخارج بلادي
**
يا
بدر وسط السما ساري=يا اللي وصوفك حلا وقبول
محفوظ
برعاية الباري=دايم عليك الرضا مسبول
**
عندك
ملايين تبقى لك=واخلاقك اللي يبيها الناس
ما
للبشر دخل في مالك=يبغون بَسْمَتْك والإيناس
**
آكل
تمر بالسنون آلوك=وجاوزت سبعين في عمري
واحط
بعض اللبان علوك=من بعد ما ينتهي تمري
**
جلست
انا فوق ذاك العرش=اللي بملك الهوى جاني
باعت
معي كل صاحب قرش=واعطتني الحب مجاني
**
يا
صاحب المال لا يغرك=مالك ويشغلك عن دينك
وصلاح
دنياك في برك=لاهلك ورحمك وولْدِينك
**
قدام
نسمع من المذياع=واليوم كثرت وسايلنا
ونعمل
مداريه بالأجذاع=وبالحبر نكتب رسايلنا
**
أحب
انا الحب مهما كان=ولا زلت عايش على ذكراه
الحب
له بالفؤاد اركان=برضاك تبنى وبالإكراه
**
لا
تحسب اني بعد ما رحت=أتبع خطاويك واثارك
ولا
اقول إني بعدك ارتحت=ما انسى محبتك وايثارك
**
آثرك
دايم على روحي=ولو تطلب الروح روحي فداك
وما
يهم لو زادت جروحي=في حين ربي يشافي ذاك
**
أقولها
قول بلساني=وانا إذا قلتها صادق
كم
من غمرته بإحساني=وبالغدر لي صار متشادق
**
جدد
معانيك والألفاظ=واطلق بها في الملا كسره
تلقى
جميع الملا حفاظ=في ساعة اليسر والعسره
**
يا
ما على العالمين تمر=أحوال من مرها يشكون
بين
السلامه وبين الضر=أيامنا في الحياه تكون
**
جاب
السلاسل وقيدني=وقدمت خاضع له اليدين
وكل
المخاليق أيدني=لجل الأمر في رضا الوالْدَين
**
ضميتها
صورته للحضن=هي وحدها اللي تسليني
لقيت
بعده عليه مضْن=اللي أعزه ويغليني
**
حبايبي
يوم أذكرهم=واذكرزمان السعاده ذاك
أظل
ساعات فاكرهم=يا طرف كيف الكرى يهناك
**
أحيا
مع الحب في ميعاد=ميعاد صادق مع احبابه
واللي
رحل في الهوى ما عاد=من يوم ما راح من بابه
**
الحلم
في ليلة البارح=يقول من هو سلب عقلي
تقول
في لفضك الجارح=كلام ما كان لايق لي
**
تغيرت
نظرة الإنسان=والكون كثرت تلاوينه
السوء
عود إلى الإحسان=وطيب على الشين طاوينه
**
أنا
أغرد بوسط السرب=ماني لحالي بتغريدي
جعلت
الالحان ليه ترب=ويردد الطير ترديدي
**
يا
نور عيني يا نور النور=يا مهجتي يا بعد أهلي
يا
اللي كما لمبة البنور=أدراه حبي على مهلي
**
جربت
انا الحب كثر الرز=واقول قولي بلا منه
أيام
لي من شبابي عز=عايش من الحب في جنه
**
قدم
جميلك ومعروفك=تلقى الأجر والثنا والمجد
ما
دام تسمح لك ظروفك=بكره ترى ما تقدم تَجْدِّ
**
أصبحت
في الحب انا مصدوم=وموقفي فيه ما يرضي
صحيح
ان الهوى ما يدوم=مثل الشباب الذي يمضي
**
إحنا
عرب من طبايعنا=وعاداتنا للعرب عادات
نبيع
من كان بايعنا=لو انهم من عرب سادات
**
النفس
بالعرف ماموره=من ربها خالق الأكوان
والدار
بالخير معموره=من كل الاشكال والألوان
