الدويه وما أدراك ما الدويه

الدويه وما أدراك ما الدويه

 

جيت الدويه لها طربان=اسمع صدى مجدها الطايل

لما يلعلع بها رعدان=بالصيف يوم القنو مايل

منصور في صوته الرنان=اذا انحدر رمله السايل

كأنه الزير في الميدان=رمز النصر قاله القايل

وابو قراضي براسه كان=بندق فطر ملحها كايل

والسد في قاعته مزدان=طريق للي يجي شايل

والفلق ينزل به السكان=كنه حصن صعب للنايل

مرقاب باعلى الجبل مزبان=للصابره يرصد العايل

واثار أخرى لها أثمان=طرفي بها بالنظر جايل

مثل الكتابات من أزمان=فوق الصخر من زمن زايل

 

--------------

يلعلع : يرتفع صوته .

رعدان : الصحن الذي يلعب به النساء .

منصور : جبل رملي في غرب بدر يصدر دوياً يقال أنه طبل النصر ، وهو في الحقيقة وكما ثبت علمياً يصدر عن إنحدار الرمل .

أبو قراضي : جبل رملي كانت به تطلق البندقية التي تشعر الصائمين بأذان المغرب وحلول الفطر .

السد : طريق يؤدي إلى الخبت .

الفلق : موقع ينزله الناس تحيط به الجبال من جميع النواحي .

المرقاب : هو حجر برأس جبل هناك في الغرب من بدر يسمى ابا مرقاب يكمن خلفه رجل أو رجال يسمونهم الصابرة يترصدون مجيء العدو من تلك الناحية ويخبرون رجال البلد للتهيؤ لصدهم .

البرقاء

البرقاء

شمال غربي بدر تلقى=منها الرمل فارد الجنحان

كأنها طاير العنقا ^{( [1] )} =والرخ ^{( [2] )} اسطورة الحيان

اخبرك عن رملة البرقا=اللي لها في بلدنا شان

برقا وفي لونها بلقا=كأنها بالسباق حصان

فيها استراحة وجو انقى=دايم يرودونها العربان

وان كان عندك جدا ^{( [3] )} ترقى=وتشاهد البحر بالأعيان

ولما بدمع السما تسقى=يطلع يفحط بها الشبان

والملص ^{( [4] )} في خلفها يتقى=تاريخ ماثل مع الأزمان

حفرة قعيقع ^{( [5] )} بها تبقى=ما ردد الأنس ذكر الجان

بالعين يا الله لها توقى=تبقى أرصر راسي الأركان

---

[1]) طائر اسطوري .

[2]) طائر اسطوري .

[3]) جدا : حيل .

[4]) موقع نزول الملائكة في غزوة بدر ، يقول الصحابي أبو محمد البدري رضي الله عنه : " لو كنت في بدر ومعي بصري لأريتكم موقع نزول الملائكة بالملص . " .

[5]) حفرة قعيقع : حفرة طويلة تقع بالبرقاء ويقال أن ساكنيها من الجن .

من ذكريات الماضي

من ذكريات الماضي

 

البارحة قمت في خفه=جاني هوى حرك الوجدان

جلست في قاعة الصفه=استعرض الشوق والاشجان

لو كنت من شارب اللفه=يطير من خشمي الدخان

هاجس على البر والضفه=والجو عالق على الاذهان

وين الذي يفرق الحفه=ويذوب الكحل في الاجفان

والا الذي يرطب الشفه=بالورد ويعطر الاوجان

والا الذي يملأ القفه=يجني الرطب من على القنوان

والا الذي يخلط السفه=مع التمر والسمن جوعان

والا الذي يعدل الكفه=حتى يتساوى له الميزان

والا الذي يدفع الدفه=ريس وللساعيه ربان

ولا الذي يحمل الزفه=ويصيح ميتك يا عطشان

والا الذي يتبع الغفه=يبحث عن العشب في الضلعان

والصيف له بالنخل هفه=كأنها من جبل لبنان

والأرض ما تصيبها جفه=دوم المطر ينهمر هتان

وبيوت بالخبت ملتفه=عند الدبش تشهد الرعيان

وجموع باللعب مصطفه=اجناس من حضر أو بدوان

طويل ثوبي وله رفه=مستكمل النسج فوقي زان

يوم العرب تلزم العفه=ويضفها الحب والإيمان