في
إحدى المناسبات صبوا شاهي حلو للجميع إلا الشاعر سالم جابوا له فنجال مر وقال للي
جاب له الفنجال :
ياعيد بنشدك وآسالي=أنته ذكي وعبقري وحر
تباشر الناس بالحالي=وأنا لحالي تجيبلي مر ؟!
وفي إحدى المناسبات
الاخرى قالوا له وش تشرب حلو ولا مر ؟ وقال هذه الكسرة :
آنا حلو ما أشرب إلا مر=وممنوع بالله من الحالي
لجل إن قال الطبيب يضر=أخاف وأدرى على حالي
-------------
لغز
/ محمد صالح الحجيلي
وش الذي جابه المندوب=واللي عطوهيه ماشافه
لا زاد يوكل ولا مشروب=والناس ماتجهل أوصافه ؟؟؟؟
الحل
/ سالم بن عودة
هذا الكفن بعد لبس الثوب=لفه يغطى بها اكتافه
واسعد من يتعض ويتوب=من قبل يأتيه لفافه
مشتكى ورد
سالم
بن عودة
تراثنا دقت اجراسه=خلاني اذكر قديم عصور
يدوم منهو جمع ناسه=ويحيى لنا والمحل معمور
الرد : مسعود المعبدي
اسلافنا جوّدٌوا
ساسه=وإنتَ من اللي بنى ذا السور
ولو لاك إنتَ وجلاسه=ماظن يبقى لشمسه نور
-------------
سالم بن عودة
يامن له في فؤادي سور=وفله وفي وسطها ساكن
عروق جسمي تجيب النور=وعدادها فالصدر راكن
مفرج السيد
كملت يا حضرة الدكتور=وأوفيت في حقهم لكن
يبغون هاتف ورقم يدور=حتى يصير الهوى ماكن
-------------
سالم بن عودة
ليه الهوى يطارد الإنسان=من حيث مايتجه نيه
حتى فأعلى السما له شان=يرسل خفارات جويه
مفرج السيد
مادام حاكم وله سلطان=بري وجوي وبحريه
الأمر نافذ محل ماكان=فالسر ولا علانيه
-------------
سالم بن عودة
آه الذي آه من شانه=عن كل ذوق الحياه احميت
اللي علي شب نيرانه=ولع فقلبي بلا كبريت
مفرج السيد
أصبر على كل أشجانه=لو كان بالكهربه كويت
عساك لا هلت أمزانه=من عذب وبله حلال أسقيت
-------------