**
كسرات 12/3/1439هـ
منزل
لهم في الحشا ماكن=وبالحب ماقط طاعوني
بالتبر
ما بعتهم لكن=بالتبن قاموا وباعوني
**
ناديت
ما جاوبتني بعد=وحدي أنا كنت با انادي
ما
بيننا في المحبه وعد=لكن خانت لميعادي
**
بنيت
لي بالأماني قصور=عليتها في سما وجدي
وظليت
في واقعي محصور=ما نالني شي من مجدي
**
سألت
انا الزين يا أكحل=يا صاحب الرمش والأهداب
من
عينك القاتله ما الحل=قلي الزم الذوق والآداب
**
تشاور
الجفن والعينين=والخد يسمع تشاورهم
قال
الخطر منكم الإثنين=وبالدمع أصبح يحاورهم
**
إحنا
من الأرض مخلوقين=وتضمنا أمنا الصحرا
ومن
تمرها الزين مرزوقين=واحنا بها يا عرب أحرى
**
عمار
يا دارنا تبقين=بالقلب دايم مقامك فوق
والشر
والغدر ما تلقين=تستاهلين الغلا والشوق
**
بدر
الدجى من سمايه غاب=واليوم طالع معي ثاني
يا
ليتني في حياتي شاب=يا حب بالشعر ترثاني
**
ما
ادري رضا لو تغزلنا=والا زعل منك يا ثلاب
زمان
في الحب عزلنا=وللوقت في دورته دولاب
****
كسرات
اللي
تغدى بأصحابه=وصار من فرحته يزهى
يأتي
العشا فيه برحابه=على لظى نارها يطهى
**
هيا
اسمعوا آخر الأخبار=من حاكم الظلم والعدان
القدس
تبغى عمل جبار=من حضر والا من البدوان
**
إنسان
ممزوج من إثنين=ملاك ما هو ولا شيطان
والخير
والشر له دينين=واللي غلب يصبح السلطان
**
البعض
يصحبك ويعاشر=من أجل حاجه بعَدْها يروح
ماني
بطيه لكم ناشر=لجله بوضعه لكم مشروح
***
منوعات 18/3/1439هـ
كسرات
يا
حب انا جيت با اودعك=من بعد ودعت خلاني
ظليت
لي شي ما أبدعك=واليوم ما شي سلَّاني
**
من
رمش عينك نزل مصعد=وشالني لين علاني
لكن
عن مْشَاهَدَك ما ابعد=لما تركني وخلاني
**
اللي
على المسلمين يروف=لو كان من غير عيلاته
من
يعمل الخير والمعروف=يلقاه في كل حالاته
**
قال
احتشم يوم كلمته=وخليك عاقل وعندك ذوق
قلت
الحشا ليه آلمته=وخليت قلبي كثير العوق
**
ظليت
انا للمحبه خصم=آخذ حقوقي بيديه
قصمت
ظهر المحبه قصم=ما بيننا كان ندِّيه
**
لو
خيروني ما بين آموت=والزين يبقى لمن حبه
لا
والذي خصنا بالقوت=أطلب له الخير من ربه
**
من
ذاق في يوم ذاك الحب=ما اظن طول العمر يسلاه
لا
شاف ذيك الشفاه القب=والصدر فيه النهَد ما احلاه
**
لا
جاني الراتب التأمين=كأنني في الكرم حاتم
ابعزقه
في شمال يمين=ومستقبلي بعدها قاتم
**
نجم
السعد يوم قابلني=نسيت نحس الليالي السود
أرخى
عليه وقبلني=واصبحت من عاذلي محسود
**
والله
لو غبت عن عيني=وهجرتني بعد ذاك العهد
ما
انسى الذي بينك وبيني=يا اللي بريقك عبير وشهد
**
إن
كان تبغى تساعدني=يدي بيدك ونكمل جهد
يا
اللي الوفا فيك يسعدني=واعطيك انا من وفايه عهد
**
بالكذب
