رباعية
أنا مخضرم أنا عصري=راعي حضارة وراعي بل
ماني بشامي ولا مصري=ولا مغرب أو بتونس حل
ولاني يماني ولا بصري=وانا سعودي واحب الكل
وموقعي في الهوى حصري=ما يدخله شخص غير الخل
***
من سلسبيل الشفايف ذوب=ياما نهلنا عسل حالي
واطفى لنا بالحنايا شوب=واخمد لهب حرها الصالي
***
ألغاز خفيفه
بنتين سكان بالباحه=أمعاءهم تنتشر بالأرض
فيهن لكل البشر راحه=من كان بالطول أو بالعرض
**
قالوا ثلاثين مع إثنين=هذا حسب قول حاسبها
وان سلت عنها تجينا منين=خلقه وواحد يركبها
****
ليست هناك تعليقات:
إرسال تعليق