كسرات

إحنا لهم في الحقيقة درس=أولادنا ياخذون العلم

وهم في حمى مزرعتنا غرس=ولازم نعامل لهم بالحلم

لما أنا في شبابي كنت =سووا لنا في الهوى قصه

واللي تدِّرس بفصلي بنت=طلعت أنا آخر الرصه

إذا ذكرت الهوى والحب=أقص للناس قصتهم

يمكن أحد في الغرام يطب=فجأة يجي في منصتهم

لا هود الليل لا عسعس=والتم شمل الندامى فيه

واللي رقد والذي ينعس=والنوم طرف الشقي جافيه

الحب رفرف بأعلامه=في كل ديره تحت الحب

زانت ليياليه وايام=وكل شبه ومعها شب

عرقي شرب من بحور الود=ودمي نبض لجل سقياهم

والطرف كل ما التفت ويلد=تفرح رموشه بلقياهم

شربت من كفها كاسي=كاس الهوى صافي الأذواق

مثل الخمر طار في راسي=ماني حرامي ولا بواق

عن الشباب الذي يهوى=أبغى أعبر بكسراتي

الحب ما احد مِنُه يروى=واقولها قبل مَسْرَاتي

ما احد يلومك لاجيت تحب=وتعيش في الحب طوالي

من بعد تقضي فروض الرب=وتقول يا رب يا والي

يوم الهوى قام ودعني=لما العمر صار فيه خلاف

يا حب ياليت تخدعني=ترجع تسوي معي ميلاف

الصبح لاقمت من نومي=أسمع قماري وانا استبشرت

وقدام لا ابدا عمل يومي=سميت ربي وبه باشرت

قالي الذي كان في جده=مشتاق وابغاك تلحقني

ولما بهم طالت المده=روحت لكن زحلقني

***

شاعر الريف السعودي