والدجْل والبهتان=قامت تصور مكاسبها
مثل
المطر لا نزل هتان=الشعب لما يحاسبها
**
وجه
الجمال الذي أشرق=لما ضحك لي ببسماته
في
بحر حبه بغيت أغرق=لما جذبني بنسماته
**
أخذت
من ذكريات الأمس=عن الهوى والحياه آمال
لو
شفت لي وجه مثل الشمس=ما اميل له كان مالي مال
**
الخير
يا فاعله تجزى=والناس كم فيهم المحتاج
وابليس
في موقعه يخزى=وحسن الخلق فوق راسك تاج
***
كسرات 22/3/1439هـ
حظي
كأنه دقيق يطش=في يوم حايه وهو مكشوف
وطيور
في داخله ماتنش=واللي يلمه عَمَى ما يشوف
**
قلبي
مع الحب متلايم=ويقول للي زهم لبيك
ويحارب
العاذل اللايم=ويقول للي عذل ما ابَيْك
**
***
كسرات 22/3/1439هـ
والله
والله مثنيه=جمهوري اليوم مسعدني
واقولها
صادق النيه=في قمة الذوق موعدني
**
بنى
استراحه وسط القلب=وقام للحب أجرها
والحب
جاب الحبايب جلب=بعيون بالسحر فجرها
**
دكاتره
في الشعر والقيل=اللي يحلون ألغازي
وعشرات
من سيدات القيل=فكري وعلمي لهم غازي
**
حاربني
الوقت واتعبني=واتعبت له في المحارَب حال
والنوم
ما قط داعبني=كني مسافر معه رحال
**
حتى
متى والزمان بحرب=ضدي وانا معامله بالسلم
اللي
قعد لي بكل الدرب=بالجور ومعاملات الظلم
**
أصحاب
لما فقدناهم=فقدانهم حير الخاطر
والآن
لما وجدناهم=هلوا لنا هلة الماطر
**
البرد
فينا رمى ثقله=عند الحرارة يدور ثار
واحنا
الضحيات في حقله=والحر قبله مولع نار
**
با
الله يا حب صالحني=يا كم مره عليك آسيت
وبالعيش
لقمه ومالحني=واحمل معك بعض ما قاسيت
**
خاصمني
الوقت والأزمان=ووقفت في وجههم وحدي
في
جيش هتلر مع الألمان=مقصودهم في حفر لحدي
**
مرمر
زمانه هو العيسى=والمالكي له أخو صاحب
مع
أخت كانت لهم حيسا=واخرى لهم وجهها شاحب
**
يا
فجر طالع لنا توك=كيف المسا له مطامع فيك
مثل
القمر صرت في جوك=يا اللي الحلا والغلا ضافيك
**
يا
حبيِّبي جيت في موعدك=كلك حلاوه وحنيه
ترتاح
يدي للمسة يدك=وترتاح عينك بعينيه
**
أحسب
سنى البرق لما لاح=بسمه حبيبي مع الظلمه
لما
الليالي علينا ملاح=وامر ولا يرد لي كلمه
***
كسرات 23 / 3 / 1439هـ
سلاسل الود تاسرني
وتحيطبي من جميع جهات
والود لما يحاورني
ما بيننا الحب خذها هات
**
حمامة
الدوح لاغنت
أما
طرب أو أسى وحزون
ألحانها
بالصدى رنت
خلت
دموعي تهل مزون
**
يا
عاتيات الرياح اللي
هبت
على حبي الماضي
شالت
لي الساس بالكلي
خلت
فؤاديمنه فاضي
****
كسرات 24/3/1439هـ
قالوا
تزوج وقلت العهد=وحدي كذا قام خَلَّاني
أنا
مهيا وعندي جهد=لكن ما اخون خُلَّاني
**
جمهوري
اللي معاي محيط=سر التفوق على اقراني
معدن
ذهب ما يبا تفريط=دايم على الدرب يبراني
**
كسره
شعبيه
البارحه
زاد تفكيري=واللي شغل خاطري والبال
اللي
كما جبنة الكيري=بياض زايد ورقة حال
**
تزوج
الفقر بنت الجوع=وانجب لها بنتها الفاقه
ولما
تنحى بدون رجوع=قام وسرق بالسفر ناقه
**
آخذ
من الحب ما يعطيه=ما اكلفه فوق مقدوره
يا
كم واقف على شاطيه=ويا كم من عام ببحوره
**
مني
استمع موجز النشره=عن بنت قال اسمها بنتين
ثلاث
ناقص من العشره=وخمسه وسته مع المِيْتَيْن
**
كسرات 25/3/1439هـ
مصايد
إبليس يعرفها=ويلوذ باللي يصيده لوذ
عنا
الشياطين تصرفها=يا رب بك من أذاها العوذ
**
بمنقضات
الحياه نعيش=بالأرض في طولها والعرض
أحيان
مثل الطيور بريش=تْطير واحيان نمشي أرض
**
الله
يخليك يا الغالي=ويطول عمرك لنا وتعيش
لجلك
تناسيت أشغالي=مثلك لنا في الهوى ما فيش
***
كسرات 26/3/1439هـ
يا
حب مالك غنى عني=ولا اعيش يا حب من دونك
شاعرك
يا حب واغني=لحنك لمن هم يودونك
**
مثل
البضاعه بسوق الحب=بالرخص جا باعني الغالي
يوسف
رموه اخوته بالجب=يا من سمعني وتصغى لي
**
لا
تحسب انك نهار تروح=تكسر رُقُبْتي وتحنيها
صحيح
إنك حياة الروح=لكن فوقك أمانيها
**
أخذت
من وقت الكافي=والحب نلت الثماله فيه
وما
اظن باقي لها قافي=باقي من العمر واستوفيه
**
ما
عاد لي في الهوى مطمع=من بعد نلت الذي باغيه
كم
سيلت نظرتي مدمع=من خد شادي وانا اناغيه
**
أنا
الذي كل ما أبني=يأتي زماني ويهدمها
عكر
مزاجي وعذبني=باعماله اللي يقدمها
****
كسرات رمضانية
سبعة عشر يوم غزوة
بدر=فال النصر سيد الأكوان
وبآخر الشهر ليلة
قدر=ثوابها والأجر ألوان
**
بعت الهوى واشتريت
اليوم=للقلب والبال راحاته
حتى عيوني هناها
النوم=والقلب ضمَّد جراحاته
**
كسرات قديمة
يا اللي جعلت الشعر
لي نبز=لجل الشعر صار رسمالي
صحيح هو ما يوكل
خبز=لكن في المستوى العالي
**
يا بارز النهد يا
صغير=يا اللي عرفت الهوى توك
أشوفك اليوم
متغير=ويش الذي غيَّره جوك
***
كسرات 30/3/1439هـ
(تسأل عن الحال
وانت الحال )=يا من سأل أمس عن شخصي
من دون حبك أعيش
محال=وعندك غلايه وبك رخصي
**
من ساحل املج
للرايس=حتى بدر مصدر الإبداع
ومن أرض طيبه بها
قايس=للقنفذه بنك للإيداع
**
كل الليالي نغني
حب=نبكيه في الوصل والهجران
طول المدى ما لقينا
طب=من ديرة الوجه لا نجران
**
ومن النسا ناخذ
العبره=في البيت والا العمل لا صار
البعض ما تنظم
الإبره=والبعض في شغلها إعصار
وعيني عليها بارده
**
تخاصمن عند
راجلهن=ثنتين وازرى يسكتهن
واحد سمع قال
عاجلهن=بالضرب تحظى بفكتهن
**
عملك لا قمت
واتقنته=في السر والا العلانيه
وآمنت بالله
وايقنته=يصلح لك القصد والنيه
**
بنت الحلال الذي
تسعدك=بالبيت وتدبر أمورك
عن بيتها دوم ما
تبعدك=لو كثر في الناس جمهورك
**
لو الهوى جار في
حكمه=لازم نراعيه ونماشيه
من هو قدر في البشر
شكمه=والا بماله غدا راشيه
**
عفارم الحب له
تعظيم=وحده قهر كل عدوانه
لا جيش عنده وله
تنظيم=حاكم لحضره وبدوانه
**
منوعات 2/4/1439هـ
رباعية للبيعة الثالثة
يا شعب بايع شمام الآن=والناس قامت ببيعتها
بيعه كما بيعة الرضوان=ونقوم لازم بطاعتها
يا رب تحفظ لنا سلمان=دعوه والاكوان سمعتها
تكتب على صفحة الجرنان=تلفازها مع إذاعتها
***
كسرات
بالحب نمسي ونصبح
به=كل الليالي علينا مْلاح
مثل المطر هل من
سحبه=والرعد زمجر وبرقه لاح
**
رحيق ذيك الشفاه
القب=أزكى من الورد والتفاح
لما بكاس الغرام
يصُب=يطفي اللظى قطره السفاح
**
أسمع بطاريك وأسعد
بك=لو كان ما شفت شخصك يوم
وتنام عَيْنَيْ في
هدبك=من غير رؤياك دوم الدوم
**
يا حبيبي لو كتب لك
ذنب=فيَّه وما تعمله فيَّه
خلك نهار الحساب
بجنب=ويا رب ذنب اغفره ليَّه
**
ملاك فتان في
شكله=في كل وصفه جميل وزين
مثل العنب لذ في
أكله=لما تراءى أمام العين
**
شغل الوظيفه ترى
تكليف=للي يراعي مصالحها
ما هي لمن شالها
تشريف=من ناس تلبس مشالحها
**
بالخير ربي
يمسيكم=لا عسعس الليل واشرق نور
كل المشاكل
ينسيكم=يا ساكنين البدو والدور
**
إحنا نحب الهوى
مهما=حكمه على صاحبه جاير
يا كم رمى في الحشا
سهما=مثل الذي يرمي الطاير
**
طرفي إذا رف
بشرني=من رفته عن حبيب يعود
يا طرف رفرف
وخاشرني=في فرحتي لو لقيت وعود
**
بعد السما رجعة
الغالي=اللي تركني بلا ميعاد
في زورقي عمت
بادغالي=وحدي علي المواني بْعاد
**
حمام طاير مروح
شرق=قدمت له باليمين خطاب
وقلت له يا حمام
الورق=وصل خطابي زمانك طاب
**
ما اخطيت وابديت له
عذري=و اخطا وما قال لي آسف
دايم على زلته
أذري=واروح له خاطري كاسف
**
كسرات 4/4/1439هـ
القدس والمسجد
الأقصى=صوَّت لها ساير الأجناس
اللي لخير البشر
منصى=ومقدسه عند كل الناس
**
الحب له خاتمه تذكر=بنهايته في طريق الخير
عند المخاليق ما
تنكر=رابط زواجه ما غيره غير
**
أدركت جيل الذي
سابق=وعاشرت من خير هذا الجيل
ذكري غدا بينهم
عابق=بالقيل والا بغير القيل
**
مثل المطر مرحبا
تسعين=يا اصحابنا يا حبايبنا
الله لنا والجميع
يعين=شبابنا جنب شايبنا
**
يا قمري اللي بجيده
طوق=يا اللي تغني بجوف الغاب
ما ادري طرب أو
تغني شوق=والا وليفك جفاك وغاب
**
دق الهوى بابي المغلق=وقلت
يا حظي التعبان
وارسل خبر قال لا
تقلق=خذ لك وَعَد في شهر شعبان
**
لا صابني الحب لي
سكَّر=وسألت عن طعمه الصاحين
البعض قالوا كما
السكر=والبعض ذاقوا مراره حين
**
نظرة عيونك
تسكِّرني=وافقد شعوري مع الإحساس
طول المدى منك
تأسرني=نظره من الأعين النُّعَّاس
**
بعض العرب ما يبيْ
له فحص=وقت اللزم يعمل الواجب
أصيل باللمس يقحص
قحص=حطه على العين والحاجب
**
بالكف جاني
وصافحني=مثل الزهر عاطر الأنفاس
والمسك والورد
نافحني=من كفه اللي كما القرطاس
**
الحب من عهد آدم
كان=وباقي إلى آخر التاريخ
ما احد سلم منه من
سكان=حتى الذي ساكن المريخ
**
الشعر يحتاج فيه
النقد=لكن نقد الشعر هادف
واللي بقلبه يشيل
الحقد=يحمل من الحقد ما يصادف
**
الشمس يوم انها
تطلع=تشرق لها نْفوس مشتاقه
وعيون في نورها
تشلع=وقلوب بالحب خفاقه
**
لو الهوى يشترى
بقروش=شريت ما يسد عمري فيه
وابني بغالي هواي
عروش=لو كان بالدين واستوفيه
**
ما عاد باقي من
الحب شي= إلا ذباله كما الفانوس
اللي من اول طعام
وري=يسعد منه قلبي المأنوس
**
مات الهوى في فؤادي
أمس=ومشيت بجنازته مسرور
واليوم قدام تطلع
شمس=في داخل الدار جاني يزور
**
حبيبتي قلتها مرات=وفي
كل مره بطعم ولون
وسمعتها بالأذن
كرات=أحلى غزل في جمال الكون
**
يا سيِّدي قلتها
خاضع=للي ملكني برقة لطف
قبَّلت خده وانا
واضع=فمِّي على وجنته في عطف
**
ما
بين بايع ومن شاري=لك يفتح الله يقول الناس
ذا
شي من قبلنا جاري=ونهج الأوايل بفعله ساس
**
حسبه
لخالي ولد خالي=وحسبه لعمي ولد عمي
والعايله
قربها غالي=اللي خلط دمها دمي
**
أطلب
وانا للطلب حاضر=ما دام بيني وبينك عهد
يا
غصن في شيحته ناضر=يا اللي خدودك وريقك شهد
**
هفهف
نسيم المسا بحري=صافح خدودي يرد الروح
مشهد
على ساحله سحري=وافواج فوق البساط مروح
****
منوعات 5/4/1439هـ
كسرات
أسمع
لبعض العباد هروج=والرد في طارف لساني
لكن
من يمهم محروج=شملتهم يوم باحساني
**
العلم
سلم إلى الأعلى=واول طريق المعالي علم
بعده
طريق العمل يحلى=ومن عاتب الحظ هذا ظلم
**
أقمار
فوق السما تمشي=واقمار بالأرض معها تدور
وانا
الذي تاه بي رمشي=ما بين هذي وذيك يدور
**
من
خبرة العمر والتجريب=با اعطيك يا صاحبي فكره
من
خان وده تراه يريب=بيعه ترى يبيعكم بكره
**
هل
غادر الشعر متردم=يقولها عنتر المعروف
ما
يؤخر الشعر ويقدم=ما دام هرجه ورص حروف
**
أحبك
آحبك آحبك=لا والذي أرسل التنزيل
واللي
ابتلى بالهوى ربك=هو الذي يرفعه ويزيل
**
يا
شعر ما قط سخرتك=أسب هذا وأشتم ذاك
وبالسَّبْق
ما قط أخرتك=في أول السابقين هناك
**
شعري
الذي يوم رصصته=بعضه خصوصي وبعض عموم
ما
هو على الحب خصصته=عالجت به للحياه هموم
***
كسرات 6/4/1439هـ
تبادرت
بالشعر حرفان=والدمع من محجري سفاح
كأنها
نفحة البرفان=عبر النسيم الشمالي فاح
**
لا
ضمنا الحر في ناره=قلنا الشتا للعباد ارحم
ولامسنا
البرد باضراره=قلنا عسى الصيف له يزحم
**
إذا
رأى الناس راعي خير=قالوا جمع كل هذا منين
واذا
رأوا مَن حياته غير=قالوا رجل ما يسد الدين
**
أستاذ
في الشعر ومرشح=يحتل في الشعر دكتوراه
بالأندلس
أَلَّف موشح=سلمت يمينه على يسراه
**
اللي
يكيل القوافي كيل=ويشدها شد بالميزان
ليله
نهاره نهاره ليل=حزنه فرح والفرح أحزان
**
تفاخر
الورد مع فله=أنا الشفايف مع الخدين
والفل
في منطقه قلُّه=لوني الثنايا مع النهدين
****
ما
ازكي النفس يا ربي=انت الذي لي تزكيها
لكن
انا شخص متربي=واختار الاعمال زاكيها
**
أبحرت
في الحب وانا شب=والشيب حطم لمجدافي
رحلة
عمر في مجال الحب=ما حققت كل أهدافي
**
صرنا
نصيد القوافي صيد=ونجاري الناس في ذا الباب
وقالوا
بوصف الحبيبه زيد=والبعض قالوا لها ثلاب
***
اصحى
تصدق بأن الناس=جميعهم مستوى واحد
الناس
في المستوى أجناس=طيب وشاكر معه جاحد
**
أصحابنا
كنهم كبريت=مليان أيام حاجتهم
واليوم
طاير بهم عفريت=ما ادري الشياطين ناجتهم
**
بالشعر
صار اكتفا ذاتي=لكل رِبعه طلع شعار
وانا
الشعر كان في ذاتي=واهديه منحه بدون اسعار
**
قلبي
يحب البشر لا فرق=ما بين هذا وهذا وذاك
مثل
المطر لا سطع بالبرق=عم البشر من هنا وهناك
**
بغيت
اجازيه بافعاله=لكن عيا الفؤاد يجيب
ولع
لي القلب باشعاله=اللي معه ماسك التوجيب
**
تعال
با اعطيك من فهمي=طبع الهوى قوة الأعصاب
لما
رميته رجع سهمي=خايب وسهمه بقلبي صاب
****
كسرات 9/4/1439هـ
وقت الرضا
والوداد أقبل=رجليك ما اشوف فيها شي
ووقت الزعل
والغضب لا بل=ما اذل ما دام راسي حي
**
أستوحش القلب
من فرقتك=واستانس الحاسد العاذل
سافرت وابطيت
في طُرقتك=وعن عودتَك كنت متخاذل
**
يا ليته الحب
له مرقى=نطلع لعنده ونرجع منه
كثير في غبته
غرقى=واللي غرق ما سألنا عنه
**
رفعت سماعة
الهاتف=أبحث عن اصحابنا في الحي
وغبار في جوهم
كاتف=للبحث ما شفت واحد جي
**
دنيا مصالح ما
بين الناس=ومن هو ظفر بالمصالح راح
أصحاب كانوا
لنا وُنَّاس=وقت الحزن أو مع الأفراح
**
ما احد من
الناس ما يخطي=الناس تخطي وحين تصيب
بس العذر منك
لا يبطي=لا جات زله مع التعصيب
**
يا بدر يا ولف
ومسامر=واحيان واشي على الأحباب
باللي تبا إنت
لي آمر=واطلع معي باسود الجلباب
**
طالعت بين
النجوم آريد=أكشف لها بعض أسراري
قام الجدي مد
ليَّه إيد=ويقول مرسولك الساري
**
جمعت في القيل
تحويشه=امثال في الشعر من أهله
ومريب والراس
به ريشه=من ظن هرجي موجه له
**
طل القمر من
ورا الشرفه=واشرف عليَّه من العالي
جلست يومين
بالغرفه=وانا انتظر طلعة الغالي
**
بيض الثنايا
تشادي الدُّر=أما الشفايف عقيق احمر
والنهد ما طب
فيه الدَّر=فوق الصدر تو ما أثمر
**
في حلقها بس
تعليقه=واخراص لولو على الأذنين
والخصر له
وسطها ضيقه=وبالصدْر متْنَاظِرَيْن اثنين
**
ما احدسلم من
خطا في الكون=حتى النبيين والأصحاب
لكن بين
الخلايق بون=هذاك كاره وهذا حاب
**
في المدونة
تابعت انا
مسلسل التنديل=فيه النمر أوسط عياله
بنات من آخر
الموديل=شيخه وحصه من ابطاله
**
سبت الهوى من
زمان العام= ولا عاد لي في الهوى راده
أول لي الزاد
والإطعام=والحال غير لي العاده
****
منوعات 10/4/1439هـ
كسرات
الناس صارت
بلابل جو=في كل لحظة لها تغريد
أسلوب شامل
وطالع تو=رجالها والبنات الغيد
**
جهز لي الحب
في كرتون=واشريه لا جيت دكانك
أشوف عالم تهز
متون=يا سوق ذا شغل سكانك
**
تبسم الحظ
للمسعد=أما بوجه الشقي كشر
وصار عن ساحته
مبعد=في كل مسعاه يلقى الشر
**
نرضخ لأمر
الهوى إرغام=ومن الهوى نصير في نِيلَه
دايم علينا
أسد ضرغام=وما لنا فيه من حيله
**
لو الهوى شخص
قدامي=أرميه لو كان ساعة غدر
واهرب على
جامد اقدامي=لو كان افارق بلادي بدر
**
يا حب انا با
اعتذر مرغم=وابغاك تقبل لي الأعذار
في كل ليله
وانا في غم=وفي كل لحظة يجيني انذار
**
يوم السحاب
الذي يُرِعد=والبارق اللي معه رفراف
جاني حبيبي
على موعد=تجمعت ساير الأطراف
**
برياضة الحب
يوجد شوت=هذا الذي عندهم سايد
واللي خرج
ينعتونه أوت=واللي انفرد قيل أُوفْسَايد
***
مشتكى ورد
يقول شاعر الكسرة القديم :
غرقت وانا
قليل العوم=ولي سيد يضحك ويضربني
نصبح حبايب
ونمسي قوم=مخلف مزاجي ومتعبني
وأقول :
ان كان تبغى
لذيذ النوم=وتقول يا سيد قربني
خلك بجنبه
دوام الدوم=والود ما بينكم مبني
***
منوعات 11/4/1439هـ
كسرات
عنكم أنا السر
ما اخبي=وكتاب مفتوح للوراد
أخذت ما اردت
من حبي=والحب مني أخذ ما راد
**
حبيبتي قلتها
مَره=ولا عاد با اقولها ثاني
أشوفها في فمي
مُره=من يوم فارقت خلاني
**
يا صاحبي من
سنين طوال=واحنا لنا في الهوى صحبه
لو بالغلط
ترفع الجوال=لك منزله عندنا رحبه
**
يا كم ضاقت
فجاج الأرض=ساعة عسر ضاق مخرجها
وجهت للي
الدعا له فرض=وجهي وفي الحال فرجها
**
ثلاث أرباع
عمري راح=في الحب ليت الهوى ما زان
واحد من الألف
في الأفراح=وباقيه في الهم والأحزان
**
جوال عندي أنا
لكن=مخفيه عن كل إنس وجن
من يوم جوي
غدا داكن=ما اجاوبه يوم حين يرن
**
أبحث أنا مثل
بحث الفار=عن كل معنى ما هو مطروق
واعود كني من
الأسفار=لا شفت معنى معاي يروق
**
أكاد أجزم بأن
الكون=مليان بالطيبين رجال
والا النسا ما
هنالك بون=في سكة الخير يسعى وجال
**
هو الحبيب
الذي هو هُو=ما فيه غيره بكل الأرض
لا ون موجود
والا تُو=ولا أيك أو دُو بْطول وعرض
**
حبيِّبي ما
عرفت اقراه=أحيان يقبل وحين يصد
وِلَا جيت
أجاريه في مجراه=أحيان يمزح وحين يجد
**
يا كم من مدعي
ودي=واليوم قاطع علاقاته
فرقاه ما وقفت
مدي=ولا زاد مجدي ملاقاته
***
